Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ՈՐՈՇ ԿԱՌՈՒՅՑՆԵՐ ԶԵՆՔ ՈՒ ԶԻՆԱՄԹԵՐՔ ԵՆ ԱՊԱՀՈՎՈՒՄ ԱՀԱԲԵԿՉԱԿԱՆ ԽՄԲԱՎՈՐՄԱՆԸ, ԵՎ ԱՌԱՋԻՆԸ` ՀԵՆՑ ԹՈՒՐՔԻԱՆ»

Արխիվ 12-16

«ՈՐՈՇ ԿԱՌՈՒՅՑՆԵՐ ԶԵՆՔ ՈՒ ԶԻՆԱՄԹԵՐՔ ԵՆ ԱՊԱՀՈՎՈՒՄ ԱՀԱԲԵԿՉԱԿԱՆ ԽՄԲԱՎՈՐՄԱՆԸ, ԵՎ ԱՌԱՋԻՆԸ`

ՀԵՆՑ ԹՈՒՐՔԻԱՆ»


Այս օրերին, երբ աշխարհի առաջադեմ հասարակությունը պաթոսով խոսում է ահաբեկչությունների, ջարդերի, ցեղասպանությունների մասին, միեւնույն ժամանակ, լուռ ունկնդիրն է Իրաքում տեղի ունեցող սարսափելի սպանդի: Ամեն օր, ամեն վայրկյան հենց մեր քթի տակ ահաբեկիչների ձեռքով հարյուրավոր երեխաներ են սպանվում, հազարավոր ճակատագրեր խեղվում: Այս մասին «Իրավունքը» զրուցեց Միդիա-Շանգալ Եզդիների ազգային միավորում ՀԿ անդամ ՌՈՄԱՆ ԱՎԴՈՅԱՆԻ հետ, ով բոլորովին վերջերս իր աչքով է տեսել Շանգալի սարսափը.
–Անցած ամիս եղա Իրաքում եւ այցելեցի մեր 423 հազար ու ավելի փախստական եզդիներին: Նրանք ապրում են «Յունիսեֆի» տրամադրած վրանների տակ` անհույս եւ առանց որեւէ հեռանկարի: Երեխաները հիվանդ են, մահանում են: Ունենք շատ որբ երեխաներ: Հնարավոր չէ պատկերացնել, որ  այժմյան քաղաքակրթության դարաշրջանում հնարավոր է այսպես ապրել:
– Ըստ Ձեզ` ինչո՞ւ են գերտերությունները լռում այս մասին:
– Գերտերությունների եւ առհասարակ միջազգային կառույցների այս լռությունը չափից դուրս դժգոհելու տեղիք է տալիս: Դատապարտելուց ավել բան չեն անում: Իսկ դատապարտելը այս դեպքում զրոյական եմ համարում, եթե չեն ձեռնարկվում անհրաժեշտ միջոցներ` դադարեցնելու դեռեւս շարունակվող ողբերգությունը: Ավելին` կան որոշ կառույցներ, որոնք զենք եւ զինամթերք են ապահովում ահաբեկչական խմբավորմանը, եւ առաջինը` հենց Թուրքիան:
– Իրաքում դեռ մնացած եզդիների մասին ի՞նչ տեղեկություն ունեք այս պահին:
– Փախստական եզդիները, ովքեր մնացին Իրաքում, հաստատվել են հիմնականում Շարիայում, Զախոյում, Խանկում, Բաաեդիրում, Էյսեյում եւ այլն: Առավել ողբերգական է Զախոյում հաստատված եզդիների վիճակը, որոնց ոչ մի օգնություն չի հասնում:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ