«ՈՒՂԻՂ 7 ՏԱՐԻ ՀՀՇ- Ն ՔԱՐՈԶՈՒՄ ԷՐ, ՈՐ ՖԱՇԻԶՄԻ ՀԱՂԹԱՆԱԿԸ ՀԱՅԱՍՏԱՆԻՆ ԱՎԵԼԻ ՇԱՀԱՎԵՏ ԿԼԻՆԵՐ»
Արխիվ 12-16«ՈՒՂԻՂ 7 ՏԱՐԻ ՀՀՇ- Ն ՔԱՐՈԶՈՒՄ ԷՐ, ՈՐ ՖԱՇԻԶՄԻ ՀԱՂԹԱՆԱԿԸ ՀԱՅԱՍՏԱՆԻՆ ԱՎԵԼԻ ՇԱՀԱՎԵՏ ԿԼԻՆԵՐ»
Սոցիալիստական շարժման ղեկավար ՌՈԲԵՐՏ ԱՀԱՐՈՆՅԱՆՆ ուշագրավ հայտարարություն է տարածել, որտեղ դիմակազերծում է ՀՀ առաջին նախագահ, ՀԱԿԿ առաջնորդ Լեւոն Տեր-Պետրոսյանին ու նրա վարած ֆաշիստական քաղաքականությունը: Հրապարակման մեջ, որը Ռ. Ահարոնյանը վերնագրել է կոչով` «Լեւոն Տեր- Պետրոսյան մոտեցի՛ր, խոնարհվի՛ր, միգուցե քեզ ներեն», մասնավորապես ասված է. «Մեծ Հայրենական պատերազմի 70-ամյակն է: Ռուսաստանը, նախկին Սովետական միության պետությունները պատրաստվում են մեծ շուքով նշել ֆաշիզմի տապալման տարեդարձը: Մենք Հայաստանում ունենք Հայրենական պատերազմի 1500 վետերան: Մեծարում եւ խոնարհվում ենք նրանց առջեւ: Շնորհակալ ենք ձեզ մեր սիրելի տատիկ, պապիկներ եւ ներողություն ենք խնդրում, որ 1991- 1997 թ. Մեր, այդպես կոչված, նոր անկախականնեը` Լեւոն Տեր- Պետրոսյանի գլխավորությամբ, արգելել էին նշել այդ փառապանց տոնը Հայաստանում: Ուղիղ 7 տարի ՀՀՇ-ն քարոզում էր, որ ֆաշիզմի հաղթանակը Հայաստանին ավելի շահավետ կլիներ: Պատկերացրեք քանի հազար վետերան, որորնք որ կյանքը դրեցին խաղաղություն հաստատելու համար մահացան որպես «ժողովրդի թշնամ»: Չէին պատկերացնում, որ կարող է գալ այդպիսի դարաշրջան, երբ հերոսները կքարկոծվեն պետության կողմից եւ այսօր այդ «իշխանավորները» կեղծ ժպիտով` ժողովրդի աչքին լավ երեւալու համար մոտենում են անհայտ զինվորի գերեզմանին եւ խոնարհվում»: Շարունակելով վերոնշյալ միտքը` Սոցիալիստական շարժման ղեկավարը դիմել է ԼՏՊ-ին. «Մեղքերի թողությո՞ւն ես անում, Լեւոն- Տեր Պետրոսյան, քո ՀՀՇ- ի եւ Ազգային Կոնգրեսի կազմով: Դու իրավունք չունես քո շքախմբով մոտենալու այդ սուրբ տեղին եւ ոչ միայն դու, այլ քո տեղծած ՀՀՇ- ն եւ Ազգային Կոնգրեսը: Մենք, իհարկե, կարող ենք ձեզ արգելել, պատ կազմել եւ թուլ չտալ մոտենալ, բայց մոտեցեք եւ իմացեք, որ ձեր կառավարման թվերին մահացած վետերաննների անեծքը կախված է ձեր գլխին: Մոտեցեք կրակին,խոնարհվեք եւ ներողություն աղաչեք, միգուցե ձեզ ներեն»:
ՀՐԱՆՏ ՍԱՐԱՖՅԱՆ
