ԱՐՑԱԽԻ ԽՈՐՀՐԴԱՐԱՆՈՒՄ ՀԱՅՏՆՎԱԾ ՈՉ ԻՇԽԱՆԱԿԱՆ ՈՒԺԵՐԸ ԴԱՇԻՆՔ ԿԿԱԶՄԵ՞Ն
Արխիվ 12-16ԱՐՑԱԽԻ ԽՈՐՀՐԴԱՐԱՆՈՒՄ ՀԱՅՏՆՎԱԾ ՈՉ
ԻՇԽԱՆԱԿԱՆ ՈՒԺԵՐԸ ԴԱՇԻՆՔ ԿԿԱԶՄԵ՞Ն
Մայիսի երեքին Արցախում տեղի ունեցան խորհրդարանական ընտրություններ: Նախնական տվյալների համաձայն` անցողիկ շեմը հաղթահարել են «Ազատ հայրենիք» կուսակցությունը` 47%,«Արցախի ժողովրդավարական կուսակցությունը»` 19%,«Հայ հեղափոխական դաշնակցություն» կուսակցությունը` 19%, «Շարժում-88» կուսակցությունը` 6.5%, «Ազգային վերածնունդ» կուսակցությունը` 5%-ի շեմին է:
«Իրավունքը» «Շարժում-88» կուսակցությամբ մեծամասնական ընտրակարգով առաջադրված թեկնածու, ազատամարտիկ Վիտալի Բալասանյանից, ով մեծամասնական ընտրակարգով առաջադրել էր իր թեկնածությունը Ասկերանի 5-րդ ընտրատարածքում եւ հաղթահարել անցողիկ շեմը, ասաց. «Ընտրություններն Արցախում անցել են հանդարտ, հանգիստ մթնոլորտում: Խախտումներ մեր կողմից չեն գրանցվել, լցոնումներ, վարչական ռեսուրսի կիրառում եւս չենք արձանագրել: Ընտրությունների անցկացումը գնահատում ենք բավարար»,- ասաց Վ. Բալասանյանը:
- Պրն Բալասանյան, սպասելի՞ էր, որ «Շարժում-88» կուսակցությունը, ըստ նախնական տվյալների, 6,5% ձայն կստանա:
- Դե ընտրողներն են այդպես որոշել: Ես ինչ կարող եմ ասել:Ամեն մեկն էլ ուզում է հաղթել,բայց դե ինչ կարող ենք անել: Ընտրողներն այդպես են որոշել:
- Տպավորությունն այնպիսին է, որ Արցախի խորհրդարանում ստեղծվել է իշխանության եւ ոչ իշխանական ուժերի հավասարակշռություն:
- Այո, այդպես է:
- Հնարավո՞ր է խորհր դարան անցած ոչ իշխանական ուժերը դաշինք կազմեն:
-Դա կորոշի, երբ կձեւավորվի ազգային ժողովը: Հիմա այդ մասին ոչինչ չեմ կարող ասել:
-Որպես մեծամասնականով առաջադրված եւ հաղթած թեկնածու` Արցախի խորհրդարանում ինչ խնդիրներ եք բարձրաձայնելու:
- Հիմնականում աշխատելու եմ Արցախի անվտանգության ամրապնդման ուղղությամբ, ինչպես նաեւ բարձրաձայնելու է սոցիալական բազմաթիվ չլուծված խնդիրներ:
- Փաստորեն, կարո՞ղ ենք արձանագրել, որ Արցախը ժողովրդավարական մակարդակով ընտրություններ անցկացրեց:
- Այո: Ավելին ասեմ` որպես մեծամասնականով առաջադրված թեկնածու ես վստահված անձինք չեմ ունեցել, բայց արդարացվել է նրանց չլինելը, քանի որ ընտրական հանձնաժողովները լուրջ են վերաբերվել ընտրական գործընթացին` հատկապես հաշվարկներ կատարելիս: Այս մշակույթը պետք է Հայաստանում էլ մտցվի:
- Որպես ոչ իշխանական ուժի ներկայացուցիչ, ըստ էության գո՞հ եք Արցախի իշխանությունից:
-Այո: Մենք տեսնում ենք, որ քաղաքական նոր մշակույթ է ձեւավորվել:
ՍՈՆԱ ԴԱՎԹՅԱՆ
