Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ՄԱՅԻՍԻ 9-Ը ՄԵՆՔ ՄԻՇՏ ՏՈՆՈՒՄ ԵՆՔ ԵՎ ՊԵՏՔ Է ՏՈՆԵՆՔ»

Արխիվ 12-16

«ՄԱՅԻՍԻ 9-Ը ՄԵՆՔ ՄԻՇՏ ՏՈՆՈՒՄ ԵՆՔ
ԵՎ ՊԵՏՔ Է ՏՈՆԵՆՔ»


Հայոց ցեղասպանության 100-րդ տարելիցին նվիրված պատմական իրադարձությունների էջը դեռ չթերթած, ընդամենը օրեր անց կնշենք մայիսյան հաղթանակները: Իհարկե, այս ընթացքում հայրենի ներքաղաքական զարգացումներն իրենց տեղը զիջեցին` ողջ հանրության ու քաղաքական ուժերի հայացքն ուղղելով դեպի արտաքին քաղաքականություն: Բայց այս օրերին էլ կուտակվեցին որոշակի հարցեր, որոնք այսպես, թե այնպես առնչվում են ինչպես ներքին, այնպես էլ արտաքին քաղաքական օրակարգին: Այս ամենի շուրջ երեկ` ԱԺ արտահերթ նիստից հետո, «Իրավունքը» զրուցեց ԱԺ ՀՀԿ խմբակցության ղեկավար ՎԱՀՐԱՄ ԲԱՂԴԱՍԱՐՅԱՆԻ հետ:

«ԼՂՀ-ՈՒՄ ԺՈՂՈՎՐԴԱՎԱՐԱԿԱՆ ԲՈԼՈՐ ՆՈՐՄԵՐԻՆ
ՀԱՄԱՊԱՏԱՍԽԱՆՈՂ ԸՆՏՐՈՒԹՅՈՒՆՆԵՐ ԵՆ
ԱՆՑԿԱՑՎԵԼ»


–Պարոն Բաղդասարյան, ԱԺ ՀԱԿ խմբակցության ղեկավար Լեւոն Զուրաբյանը խորհրդարանում վարման կարգի վերաբերյալ հարց բարձրացնելով` նշեց, որ պետք է ԱԺ քաղաքական ուժերի հետ քննարկել Սիրիայում բնակվող հայ բնակչության համար լուծումներ գտնելու տարբերակը, քանի որ այնտեղ շատ ծանր իրավիճակ է:

Այս հարցի առնչությամբ որեւէ քննարկում տեղի ունեցե՞լ է:
– Քիչ առաջ խորհրդակցություն անցկացրեցինք եւ պայմանավորվեցինք, որ քննարկումները գործադիրի հետ շարունակենք եւ ճշտենք մեր վերաբերմունքն այդ հարցի շուրջ: Անպայման, մենք պետք է արձագանքենք եւ գործադիրի հետ քննարկումներն ավարտելուց հետո, մեր դիրքորոշումը կհայտնենք:
– Իսկ ինչպե՞ս եք վերաբերվում, որ Վրաստանն ու Ուկրաինան հայտարարություններ են տարածել, թե չեն ճանաչում ԼՂՀ խորհրդարանական ընտրությունների լեգիտիմությունը:
– Բնականաբար, նրանք նույնպես ունեն խնդիրներ եւ ցանկացած ձեւով պետք է բացասական արձագանք տային: Ես դա մասնավոր կարծիք եմ համարում, որովհետեւ իրենք այլ ելք չունեն, եւ նմանատիպ երկրները պետք է իրենց քննադատական խոսքը ասեին: Ավելի կարեւոր էր խորհրդարանական ընտրություններին ներկա դիտորդների արձագանքը, երբ նրանք տեսել են, որ գործ ունեն կայացած պետության հետ: Փաստ է, որ ԼՂՀ-ում ժողովրդավարական բոլոր նորմերին համապատասխանող ընտրություններ են անցկացվել:

«ԱՊՐԻԼԻ 24-Ի ՇԵՄԻՆ ՆՄԱՆ ԵՐԵՎՈՒՅԹՆԵՐԸ
ԴԱՏԱՊԱՐՏԵԼԻ ԷԻՆ ԵՎ ԱՆԹՈՒՅԼԱՏՐԵԼԻ»


–Այս օրերին ներքաղաքական դաշտում լայն արձագանք է գտել սպանության նախապատրաստության կասկածանքով ձերբակալված ԱԺ ԲՀԿ խմբակցության նախկին պատգամավոր Գոհար Ենոքյանի դեպքը: Հետաքրքիր է, ՀՀԿ խմբակցությունում տեղի ունեցածի վերաբերյալ որեւէ դիրքորոշում կա՞:
– Ազգային ժողովի նախագահն անձամբ զբաղվում է այդ հարցով, եւ երբ իրավապահները իրենց վերջնական կարծիքը կհայտնեն ու կլինեն հիմնավոր փաստեր, այն ժամանակ մենք մեր վերաբերմունքը կարտահայտենք:
– Ի դեպ, «100-ամյակն առանց ռեժիմի» նախաձեռնության հեղինակ Ժիրայր Սէֆիլյանի ու իր թիմակիցների ձերբակալությունն էլ լայն քննարկման առարկա դարձավ, որը բարեհաջող ավարտ ունեցավ, եւ նրանք կրկին ազատության մեջ են:
– Խնդիրը մինչեւ ապրիլի 24-ն էր, իսկ հիմա իրենք ազատ են իրենց գործողությունների մեջ եւ կարող են իրենց խնդիրները բարձրաձայնել: Այնպես որ, եթե իրենք քաղաքական գործիչներ են, կարող են իրենց քաղաքական հայացքներն ազատ արտահայտել: Մենք խնդիր չունենք, բայց ապրիլի 24-ի նախաշեմին նման երեւույթները, պարզապես, դատապարտելի էին եւ անթույլատրելի:

«ՄԵՆՔ ՊԱՐԶԱՊԵՍ ՀԱՂԹՈՂԻ ԿԱՐԳԱՎԻՃԱԿՈՒՄ ԵՆՔ»


–Անդրադառնանք նաեւ Մայիսի 9-ին, մասնավորապես` հայերիս մասնակցությանը Հայրենական մեծ պատերազմի 70-ամյա հաղթանակի գործում:
– Մենք խոնարհվում ենք Երկրորդ համաշխարհային պատերազմի մեր բոլոր զոհերի առջեւ, որին մասնակից է եղել ամբողջ հայ ժողովուրդը: Մենք այդ պատերազմում ունեցել ենք ե՛ւ հերոսներ, ե՛ւ բավականին մեծ թվով զոհեր, եւ դա, բնականաբար, հաղթանակ է մեզ համար, որը մենք միշտ տոնում ենք եւ պետք է տոնենք: Եվ այս ավանդույթը մենք պետք է փոխանցենք մեր սերունդներին, որպեսզի չմոռացվի այն, ինչ կատարվել է 1939-45 թթ.-ին: Իրոք, սարսափելի երեւույթ է տեղի ունեցել, մեծ թվով զոհեր են եղել, բայց մենք այսօր պարզապես հաղթողի կարգավիճակում ենք: Այն ժամանակ, ճիշտ է, Սովետական Միության մեջ ենք եղել, բայց, համենայնդեպս, հայերը լուրջ մասնակցություն են ունեցել, բավական է նշել, որ բնակչության համեմատությամբ` ամենաշատ հերոսները մենք ենք տվել:
– Մայիսի 9-ը նաեւ Շուշիի ազատագրման օրն է ու կրկնակի տոն մեզ համար...
– Բնականաբար, մայիսը հաղթանակների ամիս է: Մենք ամեն տարի մեր պատվիրակությունով այդ օրը լինում ենք Շուշիում եւ դա, իրոք, ցնծություն է: Հենց հայ ժողովրդի ձեռք բերած այդ հաղթանակը հիմքերից մեկն է այսօրվա Ղարաբաղի անկախ հանրապետության:

ՀՐԱՆՏ ՍԱՐԱՖՅԱՆ

 

Հավանեցի՞ր հոդվածը, կիսվիր ընկերներիդ հետ