Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՖՈՐՇԻ ՏՂԱՆ ՆԵՐԿԱՅԱՑՈՒՄԻՑ ՀԵՏՈ ԴԱՀԼԻՃԻՑ «ՎՌՆԴԵՑ« ԻՐ ՀԱՆԴԻՍԱՏԵՍԻՆ

Արխիվ 12-16

ՖՈՐՇԻ ՏՂԱՆ ՆԵՐԿԱՅԱՑՈՒՄԻՑ ՀԵՏՈ ԴԱՀԼԻՃԻՑ «ՎՌՆԴԵՑ« ԻՐ ՀԱՆԴԻՍԱՏԵՍԻՆ


Այս տարի Հայաստանում անցկացվող «Արմմոնո» միջազգային թատերական 13-րդ փառատոնի բացումը ստանձնել էր երիտասարդ դերասան Արեգ Գեւորգյանը ` ռեժիսոր Գոռ Մարգարյանի «Լյուսիեն Լյուկ» մոնոներկայացմամբ: Իր ինտերակտիվ ներկայացմամբ` դերասանը մեկ բեմում էր, մեկ էլ` հանդիսատեսի շարքերում: Մեկ բեմ, մեկ դերասան եւ բազում հանդիսատես, որին պետք էր գոհացնել: Հավանական եւ անհավանական լուծումներով Լյուսեն Լյուկը` նույն Ա. Գեւորգյանը կարողացավ արժանանալ հանդիսատեսի ծափահարություններին, որոնք ներկայացման վերջում դադարեցրեց եւ Լ. Լյուկի անունից հայտարարեց` դուրս գնացեք, ձեր ծափահարություններն ինձ պետք չեն: Թերեւս, ներկայացման մեջ հանդիսատեսի համար ամենաանսպասելին այն էր, որ դերասանը ներկայացման ժամանակ մեծ ախորժակով կերավ կարմիր վարդ: «Իրավունքի» հետ զրույցում Արեգը խոստովանեց, որ առաջին անգամ էր վարդ «համտեսում».«Փորձերի ժամանակ վարդ չեմ կերել, առաջին անգամ էի ուտում: Իհարկե` բեմում դժվար էր ուտել մեկ ամբողջական վարդ ու հետո` խոսել: Այն ատամներիս էր կպչում ու խանգարում էր խոսել»,- նշեց Արեգը:

Անդրադառնալով բեմադրությանը եւ իր ստանձնած դերին` դերասանը շատ չբողոքելով` ընդգծեց, որ այդքան էլ գոհ չէ իր խաղից: Սպասելի են եղել, որ կլինեն որոշ խնդիրներ. «Չենք արդարանում եւ պետք է առայժմ բավարարվենք այսքանով: Ապագայում ներկայացումն ավելի հետաքրքիր տեսք կունենա, որովհետեւ պատրաստվում ենք շատ բաներ փոփոխել, որից հետո նախատեսված է ներկայացման պրեմիերա»,- ավելացրեց դերասանը:

Ի դեպ, ի տարբերություն Արեգ Գեւորգյանի, որն անկեղծ զրույց ունեցավ մեզ հետ, նրա հայրը` երգիչ Ֆորշը, շատ ժլատ գտնվեց եւ նույնիսկ կարծիք չհայտնեց տղայի խաղի վերաբերյալ:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ