ՀԱԿՈԲ ՀԱԿՈԲՅԱՆԻՆ (ՃՈՅՏ) ՇՏԱՊ ՎԻՐԱՀԱՏԵԼՈՒ ԵՆ
Արխիվ 12-16ՀԱԿՈԲ ՀԱԿՈԲՅԱՆԻՆ (ՃՈՅՏ) ՇՏԱՊ ՎԻՐԱՀԱՏԵԼՈՒ ԵՆ
ԱԺ նախկին պատգամավոր Հակոբ Հակոբյանն ազատ է արձակվել: Նրա հնադեպ կիրառված խափանման միջոց կալանքը փոխարինվել է երկրից չբացակայելու մասին ստորագրությամբ:
Հ. Հակոբյանի փաստաբան Կարեն Սարդարյանը «Իրավունք»-ին տեղեկացրեց, որ խափանման միջոցը փոխվել է իր պաշտպանյալի առողջական վիճակի վատացման պատճառով: «Նրան շտապ վիրահատության են ենթարկելու, պետք է ստենդավորեն երիկամը: Նա նաև սրտանոթային համակարգի հետ կապված խնդիրներ ունի»,- ասաց Կ. Սարդարյանը:
Հիշեցնենք, որ նախկին պատգամավորը ձրբակալվել էր փետրվարի 4-ին: Դատարանը բավարարել էր նախաքննական մարմնի միջնորդությունը և որոշում էր կայացրել Հակոբ Հակոբյանին կալանավորորելու վերաբերյալ: Նրան մեղադրանք էր առաջադրվել ապօրինի ձեռնարկատիրությամբ զբաղվելու համար, որի արդյունքում պետությանը հասցվել է խոշոր չափի վնաս է հասցվել, չարամտորեն խուսափել է վճարել հարկերը, տուրքերը կամ պարտադիր այլ վճարումները:
ԱՐՄԻՆԵ ԳՐԻԳՈՐՅԱՆ
