"ՊԱՏԳԱՄԱՎՈՐԸ ՓՈՐՁԵՑ ՕԳՏՎԵԼ ԻՐԱՎԻՃԱԿԻՑ"
Արխիվ 12-16"Օգտվելով անպատժելիությունից` պատգամավոր Մարտուն Գրիգորյանը "Կամազի" խեղճուկրակ վարորդի նկատմամբ առաջինն է քաղհայց ներկայացրել: Եթե "Գազելի" վարորդը մեղավոր ճանաչվեր, ապա տուժողները եւ տուժողների ներկայացուցիչները կարող էին քաղհայց ներկայացնել գծի տիրոջ դեմ: Սակայն նախաքննական մարմնի կամայականության պատճառով մեծ գումարի պահանջով քաղհայց է ներկայացվում միայն Մանվել Վարդանյանի դեմ: Փաստորեն, պատգամավորը նախ մաքրեց իր անունը, ապա փորձեց օգտվել իրավիճակից",- մեզ հետ զրույցում անդրադառնալով Հոռոմի ճանապարհին տեղի ունեցած ողբերգական ավտովթարի գործին` ասաց ավտովթարի գործով մեղադրյալ Մանվել Վարդանյանի փաստաբան ԼԻԱՆՆԱ ԲԱԼՅԱՆԸ:
- Չնայած փորձաքննություններով ապացուցվել է, որ "Գազելը" եղել է անսարք վիճակում, արգելակները, կախոցները` անսարք, անվադողերը` մաշված, վարել է արագ, գազի բալոնի տեղադրման թույլտվություն չի ունեցել, նախատեսվածից ավել ուղեւորներ է տեղափոխել, նրա դեմ այդպես էլ գործ չի հարուցվել: Եվ ամենազարմանալին այն է, որ առաջին քաղհայցը ներկայացրեց գծի տերը` Մարտուն Գրիգորյանը: Ուղղակի ապշելու բան է, որ պատգամավորը, ով բազմաթիվ բիզնեսների տեր է, քաղհայց է ներկայացնում խեղճուկրակ վարորդի դեմª էս ողբերգական դեպքի արդյունքում մի հատ էլ` բաց թողնված վնասի փոխհատուցման պահանջով: Ես դիմել եմ gլխավոր դատախազին` դեպքի տեսաձայնագրությունը անհետանալու առթիվ, բայց մինչեւ հիմա ոչ գործ է հարուցվել, ոչ էլ որեւէ պատասխան եմ ստացել:
"ԿԱՏԱՐՅԱԼ
ԽԵՂԿԱՏԱԿՈՒԹՅՈՒՆ Է"
Այնուամենայնիվª ինչով է պայմանավորված, որ պատգամավորն ի վերջո որոշեց գումարի պահանջով հայց ներկայացրել այս ողբերգության հիմնական դերակատարիª "Կամազի" վարորդի նկատմամբª շատ լավ իմանալով նրա սոցիալական վիճակը: Եվ ահա ԱԺ պատգամավոր ՄԱՐՏՈՒՆ ԳՐԻԳՈՐՅԱՆԸ, ում հասցեագրված էին փաստաբանի մեղադրանքները, տվեց հետեւյալ մեկնաբանությունը.
- "Տրանս ակնթարթ" ընկերությունը իր քաղհայցի հետ կապված` ներկայացրել է իր տեսակետը: Եթե հայցը դատարանի կողմից բավարարվի, գումարն ամբողջությամբ կփոխանցvի զոհվածների եւ տուժածների հարազատներին:
Ինչ վերաբերում է փաստաբանի մեղադրանքներին, ապա բնական է, որ ջանալով հնարավորինս արդարացնել իր պատվիրատուի սպասելիքները եւ նրանից ստացած հոնորարները, առաջին իսկ օրերից փաստաբանը հարձակումների շարք է սկսել "Տրանս aկնթարթի" եւ "Գազելի" հանգուցյալ վարորդի դեմ: Մենք լավ ենք հասկանում թե; այսօրինակ նեղության մեջ հայտնված մարդու, թե' նրա ընտանիքի վիճակը, եւ նյութական վնասի հատուցման պահանջ չէիnք դնի, եթե նրանց շահերը ներկայացնողն այսչափ ազատություն չտար իր լեզվին եւ հարկի-անհարկի հղումներ չաներ: Կարծում եմ, որ "Կամազի" վարորդն ու իր ընտանիքի անդամները պետք է մտահոգվեն պաշտպանի պահվածքով:
- Պարոն Գրիգորյան, շատ է խոսվում է նաեւ, որ "Տրանս ակնթարթ" ընկերության "Գազելի" վարորդները առհասարակ արագ են վարում:
- Նման խոսակցություններ տարածողները մերկապարանոց հայտարարություններ անելու փոխարեն` պետք է հիմնավորեն:
- Իսկ ի՞նչ կասեք պաշտպանի այն պնդման վերաբերյալ, ըստ որի` վթարի ենթարկված "Գազելը" անսարք վիճակում է եղել:
- Կատարյալ խեղկատակություն է:
ԻԼՈՆԱ ԱԶԱՐՅԱՆ
Հավանեցի՞ր հոդվածը, կիսվիր ընկերներիդ հետ
