Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԼԻՍԿԱՅԻ ՈՐԴՈՒ ԱՐԱՐՔՆԵՐԸ ԴԵՌ ՉԵՆ ՄԵԿՆԱԲԱՆՎՈՒՄ ՈՍՏԻԿԱՆՈՒԹՅԱՆ ԿՈՂՄԻՑ

Արխիվ 12-16

ԼԻՍԿԱՅԻ ՈՐԴՈՒ ԱՐԱՐՔՆԵՐԸ ԴԵՌ ՉԵՆ

ՄԵԿՆԱԲԱՆՎՈՒՄ ՈՍՏԻԿԱՆՈՒԹՅԱՆ ԿՈՂՄԻՑ

ՀՀ ոստիկանապետ Վլադիմիր Գասպարյանը չի մեկնաբանել Սյունիքի մարզպետ Սուրիկ Խաչատրյանի որդու` Տիգրան Խաչատրյանի մասնակցությամբ միջադեպը:

Հիշեցնենք, ըստ տեղեկությունների մայիսի 2-ին,  երեկոյան, Սյունիքի մարզպետի որդին՝ Տիգրան Խաչատրյանը, մեքենա վարելիս զուգահեռ անցնող ավտոմեքենան երթեւեկությունը խախտել է,  վեճ է առաջացել, որի համար պայմանավորվել են հանդիպել Սդղի գյոլ կոչվող հատվածում: Երեկոյան երկու եղբայրները, որոնք Ավետիք Բուդաղյանի հետ բարեկամական կապեր ունեն եւ որոշակի խնդիրներ են ունեցել Սյունիքի մարզպետի հետ, գնացել են նշված տարածք:

2 եղբայրներին դիմավորել են 40-ից ավելի երիտասարդներ, վիճել են, հայհոյել եւ հավաքվածները ծեծի են ենթարկել եղբայրներին: Նրանցից մեկի վիճակը ծանր է եղել, տեղափոխվել է Երեւան: Մեր աղբյուրների փոխանցմամբ՝ երիտասարդի աչքն է վնասված եւ առայժմ հայտնի չէ, թե վիրահատությունից հետո տեսողությունը կվերականգնվի, թե՝ ոչ:

ՀՀ ոստիկանապետը զերծ է մնացել մեկնաբանել տեղի ունեցածը` ասելով, որ գործը  գտնվում է դատախազության ու Քննչական կոմիտեի ուշադրության կենտրոնում:

ՀՀ ոստիկանապետը, այնուամենայնիվ, չի զլացել ասելով, որ տեղի ունեցող իրադարձությունները հաճախ ուռճացվում են:

Ոստիկանապետը, սակայն, չի բավարարվել միայն Սուրիկ Խաչատրյանին «поддержка» անելով: Փոխոստիկանապետ Լեւոն Երանոսյանի` մուրացկան կնոջը վիրավորելու դեպքին (դու հլա սա՞ղ ես, ես գիտեմ սատկել ես-խմբ.) եւս, ըստ էության, կոշտ գնահատական չի տվել, միայն ասել է`Երանոսյանը լուրջ հետեւություններ կանի եւ խորհուրդ  տվել ծանոթանալ փոխոստիկանապետի պարզաբանմանը:

Ի դեպ Վլադիմիր Գասպարյանը իր ելույթներից մեկի ժամանակ հայտարարել է, թե երբ ոստիկանը չի շտկվում, հանում են համազգեստը: Սակայն արդեն երկրորդ անգամ է, որ  փոխոստիկանապետ Լեւոն  Երանոսյանը կոպիտ դրսեւորումներ է ցուցաբերում (առաջին անգամ դա դրսեւորվեց «Արաբո» ջոկատի հրամանատար Մանվել Եղիազարյանին և «Ապարան» ջոկատի հրամանատար Ռազմիկ Պետրոսյանին իր հրահանգով ծեծելու ժամանակ-խմբ.): Իսկ մուրացկան կնոջ մասին խոսելիս Երանոսյանն իրեն ներկայացնում է որպես «բարեգործ», ասում, թե ինչպես է օգնել այդ նրան, ապա մուրացկան կնոջ բարոյական կերպարը «բացահայտելով»`փորձում է իրեն արդարացնել:

Ինչ վերաբերում է Սուրիկ Խաչատրյանի որդու մասնակցությամբ միջադեպին,  դեռ անհասկանալի է` ովքեր եւ ինչպես են ուռճացնում  իրադարձությունը, եթե ծեծի պատճառով երիտասարդներից մեկը տեսողությունը  կորցնելու վտանգի առաջ է:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ