Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԱՅՑԵԼՈՒԹՅՈՒՆ ՀԱՅՐԵՆԻՔԻ ՊԱՇՏՊԱՆՆԵՐԻՆ

Արխիվ 12-16

ԱՅՑԵԼՈՒԹՅՈՒՆ ՀԱՅՐԵՆԻՔԻ ՊԱՇՏՊԱՆՆԵՐԻՆ

Դիլիջանի քաղաքապետ Արմեն Սանթրոսյանի նախաձեռնությամբ ապրիլի 30-ից մայիսի 2-ը կազմակերպվեց ծնողների հանդիպում Պաշտպանության բանակում ծառայող իրենց զավակների հետ:
Այդ նպատակով քաղաքապետարանը տրամադրել էր տրանսպորտային միջոցներ, եւ շուրջ ութ տասնյակ ծնողներ հանդիպեցին Դիլիջանից զորակոչված իրենց զավակներին, ծանոթացան զորամասային պայմաններին եւ զինվորականների առօրյային:
Նախօրոք Ստեփանակերտ ժամանած քաղաքապետը եւ քաղաքի զինկոմ, փոխգնդապետ Հովհաննես Հակոբյանը անձամբ էին դիմավորում Դիլիջանից ժամանած ծնողներին, նրանց ուղեկցում զորամասեր, հոգ տանում հանդիպումների կազմակերպման մասին, հանձնում քաղաքապետարանի եւ քաղաքի հոգեւոր հովիվ Տեր Շավարշ քահանա Սիմոնյանի կողմից պատրաստած նվերները` հեռուստացույցները, մարզական պարագաները:
Այցելություններ եղան Ստեփանակերտի, Մարտակերտի, Մարտունու եւ Հադրութի զարամասեր, որոնց ընթացքում Դիլիջանից ժամանած հյուրերը հպարտությամբ էին լսում դիլիջանցի զինծառայողների` Հայրենիքի նկատմամբ իրենց պարտքը բարձր պատասխանատվությամբ կատարելու մասին հրամանատարների դրվատանքի խոսքերը:
N զորամասում կայացած հանդիպման ընթացքում կատարվեց հիշատակի արարողություն` նվիրված իր ծառայողական պարտականությունների կատարման ժամանակ զոհված, մեր համաքաղաքացի, 12-րդ վաշտի հրամանատար, ավագ լեյտենանտ Մհեր Հովհաննեսի Հակոբյանի հիշատակին:
Արարողությանը ելույթ ունեցան եւ զինվորներին խաղաղ ու անվտանգ ծառայություն մաղթեցին Դիլիջանի քաղաքապետ Արմեն Սանթրոսյանը, քաջարի սպայի հայրը` Դիլիջանի զինկոմ, փոխգնդապետ Հովհաննես Հակոբյանը, զորամասի հրամանատարի տեղակալ, փոխգնդապետ Լալա Բաղդասարյանը, Մհերի ծառայակից ընկերները:
Զորամասի հրամանատարի տեղակալ, փոխգնդապետ Լալա Բաղդասարյանը հրապարակեց ՊԲ  հրամանատարության հրամանագիրը, որով Դիլիջանի քաղաքապետ Արմեն Սանթրոսյանը և քաղաքի զինկոմ, փոխգնդապետ Հովհաննես Հակոբյանը երիտասարդության ռազմահայրենասիրական դաստիարակության եւ մարտիկների բարոյական ոգու բարձրացման գործում ներդրած ավանդի համար պարգեւատրվում են ՊԲ պատվոգրով:
Հանձնելով պարգեւները` Լ. Բաղդասարյանը նրանց մաղթեց հետագա բեղմնավոր գործունեություն` բանակ- հասարակություն կապի ամրապնդման գործում:

Գ. ԱՄՅԱՆ

Հավանեցի՞ր հոդվածը, կիսվիր ընկերներիդ հետ