ՀՐԱՆՏ ԲԱԳՐԱՏՅԱՆԻ ԲՈՂՈՔՆ ԱՍՏԾՈՒՑ ԵՎ ՎԱԶԳԵՆ ՍԱՐԳՍՅԱՆԻ ՀԵՏ ՆՐԱ ՀԱՆԴԻՊՈՒՄԸ
Արխիվ 12-16ՀՐԱՆՏ ԲԱԳՐԱՏՅԱՆԻ ԲՈՂՈՔՆ ԱՍՏԾՈՒՑ ԵՎ ՎԱԶԳԵՆ
ՍԱՐԳՍՅԱՆԻ ՀԵՏ ՆՐԱ ՀԱՆԴԻՊՈՒՄԸ
ՀՀ նախկին վարչապետ, ՀԱԿ խմբակցության պատգամավոր Հրանտ Բագրատյանը «Շաբաթ երեկո Կարմենի հետ» հաղորդաշարի ընթացքում անդրադարձավ իր եւ նախկին վարչապետ Վազգեն Սարգսյանի հանդիպմանը: Պատգամավորը նախ հուզվեց Վազգեն Սարգսյանի մասին խոսելիս, ապա ասաց, որ երկու անգամ է հանդիպել նրան: Վերջինը եղել է հոկտեմբերի 27-ից առաջ: Թե ինչ են խոսել, Բագրատյանը չհրապարակեց, քանի որ պիտի մի քանի մարդու, այդ թվում նաեւ Վազգենի եղբոր` Արամ Սարգսյան հետ խոսի: «Գուցե մի օր գրքիս մեջ գրեմ այդ մասին»,- ասաց Բագրատյանը:
Անդրադառնալով իր անվան հետ կապվող մազութի գործին` նախկին վարչապետը դա կրկին համարեց բլեֆ ու ասաց, որ երբ քրեական գործը կարճվեց, մազութի թալանի մասին խոսողները եկան դատախազություն եւ հայտարարեցին, որ կատակ են արել:
Աթեիստական հայացքներով աչքի ընկնող ՀԱԿ պատգամավորը «ռաբիս» անվանեց «Ով քրիստոնյա չէ, նա հայ չէ» արտահայտության հեղինակին` Արցախի թեմի առաջնորդ Պարգեւ Սրբազանին, ապա սկսեց բողոքել աստծուց. «Եթե աստծուն հանդիպեի, կասեի` ինչո՞ւ է հաճախ կորցնում արդարության զգացումը»:
Բագրատյանը, ի դեպ, ցանկություն հայտնեց բանավիճել եկեղեցականներից որեւէ մեկի հետ հայ եկեղեցու դերի մասին, ապա ասաց, որ հարգում է բողոքականությունը, պաշտում բուդդայականությունը:
Դե ինչ, հավանաբար նախկին վարչապետի անհավատությունն է, որ 90-ական թվականներին նա եւ իր նմանները պարզապես ոչնչացրին մեր երկրի տնտեսությունը, իսկ այլ կրոնին հարելն է գալիս է նրա արեւմտամետ հայացքներից:
ՍՈՆԱ ԴԱՎԹՅԱՆ
