Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՊԱՏԳԱՄԱՎՈՐԸ ՊԱՐԶԱԲԱՆՈՒՄ Է. «ԹՈՒՐՔ ԳՈՐԾԻՉՆԵՐԻՆ ԵՍ ՉԵՄ ՀՐԱՎԻՐԵԼ ՀԱՅԱՍՏԱՆ»

Արխիվ 12-16

ՊԱՏԳԱՄԱՎՈՐԸ ՊԱՐԶԱԲԱՆՈՒՄ Է. «ԹՈՒՐՔ

ԳՈՐԾԻՉՆԵՐԻՆ ԵՍ ՉԵՄ ՀՐԱՎԻՐԵԼ ՀԱՅԱՍՏԱՆ»

 

«Իրավունքը» մայիսի մեկին  «Պատգանավորի ինքնագլխության պատասխանը. չի բացառվում Թուրքիան ուղղորդում է թուրք «անկեղծ» գործիչներին» վերտառությամբ հոդված էր տպագրել, որտեղ անդրադարձել էր մի քանի թուրքերի «հայամետ» հայտարարություններին եւ  նախկին ԲՀԿ-ական Արագած Ախոյանի` նրանց Հայաստան հրավիրելուն: Պատգամավորը, սակայն, վերոնշյալ հոդվածի  առնչությամբ  ներկայացրեց իր պարզաբանումը ասելով, որ թուրքերին Հայաստան հրավիրել է ոչ թե ինքը, այլ պետությունը`մասնավորապես, պետական ծրագրերի շրջանակներում: «Եթե նկատեցինք, նրանք ունեցել են բեյջեր եւ եղել հրավիրվածների ցանկում: Այնպես որ այդ «ինքնագլուխ» բառն ինձ չի վերաբերում, այլ վերաբերում է նման մտքերին հայտնողներին, որոնք ցանկանում են պղծել»,-վրդովված ասաց պատգամավորը:

«Վերադարձ» հիմնադրամը , որի մասին եւս անդրադարձել է «Իրավունքը», այս յոթ տարիների ընթացքում գործունեություն ծավալել է Արագած Ախոյանի անձնական միջոցների հաշվին: ««Վերադարձ» հիմնադրամի բացման արարողության ժամանակ ոչ ոք նման միտք չի հայտնել (նկատի ունի այն, որ  հիմնադրամի բացմանը ներկա գտնվողները մտավախություն ունեն, որ  հիմնադրամը կարող  է սնվել թուրքական իշխանություններից-խմբ.): Դա, երեւի, ինչ-որ մեկի վառ երեւակության արդյունքն է կամ «ոչ մի բարեգործ անպատիժ չի մնում սկզբունքով գրված ինչ-որ բան է»,- ասաց պատգամավորը:

Ինչ վերաբերում է արեւմտահայոց  ազգային խորհրդի համագումարի քարտուղար Սեւակ Արծրունու այն հայտարարությանը, որ թուրք գործիչներին Հայաստան հրավիրելը եղել է Արագած Ախոյանի անձնական ցանկությունը, մեր զրուցակիցը դա եւս հերքեց. «Արեւմտահայոց ազգային խորհրդի համագումարի նախագահը`Սուրեն Սերայտարյանը, ապրիլի 23-ի ֆորումին մասնակցում էր»:

Անդրադառնալով ԳԱԱ հայկական հարցի եւ Հայոց ցեղասպանության բաժնի վարիչ Արմեն Մարուքյանի  պարզաբանումներին, թե չի բացառվում, որ  թուրք գործիչները թուրքական  իշխանությունների պատվերն են կատարում ( հիմք ընդունելով «Արեւմտյան Հայաստանը մեր ընդհանուր հայրենիքն է, քանի որ փոխվել է Արեւմտյան Հայաստանի բնակչության կազմը» եւ ««Օսմանյան հայերի թոռներ» արտահայտությունները)` պատգամավորը հստակ պատասխան չտվեց. «Հարգանքով եմ վերաբերվում Արմեն  Մարուքյանին: Ո՞վ չգիտի, որ մենք գործ ունենք լուրջ ապարատի  ու մեխանիզմի հետ` ի դեմս թուրքական քարոզչության: Բայց ես չեմ առաջնորդվում «ոչինչ չանենք, որ չսխալվենք» սկզբունքով: Պետք է այսօր գործել, աշխատել: Իհարկե, իրերն իրենց անուններով կոչելով... նրանք շատ  զգույշ են, քանի որ Թուրքիայում  301-րդ հոդվածն է գործում: Հիմա մեր նպատակը ո՞րն է`մտել ենք այգի, այգեպանին ծեծենք, թե՞ խաղող ուտենք»:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ