Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԱՅՆ ՏԱՐԻՔՈՒՄ, ԵՐԲ ԵՍ ԼԻՐ ԿԽԱՂԱՄ, ԳՈՒՑԵ iPhoni -Ի ՓՈԽԱՐԵՆ ԹՌՉՈՂ ԱՓՍԵԻՑ ՀՐԱՄԱՆՆԵՐ ԱՐՁԱԿԵՄ»

Արխիվ 12-16

«ԱՅՆ ՏԱՐԻՔՈՒՄ, ԵՐԲ ԵՍ ԼԻՐ ԿԽԱՂԱՄ, ԳՈՒՑԵ iPhoni -Ի ՓՈԽԱՐԵՆ ԹՌՉՈՂ ԱՓՍԵԻՑ ՀՐԱՄԱՆՆԵՐ ԱՐՁԱԿԵՄ»

 

Այս տարի «Արմմոնո-Տրիումֆ» ծրագրում ներկայացվեցին «Արմմոնո» փառատոնի նախորդ տարվա հաջողություն գրանցած ներկայացումները, որոնց թվում էր նաեւ երիտասարդ դերասան ՆԱՐԵԿ ՀԱՐՈՒԹՅՈՒՆՅԱՆԻ «Ռոմեո» մոնոներկայացումը (բեմադրիչ` Հայարփի Ասոյան): Ռոմանտիկ սիրահար Ռոմեոն եւս մեկ անգամ հանդիսատեսին հիշեցրեց, որ անգամ 21-րդ դարում` հագեցած տեխնիկայի ժամանակաշրջանում, միեւնույն է, պարզ ու մաքուր սեր դեռ կարող է լինել: Իսկ սոցցանցերում ֆեյքերից բացի, կարող են հանդիպել անգամ մերօրյա Ռոմեոներ ու Ջուլիետներ: Մոնոներկայացման ու իր կերտած ժամանակակից Ռոմեոյի մասին էլ «Իրավունքը» զրուցեց Ն. Հարությունյանի հետ:

- Նարեկ, կարելի է ասել` Ձեր կերտած Ռոմեոն մեկ տարի մեծացել է: Ի՞նչ փոխվեց կերպարում այս մեկ տարվա ընթացքում:

- Գուցե նա էլ ինձ հետ մեկ տարի մեծացավ, բայց եթե ճիշտը կուզեք, այդ կերպարը չի մեծանում այնքան, որ հասունանա: Չէ որ այդ դեպքում չէր լինի այն Ռոմեոն, ով ապրում է իր սիրո ակնթարթով, եւ ում սիրտը բաբախում է առաջին իսկ հանդիպումից: Կարծում եմ` յուրաքանչյուր ծերունի իր սրտի մի անկյունում հիշում է իրեն Ռոմեոյի տարիքում, որովհետեւ այդ Ռոմեոն երբեք չի մեծանում:

- Ըստ Ձեզ, 21-րդ դարում դեռ կգտնվե՞ն մարդիկ, ովքեր կմեռնեն հանուն սիրո` դառնալով Ռոմեոյի ճակատագրի իրավահաջորդը:

- Միշտ էլ հավատացել եմ իրական սիրուն: Սերը գոյություն կունենա այնքան ժամանակ, քանի դեռ մարդն ապրում է: Իսկ քանի դեռ մարդը սիրում է, նա ընդունակ է խենթության ու ինքնազոհության:

- Ինչպես Ձեր հերոսը` մերօրյա Ռոմեոն, երբեւէ սոցցանցային «աղջիկ խոսեցնելու» տարբերակին դիմե՞լ եք:

- Այո, եւ դա էլ միտք հանդիսացավ իմ Ռոմեոյին այդ կերպ ներկայացնելու: Հանգամանքները փոխվում են, բայց գաղափարը մնում է նույնը:

- Արդյո՞ք ռոմանտիզմը չի կորում օնլայն տիրույթում, թե այսօրվա հերոսներին առանց համակարգչի դժվար է պատկերացնել:

- Տարբեր ժամանակներում մարդիկ տարբեր կերպ են շփվել, բայց ռոմանտիզմը ոչ թե շփման ձեւի եւ տեսակի, այլ զգացմունքների եւ երեւակայության աստիճանի մեջ է:

- Իսկ Դուք գտե՞լ եք Ձեր Ջուլիետին կյանքում:

- Երեւակայությանս մեջ` այո, բայց իրականում` ոչ: Հուսով եմ` կգտնեմ:

- Ի դեպ, «Արմմոնո» փառատոնը մեկնարկեց դերասան Արեգ Գեւորգյանի «Լյուսիեն Լյուկ» մոնոներկայացմամբ, որի ընթացքում հերոսը ասում է, թե Շեքսպիրն էլ միֆ էր: Հետաքրքիր է, թե Դուք ի՞նչ մտորումներ ունեք շեքսպիրյան իրականության մասին:

- Եթե նույնիսկ համարենք, որ Շեքսպիրը միֆ էր, նրա դրամատուրգիան միֆ համարել չենք կարող: Ինչպես եւ չենք կարող միֆ համարել Մոցարտի հիասքանչ երաժշտությունը:

- Այս փառատոնում այլեւս նորեկ չեq, կցանկանայի մի փոքր էլ խոսեինք «Արմմոնոյի» մասին: Ի՞նչ նշանակություն ունեցավ այն Ձեզ համար:

- Իսկապես, «Արմմոնոն» իմ կյանքում մեծ դեր ունեցավ: Այն առաջին անգամ ինձ հնարավորություն տվեց ներկայանալ հասարակությանը` որպես ստեղծագործող: Չեմ կարող առիթից չօգտվել եւ իմ երախտագիտությունը չհայտնել սիրելի Մարիաննա Մխիթարյանին (փառատոնի տնօրեն): Նա այն քչերից է, ով վստահեց ինձ եւ այս ասպարեզում ինքնահաստատվելու առիթ ունեցա:

- Հանդիսատեսը եւս մեկ անգամ տեսավ Ձեր մեկնաբանությամբ ժամանակակից Ռոմեոյին: Հնարավո՞ր է, որ սա ունենա իր շարունակությունը եւ մի օր էլ, ներկայացնեք, ասենք, Լիր արքային, ով հրամաններ է տալիս iphone-ով:

- Աշխարհն այնքան է զարգանում իր տեխնիկայով, որ այն տարիքում, երբ ես Լիր կխաղամ, գուցե iphoni-ի փոխարեն թռչող ափսեից հրամաններ արձակեմ: Բայց, միեւնույնն է, պիտի ասեմ այն, ինչ գրել է մեծն Շեքսպիրը, ոչինչ ավելի:

 

ՀՐԱՆՏ ՍԱՐԱՖՅԱՆ

 

Հ.Գ.- Նյութն ամբողջությամբ կարդացե՛ք տպագիր «Իրավունք»-ում:

Հավանեցի՞ր հոդվածը, կիսվիր ընկերներիդ հետ