Ն. Զոհրաբյան. «ՉԵՄ ԽՈՍԵԼ ԿԱՐՈ ԿԱՐԱՊԵՏՅԱՆԻ ՀԵՏ ԵՎ, ԱՆԿԵՂԾ ԱՍԱԾ, ՉԵՄ ԷԼ ՊԱՏՐԱՍՏՎՈՒՄ»
Արխիվ 12-16Ն. Զոհրաբյան. «ՉԵՄ ԽՈՍԵԼ ԿԱՐՈ ԿԱՐԱՊԵՏՅԱՆԻ ՀԵՏ
ԵՎ, ԱՆԿԵՂԾ ԱՍԱԾ, ՉԵՄ ԷԼ ՊԱՏՐԱՍՏՎՈՒՄ»
Ինչպես արդեն նշել է «Իրավունքը», երեկ երեկոյան ձեռբակալվել է ԱԺ ԲՀԿ խմբակցության նախկին պատգամավոր, 73-ամյա ԳՈՀԱՐ ԵՆՈՔՅԱՆԸ: Նա մեղադրվում է ԱԺ ԲՀԿ խմբակցության պատգամավոր ԿԱՐՈ ԿԱՐԱՊԵՏՅԱՆԻ՝ Յուվեցի Կարոյի սպանության փորձը կազմակերպելու մեջ: Այս պահին ԱԺ-ում ԱԺ ԲՀԿ խմբակցության ղեկավար ՆԱԻՐԱ ԶՈՀՐԱԲՅԱՆԸ ստորագրահավաք է սկսել, որպեսզի դիմի ՀՔԾ Գ. Ենոքյանի հանդեպ որպես խափանման միջոց կալանքը փոխելու համար, քանի որ ըստ Ն. Զոհրաբյանի, նա ունի առողջական շատ լուրջ խնդիրներ: Ի դեպ, «Իրավունքը» հետաքրքրվեց տիկին Զոհրաբյանից, թե փորձե՞լ է կապ հաստատել հենց Կ.Կարապետյանի հետ, քանի որ հենց նա կարող է հստակ պարզաբանում տալ գործի առնչությամբ, որին ի պատասխան նա նշեց. «Չեմ խոսել Կարո Կարապետյանի հետ եւ, անկեղծ ասած, չեմ էլ պատրաստվում»:
ՀՐԱՆՏ ՍԱՐԱՖՅԱՆ
