Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՆԱԽԱՐԱՐՆԵՐԻ ՇՆՈՐՀԱՎՈՐԱՆՔՆԵՐՆ ՈՒ ՄՏՈՐՈՒՄՆԵՐԸ ԵՌԱՏՈՆԻ ՇՈՒՐՋ

Արխիվ 12-16

ՆԱԽԱՐԱՐՆԵՐԻ ՇՆՈՐՀԱՎՈՐԱՆՔՆԵՐՆ ՈՒ ՄՏՈՐՈՒՄՆԵՐԸ ԵՌԱՏՈՆԻ ՇՈՒՐՋ

 

Ամփոփելով մայիսյան եռատոնը` ձեր ուշադրությանն ենք ներկայացնում ՀՀ նախարարների շնորհավորանքներն ու մտորումները ինչպես Հայրենական Մեծ պատերազմի 70-ամյակի առթիվ, այնպես էլ Շուշիի ազատագրման ու Պաշտպանության բանակի կազմավորման 23-ամյակի կապակցությամբ: Նշենք, որ այսօր` մայիսի 9-ին, ՀՀ նախարարներից մի մասը գտնվում էր Արցախում` մասնակցելով տոնական միջոցառումներին, մյուս մասը` ներկա գտնվեց հայաստանյան տոնակատարություններին, իսկ մի քանի նախարարներ պատիվ ունեցան մասնակցելու Մոսկվայի Կարմիր հրապարակում կայացած պատմական ռազմական շքերթին:

 

«ՀԵՐՈՍԱԿԱՆ ՈԳԻ ԷՐ ՍԱՎԱՌՆՈՒՄ ԽՈՐՀՐԴԱՅԻՆ ԺՈՂՈՎՈՒՐԴՆԵՐԻ ՍՐՏԵՐՈՒՄ»

 

ՀՀ արդարադատության նախարար ՀՈՎՀԱՆՆԵՍ ՄԱՆՈՒԿՅԱՆԸ շնորհավորելով բոլորիս Հայրենական Մեծ Պատերազմում տարած փառահեղ հաղթանակի 70-ամյակի կապակցությամբ` նշել է. «Մեր գործն արդար էր, քանզի այն ոչ միայն հայրենիքի պաշտպանության, այլեւ համամարդկային վեհ գաղափարների ծնունդ էր: Մեր պապերի ոգու եւ անմնացորդ նվիրումի շնորհիվ մեզ` սերունդներիս, ժառանգվեց ապրելու եւ արարելու անկոտրում կամք, հայրենիքը շենացնելու ու հզորացնելու պարտքի զգացում, իսկ մարդկությունն էլ ազատվեց նացիզմի կործանարար ճիրաններից: Այդ ժամանակների աշխարհի ամենահզոր ու կազմակերպված բանակներից մեկը՝ վերմախտը, պարտություն կրեց շնորհիվ մեր զինվորների ազատության տենչի, ապրելու իրավունքին տեր կանգնելու եւ հայրենիքի փրկությունը քաջագործելու վճռականության: Այսօր էլ տարիների հեռվից, հետադարձ հայացքը ստիպում է մի պահ խորհել, թե այդ ինչ հերոսական ոգի էր սավառնում խորհրդային ժողովուրդների սրտերում, ինչպես կարողացան պատվով հաղթահարել այդ դժնդակ տարիները եւ սեփական ազատությունը պարտադրել այն խլելու պատրաստ թշնամուն: Սա ժողովուրդների բարեկամության եւ միմյանց փոխօգնության հասնելու իսկական օրինակ էր, ինչի արդյունքը այն Մեծ Հաղթանակն է, որը տասնամյակներ շարունակ հպարտություն եւ հիացմունք է առաջացնում`միշտ արթուն պահելով խաղաղությանը նվիրվելու գիտակցումը»:

 

«ԳԱԼԻՔ ՍԵՐՈՒՆԴՆԵՐԸ ՊԵՏՔ Է ՃԱՆԱՉԵՆ ԵՒ ԳՆԱՀԱՏԵՆ ՎԵՏԵՐԱՆ-ԲԺԻՇԿՆԵՐԻՆ»


ՀՀ առողջապահության նախարար ԱՐՄԵՆ ՄՈՒՐԱԴՅԱՆԸ անդրադառնալով Հայրենական մեծ պատերազմի 70-ամյակին` շեշտել է. «1941-1945 թվականներին Հայրենական Մեծ պատերազմի մասնակից բժիշկ-վետերաններին հայրենիքի փրկության գործում ունեցած հսկայական ավանդի մասին վստահ եմ շատ է խոսվել: Հայաստանից պատերազմին մասնակցել է 430 բուժաշխատող, ովքեր կռվի դաշտում ճերմակ խալաթի հետ նաեւ զինվորական համազգեստ հագան: Այս օրերին, երբ տարբեր քաղաքներում անցկացվում են հաղթանակի 70-ամյակին նվիրված միջոցառումներ, տխրությամբ պետք է փաստենք, որ պատերազմի մասնակիցների շարքերը նոսրացել են: Տարբեր տարիների կտրվածքով զինվորի կյանքը փրկած բժիշկների մասին գրվել են բազմում գրքեր, աշխատություններ: Շատ երիտասարդներդների համար հենց այս մարդկանց հերոսությունն ու նախանձելի մասնագիտական կամքը պետք է օրինակ ծառայեն: Անվիճելի է, որ ռազմական բժիշկներն իրենց ուսերին հսկայական բեռ են կրել` ծանր վիրավորներին բուժօգնություն ցուցաբերելու նպատկով հայտնվելով մարտի ամենաթեժ կետերում: Պատմությունը լավագույն վկան է այն բանի, որ ռազմական բժշկությունը ինչպես Հայաստանում, այնպես էլ աշխարհում զարգացում է ապրել հատկապես պատերազմների նման արհավիրքների շնորհիվ: Ռազմական բժշկությունը որպես մասնագիտություն, մեր երկրում ձեւավորվել է Հայոց բանակի կայացման դժվարին օրերին զուգահեռ: Մինչ այդ` Արցախյան գոյապայքարի տարիներին, որպես ռազմական բժիշկներ` իրենց աշխատանքային պարտքը կատարում էին բժշկական համալսարանի տարբեր ֆակուլտետների շրջանավարտները եւ ծառայության մեկնած զինվորները: Զինված ուժերի ռազմաբժշկական ծառայությունը այսօր էլ գտնվում է մարդկային կյանքի պահպանման ու հանուն առողջության պայքարի առաջնագծում, ամեն օր զինվորական համազգեստ կրող մեր հարգարժան գործընկերները կատարում են անչափ շնորհակալ աշխատանք: Ցանկանում ենք եւս մեկ անգամ մեր երախտագիտությունը հայտնել, մեծարել եւ պարզապես հիշել այն բուժաշխատողներին, ովքեր մարտի դաշտում ստանձնեցին ոչ միայն մարդկային հազարավոր կյանքեր փրկելու, այլեւ հայրենիքը պաշտպանելու անձնազոհ, վեհ առաքելությունը: Գալիք սերունդները պետք է ճանաչեն եւ գնահատեն վետերան-բժիշկներին, որովհետեւ անմոռանալի է նրանց սխրանքը Հայրենական Մեծ պատերազմի դժվարին գնով ձեռք բերված հաղթանակի գործում»:

 

«ՆԵՐԿԱ ՍԵՐՈՒՆԴԸ ՀԱՂԹԱԿԱՆ ՄԱՅԻՍԸ ԴԻՄԱՎՈՐՈՒՄ Է ԽԱՂԱՂ ՊԱՅՄԱՆՆԵՐՈՒՄ»


Իսկ ՀՀ սպորտի եւ երիտասարդության հարցերի նախարար ԳԱԲՐԻԵԼ ՂԱԶԱՐՅԱՆՆ ընդգծել է. «Հարգելի՛ հայրենակիցներ, սիրելի՛ վետերաններ, շնորհավորում եմ Շուշիի ազատագրման տարեդարձի եւ Հայրենական պատերազմում տարած հաղթանակի 70-ամյակի կապակցությամբ: Հայ զորավարների, բարձրաստիճան սպաների, շարքային զինվորների եւ հերոսական ողջ հայ ժողովրդի միասնականության, համախմբվածության եւ հայրենասիրության շնորհիվ է, որ այսօր ներկա սերունդը հաղթական մայիսը դիմավորում է խաղաղ պայմաններում, որ ունենք կայացած ու զարգացող հայրենիք, որ հնարավորություն ունենք անամպ երկնքի տակ նշելու հայոց եռատոնը»: Ապա հավելել է. «Վստահ եմ՝ շնորհավորանքներիս միանում է ողջ մարզաշխարհը, եւ ես բոլորի անունից ու մեծ հպարտությամբ կրկին շնորհակալությունս եմ հայտնում Հայրենական պատերազմի եւ արցախյան ազատամարտի բոլոր վետերաններին, ազատամարտիկներին, հայոց հաղթական բանակին եւ ասում՝ մենք հպարտանում ենք ձեզանով»:


«ԱՆՆԿԱՐԱԳՐԵԼԻ ՄԵԾ ԷՐ ՄԵՐ ՓՈՔՐԱԹԻՎ ԺՈՂՈՎՐԴԻ ՆԵՐԴՐՈՒՄԸ»


ՀՀ աշխատանքի  եւ սոցիալական հարցերի նախարար ԱՐՏԵՄ ԱՍԱՏՐՅԱՆԸ դիմելով  Մեծ Հայրենականի վետերաններին, Արցախյան ազատամարտի մասնակիցներին` մաղթել է. «Ջերմորեն շնորհավորում եմ Ձեզ Մայիսյան փառահեղ Եռատոնի կապակցությամբ: 70 տարի առաջ այս օրը Խորհրդային բանակը փառահեղ հաղթանակ տարավ Հայրենական Մեծ պատերազմում, որի կազմում աննկարագրելի մեծ էր մեր փոքրաթիվ ժողովրդի ներդրումը: Իսկ 1992 թվականին`  նույն օրը,  ազատագրվեց հայոց բերդաքաղաք Շուշին, ինչը Հաղթանակի օրվան նոր իմաստ եւ խորհուրդ հաղորդեց: Միեւնույն ժամանակ կազմավորվեց եւ իր հաղթական ընթացքը մեկնարկեց հայկական երկրորդ պետության՝ Արցախի Հանրապետության Պաշտպանության բանակը: Մենք խոնարհվում ենք Հայրենական Մեծ պատերազմի, Արցախյան ազատամարտի մասնակիցների եւ վետերանների առջեւ, ովքեր իրենց կյանքի գնով, անձնուրաց նվիրվածությամբ եւ սխրագործությամբ հաղթանակներ կերտեցին եւ մեզ խաղաղ ապրելու իրավունք պարգեւեցին: Կրկին շնորհավորելով մեր հայրենակիցներին Մեծ Հայրենականում հաղթանակի, Շուշիի ազատագրման եւ Պաշտպանության Բանակի կազմավորման առթիվ` մաղթում եմ բոլորիս նորանոր հաղթանակներ եւ խաղաղություն»:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ