Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

"ՍԱ ՊԱՐԶԱՊԵՍ ՀՈՐԻՆՎԱԾ ՍՑԵՆԱՐ Է ՊԱՏՎԻՐՎԱԾ ՔՐ.ԳՈՐԾԻ ՇՐՋԱՆԱԿՆԵՐՈՒՄ"

Արխիվ 12-16

"ՍԱ ՊԱՐԶԱՊԵՍ ՀՈՐԻՆՎԱԾ ՍՑԵՆԱՐ Է
ՊԱՏՎԻՐՎԱԾ ՔՐ.ԳՈՐԾԻ ՇՐՋԱՆԱԿՆԵՐՈՒՄ"


Մայիսի 4-ին ձերբակալված ԱԺ ԲՀԿ-ական նախկին պատգամավոր 73-ամյա Գոհար Ենոքյանին երեկ վերցրցին նախնական կալանքի: Նրան վերագրվող մեղադրանքը կապված է Գոհար Ենոքյանի եղբոր որդու` Արայիկ Ենոքյանի հետ, ով այժմ գտնվում է կալանավայրում: Վերջինս, ըստ տարածված վարկածի, ժամանակին ինչ-որ գործարքների մեջ է մտել ԲՀԿ-ական պատգամավոր Յուվեցի Կարոյի (Կարո Կարապետյան) հետ, որն ավարտվել է լարված հակամարտությամբ եւ սպառնալիքներով: Արդյունքում` Արայիկ Ենոքյանը հայտնվել է բանտում, իսկ նրա հորաքրոջը` Գոհար Ենոքյանին կասկածում են ԱԺ պատգամավոր, նախկին ԲՀԿ-ական Կարո Կարապետյանի սպանության նախապատրաստման մեջ, ում անունը, ի դեպ, պարբերաբար հոլովվում է տարբեր աղմկոտ գործերի շրջանակներում:
Ինարկեª այս ակնհայտորեն հին պատմությունը դեռ "շատ ջուր կվերցնի": Իսկ նախնական տպավորություն կազմելու համար զրուցեցինք տիկին Ենոքյանի փաստաբան ԳԵՂԱՄ ՀԱԿՈԲՅԱՆԻ հետ, ով մեզ հետ զրույցում մանրամասնեց տեղի ունեցածը` բնականաբար այն որակելով "պետական ռեկետ", "հորինված" եւ "պատվիրված" սցենար:
-Շուրջ մեկ տարի այս գործը քննվում է, եւ մեկ տարվա ընթացքում` զուտ զրպարտության շրջանակներում տիկին Ենոքյանի անունը հոլովվում էր, որպեսզի նրան ներքաշեն այս պատմության մեջ: Մեկ տարվա ընթացքում նախաքննական մարմինը գոնե մեկ անգամ չի հարցաքննել Գոհար Ենոքյանին, նույնիսկ մենք էինք միջնորդել` հարցաքննել նրան, սակայն նրան այդպես էլ չեն հրավիրել ոչ հարցաքննության, ոչ էլ` առհասարակ: Այսինքն` մեկ տարվա ընթացքում երբեւէ նախաքննական մարմինը չի հիշել տիկին Ենոքյանին, իսկ երեկ առաջին անգամ էին Ենոքյանին հրավիրել ՀՔԾ, որտեղ էլ ձերբակալեցին բացարձակ ապօրինի ձեւով:
- Ձեր պաշտպանյալը կասկածվում է սպանության նախապատրաստման մեջ: Ի՞նչ կասեք այդ առնչությամբ:
- Գոհար Ենոքյանն ընդհանրապես կապ չունի այդ դեպքի հետ, նրան ձերբակալելու ո՛չ հիմքեր կան, ո՛չ փաստեր: Ամբողջը հորինված, պատվիրված, ապօրինի գործողություններ են, որն իրականացվում է Հատուկ քննչական ծառայության կողմից: Սա քրեական հետապնդում է Ենոքյանի նկատմամբ, որը նպատակ ունի հափշտակություն կատարել նախկին պատգամավորից: Բնականաբար այդ ապօրինի գործողությունները բողոքարկվել են համապատասխան կարգով` Գլխավոր դատախազություն եւ այլ համապատասխան մարմիններ:
Նորից եմ կրկնում` սա պարզապես հորինված սցենար է պատվիրված քրեական գործի շրջանակներում: Իբր թե սպանության նախապատրաստություն է տեղի ունեցել, որն իրականության մեջ գոյություն չունի ու չի էլ կարող ունենալ, նման փաստ չկա: Ցավում եմ, որ այս գործը, փաստորեն, հովանավորվում է հատուկ քննչական ծառայության եւ Գլխավոր դատախազության ղեկավարության կողմից. հակառակ պարագայում քննիչը չէր կարող ինքնուրույնաբար նման ապօրինություն գործել` շատ լավ հասկանալով, որ դրանով իրեն դնում է քրեական պատասխանատվության վտանգի տակ:
- Ո՞րն է խնդրի էությունը:
- Տիկին Ենոքյանի ազգականի հետ կապված գույքային բնույթի վեճի խնդիր է եղել այլ անձանց, մասնավորապես Կարո Կարապետյանի հետ առնչվող: Վերջինս փորձում է հորինված սցենարով նրան նեղ, ծանր դրության մեջ դնել եւ ինչ-ինչ խնդիրներ լուծել: Ըստ կասկածանքի, իբր 2012 թվականի փետրվար ամսին տիկին Ենոքյանը նախապատրաստել է Կարո Կարապետյանի սպանությունը: Սա աբսուրդի ժանրից է:
- Անձամբ Ձեր պաշտպանյալի հետ խոսե՞լ եք ձերբակալվելուց հետո:
- Այո, նա եւս կարծում է եւ համոզված է, որ իր նկատմամբ կոպիտ ասած` "պետական ռեկետ" է իրականացվում, այսինքն այս եղանակով փորձում են իր ունեցվածքը հափշտակել հօգուտ այլ անձի: Միտումը միանշանակ դրան է տանում:
- Ի՞նչ հարաբերությունների մեջ են եղել տիկին Ենոքյանը եւ Կարո Կարապետյանը:
- Շատ նորմալ հարաբերություններ են ունեցել:

"ԻՆՔԸ ՆՈՒՅՆԻՍԿ ԳՈՐԲԱՉՈՎԻ ԺԱՄԱՆԱԿ ՇԱՏ ԼՈՒՐՋ
ԳՈՐԾԱՌՈՒՅԹՆԵՐ Է ԿԱՏԱՐԵԼ"


Մենք փորձեցինք կապվել նաեւ պատգամավոր ԿԱՐՈ ԿԱՐԱՊԵՏՅԱՆԻ հետ, ով հեռախոսը վերցնելուն պես ասաց.
- Ազիզ ջան, հիմա հիվանդանոցում պառկած եմ, կես ժամից զանգի` խոսենք:
Բայց ոչ կես ժամից, ոչ էլ դրանից հետո պարոն Կարապետյանը հեռախոսին այլեւս չպատասխանեց:
Եվ քանի որ երկու հիմնական գործող անձիք նաեւ կուսակցական ընկերներ են ¥կամª եղել¤, դիմեցինք նաեւ ԲՀԿ մամուլի քարտուղար ՎԱՀԱՆ ԲԱԲԱՅԱՆԻՆ: Նա էլ անդրադառնալով Կարո Կարապետյան-Գոհար Ենոքյան հակամարտությանը` մեզ հետ զրույցում մասնավորապես ասաց.
- Այս պահին զերծ կմնամ գնահատականներ տալուց, քանի որ տեղյակ չեմ նախաքննական մարմնի ապացույցներից եւ ընդհանուր գործողություններից: Տեղի է ունեցել 73 տարեկան կնոջ` մեր նախկին գործընկերոջ ձերբակալություն: Այսօր առաջնային խնդիրը դա է մեզ համար, քանի որ վերջինս առողջական ծանր վիճակում է: Եվ ես` որպես պատգամավոր, կարծում եմ ավելի մարդկային կլիներ` խափանման միջոցը փոխել: Մնացածը, թե ինչ է եղել, օրենքի շրջանակներում ինչ խախտումներ, մեղադրանքներ, ապացույցներ կան, դա արդեն մեր խնդիրը չէ, դա իրավապահ մարմինների իրավասության ներքո գտնվող հարց է:
- Իսկ ինչպե՞ս կբնութագրեք Գոհար Ենոքյանին եւ Կարո Կարապետյանին:
- Տիկին Ենոքյանի հետ, ճիշտն ասած, չեմ աշխատել ԱԺ-ում, բայց տեղյակ եմ, որ ինքը նույնիսկ Գորբաչովի ժամանակ շատ լուրջ գործառույթներ է կատարել, մնացածի մասին չեմ կարող ասել: Նույն կերպ էլ Կարո Կարապետյանի մասին չեմ կարող որեւէ բան ասել: Համենայնդեպս երբեւէ չեմ լսել, որ նրանց միջեւ խնդիրներ են եղել, առաջին անգամ եմ լսում:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ