ԱՐԵՎՄՏԱՄԵՏԸ ԲՈՂՈՔՈՒՄ Է ԱՐԵՎՄՈՒՏՔԻՑ
Արխիվ 12-16Տեւական ժամանակ բուժման նպատակով Գերմանիայում գտնվող ընդդիմադիր գործիչ, "Ժառանգության" "Բարեւ Երեւան" դաշինքի ցուցակում ընդգրկված ԱՐՄԱՆ ՄՈՒՇԵՂՅԱՆԸ, ում հայացքները արեւմտամետ էին, այժմ խորապես հիասթափվել է Արեւմուտքից.
–Իմ պատկերացրած ազատությունը բնավ այն չի, ինչ ես տեսնում եմ ու լսում եմ Գերմանիայում: Այս ազատությունը այլասերված եւ դեգրադացված ազատություն է:
Պարզվում է, որ գերմանական դպրոցներում, վեցերորդ դասարանից սկսած` միայնակ մայրեր կան, ու այդ ամենը ցույց է տրվում հեռուստացույցով: Հպարտանում են իրենց մանկահասակ մայրերով: Իհարկե, դա չի թույլատրվում օրենքով, եւ եթե իմանան, թե ով է հայրը, կդատեն:
Զարմացա՞ք: Ես էլ էի զարմացել: Ո՞նց թե` եթե իմանան:
Պարզվում է, որ նրանք այնքան անկանոն հարաբերություններ են ունենում, որ հաճախ չեն էլ իմանում, թե ով է հայրը: Լինում են դեպքեր, որ պարասրահներում խմիչքի մեջ թմրադեղ են գցում եւ այդ կերպ սեռական հարաբերության մեջ մտնում անչափահասների հետ, որի արդյունքում էլ հղիանում են: Պարզվում է, որ Գերմանիայում աղջիկները սեռական կյանքով կարող են ապրել 16 տարեկանից սկսած, եւ դրա համար ծնողների թույլտվությունը պետք չէ, բայց եթե մինչեւ 18 տարեկանը հղիանան, ապա տղան պատասխանատվության կենթարկվի:
Պարզվում է նաեւ, որ եթե աղջիկը 15 տարեկան է եւ ունի ընկեր, ապա ծնողների գրավոր թույլտվությամբ կարող է սեռական կյանքով ապրել, բայց չպետք է հղիանա մինչեւ 18 տարեկանը: Եվրոպական "արժեքներից" է նաեւ այն, որ պարսավանքի կենթարկվի ավանդական սեռական կողմնորոշում ունեցող տղամարդը, եթե հաճոյախոսի կնոջը, բայց հոմոսեքսուալությունը ուղղակի կամ անուղղակի քարոզելը չի քննադատվում, այլ շատ սովորական է ընդունվում:
Հարց է առաջանում: Մենք այսպիսի՞ն ենք պատկերացնում ազատությունը:
ՍԵՓ. ԼՐԱՏՎՈՒԹՅՈՒՆ
Հավանեցի՞ր հոդվածը, կիսվիր ընկերներիդ հետ
