Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԳՆԱՃԱՅԻՆ ՃՆՇՈՒՄԸ ԹՈՒԼԱՑԵԼ Է

Արխիվ 12-16

ԳՆԱՃԱՅԻՆ ՃՆՇՈՒՄԸ ԹՈՒԼԱՑԵԼ Է

Գնաճային ճնշումը Հայաստանում թուլացման միտում է դրսեւորել: Արդյունքում 12-ամսյա գնաճը ապրիլին դարձյալ վերադարձել է նախատեսված թիրախային ցուցանիշների տիրույթ:
Ազգային վիճակագրական ծառայության հրապարակած տվյալներով, ապրիլին նախորդ տարվա նույն ժամանակահատվածի համեմատ սպառողական ապրանքների գների միջին աճը կազմել է 4,8 տոկոս: Այն նախորդ ամսվա նույն ցուցանիշից պակաս է մեկ տոկոսով: Հիշեցնենք, որ մարտին 12-ամսյա գնաճը Հայաստանում գերազանցեց 5,8 տոկոսը:
Գնաճի թուլացման վրա ազդել են հիմնականում պարենային ապրանքների շուկաներում արձանագրված դրսեւորումները: Դրանք թելադրված են ինչպես ներքին գյուղատնտեսական, այնպես էլ արտաքին որոշ ապրանքային շուկաներից:
Գաղտնիք չէ, որ արտաքին գնաճային միջավայրն այս տարի բավական բարենպաստ է: Միջազգային տնտեսական գործընթացների եւ պահանջարկի կրճատման կամ դանդաղ աճի հետեւանքով հումքային ապրանքների գները էական փոփոխության չեն ենթարկվում: Թերեւս պատահական չէ, որ այդ հատվածից Հայաստանի Կենտրոնական բանկը վտանգավոր զարգացումներ հիմնականում չի սպասում:
Ավելին, ինչպես վկայում են վիճծառայության դիտարկումները, ներմուծվող առանձին ապրանքների շուկաներում նույնիսկ արձանագրվել են գնանկումային երեւույթներ: Մասնավորապես ապրիլին նախորդ ամսվա համեմատ շաքարավազի գինը իջել է 3 տոկոսով: Արտաքին շուկաների հետ կապված մեկ այլ ապրանքախումբ` ի դեմս կենդանական եւ բուսական յուղերի, էժանացել է 3,7 տոկոսով: Գնանկումը պայմանավորված է եղել հիմնականում կարագի եւ արեւածաղկի յուղի գների նվազմամբ: Կարագի դեպքում այն հասել է ընդհուպ մինչեւ 5,4 տոկոսի:
Գնաճի թուլացման վրա դրական ազդեցություն է թողել պարենային ապրանքների ներքին շուկան` թելադրված հիմնականում գյուղատնտեսության ոլորտից: Սեզոնայնության գործոնով պայմանավորված` ապրիլին որոշ գյուղմթերքներ սկսել են էժանանալ: Հաշվի առնելով եղանակային բարենպաստ պայմանները, պետք է ենթադրել, որ այդ միտումը կշարունակվի նաեւ առաջիկայում:
Թեեւ դա դեռ չի նշանակում, թե այս տարի Հայաստանում գնաճի խնդիրն այլեւս լուծված կարելի է համարել: Դատելով էներգետիկ ընկերությունների ներկայացրած սակագնային հայտերից եւ դրանցում ներառված առաջարկություններից` շատ լուրջ ռիսկեր են սկսվում նշմարվել էլեկտրաէներգիայի գների հնարավոր բարձրացման հետ կապված:

Վ. ՔՈՉԱՐՅԱՆ

Հավանեցի՞ր հոդվածը, կիսվիր ընկերներիդ հետ