Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԱՐՈՆՅԱՆԸ ԲԱՐԵԼԱՎԵԼ Է ՎԱՐԿԱՆԻՇԸ

Արխիվ 12-16

ԱՐՈՆՅԱՆԸ ԲԱՐԵԼԱՎԵԼ Է ՎԱՐԿԱՆԻՇԸ


Շախմատի թիմային առաջնությունում բավարարվելով միայն բրոնզե մեդալովª շախմատի Հայաստանի հավաքականի ներկայացուցիչները կփորձեն իրենց ուժերի առավելագույն չափով ներկայանալ առաջիկա այլ առաջնություններում:
Ի դեպ, ինչ վերաբերում է Ծաղկաձորում անցկացված թիմային առաջնությանը, այստեղ հայ գրոսմայստերներից լավագույն արդյունքը Լեւոն Արոնյանին էր. նա 9 հնարավորից վաստակել է 6 միավոր: Նույն ցուցանիշով երկրորդը չինացի Լիրեն Դին է, ով 9 պարտիաներում հավաքել է 5.5 միավոր: Իսկ շախմատի կանանց թիմային առաջնությունում, որտեղ հայ շախմատիստուհները 7-րդն էին, լավագույնը Լիլիթ Մկրտչյանի արդյունքն էր. երկրորդ խաղատախտակի վրա Մկրտչյանը 9 հնարավորից վաստակել է 6.5 միավոր:
Այս օրերին Հայաստանի հավաքականի առաջատար Լեւոն Արոնյանն արդեն հնարավորություն ունի ոչ միայն սեփական ցուցանիշը բարելավելու, այլեւª թիմային միավորներ վաստակելու: Հայ գրոսմայստերը Նովոսիբիրսկի "Սիբիրի" կազմում մասնակցում է Ռուսաստանի ակումբային առաջնությանը, որի առաջին տուրում նա արդեն պարտության է մատնել գրոսմայստեր Ալեքսանդր Մոտիլյովին: Այս հաղթանակի շնորհիվ Արոնյանի թիմը` Նովոսիբիրսկի "Սիբիրը", 3,5:2,5 հաշվով հաղթեց Սվերդլովսկի "Մալախիտին": Երկրորդ տուրում Արոնյանը ոչ-ոքի խաղաց Վիտյուգովի հետ, սակայն "Սիբիրն" այնուամենայնիվ 2,5:3,5 հաշվով առավելության հասավ Սանկտ Պետերբուրգի "Պղնձե հեծյալ" թիմի նկատմամբ: Երրորդ տուրում հայ գրոսմայստերը դարձյալ ոչ-ոքի գրանցեց իր անվան դիմացª առաջին խաղատախտակի վրա սեւերով միավորը կիսելով գրոսմայստեր Սանան Սյուգիրովի հետ: "Սիբիրը" սակայն, դարձյալ 3,5:2,5 հաշվով հաղթեց Սամարայի "Ժիգուլիին": Այժմ Նովոսիբիրսկի թիմը 6 միավորով Բելորեչենսկի "Ունիվերսիտետ" թիմի հետ գլխավորում է մրցաշարային աղյուսակը: Այսպիսովª աշխարհի թիմային առաջնությունում կարեւոր միավորներ վաստակած Արոնյանը դարձյալ 10-րդն է Շախմատի միջազգային ֆեդերացիայի հրապարակած դասակարգման հերթական աղյուսակում. նրա վարկանիշը 2770-ից բարձրացել է 2776: Առաջատարը դարձյալ աշխարհի չեմպիոն, նորվեգացի Մագնուս Կարլսենն է, ում հաջորդում է աշխարհի նախկին չեմպիոն Վիշվանաթան Անանդը. հնդիկ գրոսմայստերը բարելավել է վարկանիշը եւ 6-րդ հորիզոնականից բարձրացել է երկրորդ տեղ:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ