Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

"ԹՈՒՐՔԱԿԱՆ ԱՊՐԱՆՔՆԵՐԻՑ ՈՒ ՆԱԵՎ "ԿՈԿԱ-ԿՈԼԱՅԻՑ" ՊԵՏՔ Է ՀՐԱԺԱՐՎԵԼ"

Արխիվ 12-16

"ԹՈՒՐՔԱԿԱՆ ԱՊՐԱՆՔՆԵՐԻՑ ՈՒ ՆԱԵՎ "ԿՈԿԱ-ԿՈԼԱՅԻՑ" ՊԵՏՔ Է ՀՐԱԺԱՐՎԵԼ"


"Կոկա-կոլայի" շուրջ Հայաստանում ապրիլի 24-ից հետո ծավալված "պատերազմը" դեռ շարունակում է լայն թափ հավաքել: Չնայածª այս պատմությունը նոր չէ, որ ի հայտ եկավ:
Տարիներ առաջ էլ էր Երեւանում տարածվել այն խոսակցությունը, թե "Կոկա-կոլան" որոշակի թուրքական կապեր ունի: Այն ժամանակ աղմուկը բավականին շուտ էլ մարեցª նորից վերաբացվելով վերջերս, երբ "Ֆեյսբուք" սոցիալական ցանցում տարածեցին հաղորդագրություններª "Կոկա-կոլան" բոյկոտելու կոչերով: Այն հիմնավորմամբ, թե "Կոկա-կոլա" ընկերության գործադիր տնօրենն ամերիկաբնակ թուրք Մուհթար Քենթին է, ով ընկերությունից ստացած գումարի մի մասն օգտագործում է հակահայ քարոչություն իրականացնելու համար: Մասնավորապեսª Հայոց ցեղասպանության 100-րդ տարելիցին եւ ամբողջ 2015 թվականի ընթացքում ամերիկաբնակ թուրքերը ծրագրել են իրականացնել հակահայկական քարզչություն, ու ըստ նույն աղբյուրներիª այդ գործին ակտիվորեն ներգրավված է նաեւ Մ. Քենթինª իր ֆինանսներով, այդ թվումª Հայաստանից ստացած եկամուտներով:
Բայց մյուս կողմից էլ, չմոռանանք, որ Հայաստանում գործող ընկերությունը հայերի համար ապահովում է որոշակի աշխատատեղեր, վճարում հարկեր: Այսինքնª մեզ համար եւս խնդիրը երկու հարթությունում էª մի կողմիցª բարոյականը, մյուս կողմիցª ֆինանսականը: Իսկ ահա հասարակական-քաղաքական գործիչ ԽԱՉԻԿ ՍՏԱՄԲՈԼՑՅԱՆԸ "Իրավունքի" հետ զրույցում հարցը նաեւ երրորդ ուղղություն տարավª առողջապահական. "Մենք գիտենք, որ այդ հյութի մեջ կան նյութեր, որոնք մարդու մոտ առաջացնում են կախվածություն: Դա վկայում է այն մասին, որ դրա մեջ հոգեմետ դեղեր կան: Իսկ այն "Կոկա-կոլան", որի վրա գրված է 0 կալորիականություն, այնտեղ շաքարի փոշու փոխարեն օգտագործված է ասպարտամ, որը գերմարսվող նյութ է եւ բերանում  առաջացնում է քաղցրություն: Այդ ամենը ծանր ազդեցություն է թողնում նաեւ մարդու հիշողության վրա, քանի որ ապացուցված է` ասպարտամը քիմիական նյութ է, որն ազդում է ուղեղի վրա: Պարզ էª դրանք դեբիլացնող հատկություն ունեն":
Մեր զրուցակիցը նաեւ հավելեց, որ Հայաստանում պետք է վաղուց հասկանային, որ թուրքական ապրանքներից ու նաեւ "Կոկա-կոլայից" պետք է հրաժարվել. "Մենք պետք է բարոյականություն ունենաք եւ այդ ամենից հրաժարվենք, ինչքան էլ, որ  այդ ընկերությունը մեզ անհրաժեշտ լինի տնտեսական առումով: Այսօր ես պայքարում եմ համասեռամոլների, աղանդավորականների, հարստացված ալյուրի, ընտանեկան բռնությունների եւ նման արատավոր երեւույթների դեմ: Ուստի "Կոկա-կոլայի" դեմ չեմ կարող միայնակ պայքարել: Պետք է համընդհանուր բոյկոտ անենք եւ առաջ քաշենք մեր պահանջներըª ուղղված ընկերությանը":
Իսկ ահա "Կոկա-կոլա" ընկերության ներկայացուցիչները միայն  բարձրացված բոյկոտից շաբաթներ անց վերջապես արձագանքելով իրավիճակին, սկսեցին վստահեցնել, թե իրենց ընկերության ոչ մի աշխատակից չի մասնակցել եւ չի պատրաստվում մասնակցել որեւէ հակահայ գործունեության: Միայն թե, ինչու են այդքան վստահ, որ քաջ տեղյակ են Մուհթար Քենթիի քայլերից, մնում է հանելուկ:

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ