Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՉՆԱՅԱԾ ՏՐՎՈՂ ՄԻԼԻՈՆՆԵՐԻՆ` "ԹԱՓԱՌՈՂ ՇՆԵՐԸ ՄԻ ԲԱՆ ԷԼ ՇԱՏԱՆՈՒՄ ԵՆ"

Արխիվ 12-16

ՉՆԱՅԱԾ ՏՐՎՈՂ ՄԻԼԻՈՆՆԵՐԻՆ`
"ԹԱՓԱՌՈՂ ՇՆԵՐԸ ՄԻ ԲԱՆ ԷԼ ՇԱՏԱՆՈՒՄ ԵՆ"


Երեւանի քաղաքապետարանի մրցույթը շահած թափառող շներով զբաղվող "Յունիգրաֆ Իքս" ընկերությունը տարիներ շարունակ խախտում է մրցույթի պահանջները, սակայն քաղաքապետարանն այս առնչությամբ ոչինչ չի ձեռնարկում: Այս մասին մեզ հետ զրույցում ասաց "Փրկենք կենդանիներին" բարեգործական հասարակական կազմակերպության նախագահ ՆՈՒՆԵ ՄԵՀՐԱԲՅԱՆ:
-Վերջին մրցույթն անց է կացվել մեկ ամիս առաջ: Մենք Երեւանի քաղաքապետին փաթեթ ուղարկեցինք, որով առաջարկում էինք միակ արդյունավետ մեթոդը թափառող շների դեմ տարվող պայքարի համար, սակայն միեւնույն է` մեզ ոչ միայն չընդգրկեցին մրցույթի մասնակիցների մեջ, այլեւ, բառիս բուն իմաստով, խաբելով, թե մրցույթ չի կայանալու, այդ աշխատանքը կրկին տվեցին "Յունիգրաֆ Իքս"-ին: Պետբյուջեից տարեկան 220 միլիոն (այս տարի է այն կրճատվել դառնալով 120 միլիոն դրամ) դուրս է գրվում` թափառող հիվանդ շներին քնեցնելու, առողջներին` ստերիլիզացնելու համար: Սակայն "Յունիգրաֆ Իքս" ՍՊԸ-ն ստերիլիզացնելու փոխարեն սպանդի է ենթարկում շներին: Արդյունքումª թափառող շների քանակը պակասելու փոխարեն` մի բան էլ շատանում է` պայման ստեղծելով հետագայում բյուջեից կրկին գումար դուրս գրելու համար:
Էլ չեմ խոսում, թե ինչ բարբարոսաբար են ոչնչացնում շներին` կենդանիներին սպանում են "լոմերով", "դուբինկաներով", մեքենայի տակ գցելով եւ այլն: Քաղաքապետարանը բյուջեից գումար է դուրս գրում, իսկ Արայիկ Սադոյանն իր բիզնեսն է ծաղկեցնում: Այն, ինչ այսօր արվում է  "Յունիգրաֆ Իքս" ընկերությունում` ավելի քան կրիմինալ է: Որքանո՞վ է քրիստոնեական, երբ կիսաողջ կենդանիներին լիդոկայինով քնեցնում են, ապա ողջ-ողջ այրում. ինչ է, թե հնարավորինս քիչ գումար դուրս գրեն` անգամ փամփուշտն են խնայում:  
- Այդ դեպքում ինչո՞վ եք պայմանավորում այն հանգամանքը, որ մշտապես հենց այդ ընկերությունն է շահում մրցույթը: Եվ Արայիկ Սադոյան ասելով` ո՞ւմ նկատի ունեք:
- "Յունիգրաֆ Իքս"-ն է միշտ շահում այդ մրցույթը, քանի որ դա մեծ բիզնես է: Չնայած ընկերությունը պաշտոնապես լրիվ այլ անձի է ներկայացնում, բայց իրական սեփականատերերն ու հիմնադիրները երկու եղբայրներ են` Կենտրոնի թաղապետ Արայիկ Սադոյանն եւ ԱԺ ՀՀԿ խմբակցության պատգամավոր Ռուբեն Սադոյանը, թեեւ ինձ հասած տեղեկություններով` այդ բիզնեսում իր բաժինն ունի նաեւ Գագիկ Բեգլարյանը: Ես փորձել եմ խոսել Ռուբեն Սադոյանի հետ` առաջարկելով մեր օգնությունը, սակայն վերջինս շատ կոպիտ ձեւով ասաց, որ իրենք մեր օգնության կարիքը չունեն եւ նրանք անում են այն, ինչ նպատակահարմար են գտնում: Դե իհարկեª նրանք չեն ցանկանա իրենց բիզնեսի մեջ որեւէ մեկին ներգրավել. քիչ գումար չեն ամեն տարի ստանում:
Եվ այսքանից հետո էլ մտցրին նոր օրենքª կենդանիների համար տուրքի վճար: Մի օրինակ բերեմ. ես փողոցից շուն եմ վերցրել, տարել եմ տուն, իմ սեփական միջոցներով ստերիլիզացրել, բուժել եւ հիմա էլ իմ տանն եմ պահում. կասե՞քª ում եւ ինչի համար պետք է տուրք վճարեմ, երբ ես արել եմ այն, ինչը պետք է "Յունիգրաֆ Իքսը" աներ: Մենք` կամավորներս ենք իրենց փոխարեն գործ անում` անտուն կենդանիներին ստերիլիզացում, վիրավոր կենդանիների խնամքով զբաղվում: Մինչդեռ աշխատակից ունեմ, եւ անգամ նրան են ուղարկել ծանուցագիր, թե պետք է վճարեք փողոցից վերցրած կենդանիների համար:
- Մոտավոր հաշվարկով "Յունիգրաֆ Իքսի" կիրառած մեթոդներով` որքա՞ն կարժենա շներին ոչնչացնելը:
- Ձագերին պատերին ծեփելը, "լոմերով", "դուբինկաներով" սատկացնելը հաշվեք, թե ինչ կարժենա: Մինչդեռ ստերիլիզացված շների ֆանտաստիկ թվեր են ցույց տալիս հաշվետվություններում: 9 միլիոն բնակչությամբ Մոսկվայում 25 հազար շուն է հաշվարկված, իսկ կես միլիոնանոց Երեւանում, իրենց ներկայացնելով, 40 հազար շուն կա, որոնց համար նման գումարներ են վճարում բյուջեից: Սա ուղղակի "լավ" բիզնես է:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ