ԳՆԴԱՊԵՏԸ ՃՆՇՈ՞ՒՄ Է ԳՈՐԾԱԴՐՈՒՄ ՆԱԽԱՔՆՆԱԿԱՆ ՄԱՐՄՆԻ ՎՐԱ
Արխիվ 12-16ԳՆԴԱՊԵՏԸ ՃՆՇՈ՞ՒՄ Է ԳՈՐԾԱԴՐՈՒՄ ՆԱԽԱՔՆՆԱԿԱՆ
ՄԱՐՄՆԻ ՎՐԱ
Հունվարի 29-ին Վ. Սարգսյանի անվան ռազմական ինստիտուտի մարզահրապարակում մահացած վիճակում (գտել են պտտաձողին կախված) հայտնաբերված առաջին կուրսեցի Հայկազ Բարսեղյանի հայրը iravunk.com-ի հետ զրույցում շարունակում է պնդել, որ նախաքննական մարմինը պետք է ձերբակալի նաեւ Վ. Սարգսյանի անվան ռազմական ինստիտուտի ղեկավարի նախկին տեղակալին`գնդապետ Զարմիկ Մարկոսյանին, ով, ըստ Արկադի Բարսեղյանի.
«Ազատության մեջ` օգտագործելով իր լծակները ճնշում է գործադրում նախաքննության մարմնի վրա, գնդապետ հայրը ամեն բան անում է, որպեսզի վերջում մաքրի տղու անունը: Ինքն իմացել է, որ նման դեպք է եղել, եւ թույլ է տվել, որ մահացած մարմինը կախաղան հանեն, որ գործն ինքնասպանություն դիտվի եւ նամակի առկայությունն էլ մնա. չէ՞ որ նամակ էլ է եղել իմ որդու գրպանում, իբրեւ թե գրել է. «Ես զզվել եմ այս ամեն ինչից, խնդրում եմ ոչ ոքի քաշքշուկի առաջ չկանգնեցնել»: Թե ինչից էր զզվել իմ երեխան, չգիտեմ: Երեւի չորս տականքներն էին զզվել իրենց չորս ծնողների հետ միասին, բայց իմ որդին զզվելու բան չուներ»:
ԻԼՈՆԱ ԱԶԱՐՅԱՆ
