ԵՐԳՉՈՒՀԻ ՌՈՒՍԼԱՆԱ. «ԱԴՐԲԵՋԱՆՑԻՆԵՐԻ ԵՎ ՈՒԿՐԱԻՆԱՑԻՆԵՐԻ ՄԻՋԵՎ ՁԵՎԱՎՈՐՎԵԼ Է ՓՈԽԱԴԱՐՁ ՍԵՐ ՈՒ ՀԻԱՑՄՈՒՆՔ»
Արխիվ 12-16ԵՐԳՉՈՒՀԻ ՌՈՒՍԼԱՆԱ. «ԱԴՐԲԵՋԱՆՑԻՆԵՐԻ ԵՎ ՈՒԿՐԱԻՆԱՑԻՆԵՐԻ ՄԻՋԵՎ ՁԵՎԱՎՈՐՎԵԼ Է ՓՈԽԱԴԱՐՁ ՍԵՐ ՈՒ ՀԻԱՑՄՈՒՆՔ»
Իր աշխարհով մեկ շրջագայությունների ընթացքում ուկրաինուհի սեքս սիմվոլ Ռուսլանան, որը միարժամանակ Ուկրաինայի ժողովրդական դերասանուհի է, հասել է Բաքու եւ այնտեղ հայտարարել, որ նա աշխարհով մեկ շրջագայում է, որպեսզի Ուկրաինայի մասին ճշմարտություն տարածի: Սակայն նորընծա «քաղաքական գործչին», ում ավելի սովոր ենք տեսնել կիսամերկ վիճակում, Բաքվում հավանաբար ներարկել են նավթադոլարների չափից ավելի մեծ դոզա: Համենայն դեպս, սեքս սիմվոլը սկսեց խոսել ադրբեջանական բանաձեւերով. «Օկուպացված տարածքները ժամանակավոր երեւույթ է... եկել խլել են մեր հողերը, Ղրիմը եւ Ղարաբաղը նույն ձեռագիրն է» եւ այլն:
Ադրբեջանական ներարկումը եղել է այնքան հզոր, որ Ռուսլանան հայտարարեց, որ «ադրբեջանցիները եւ ուկրաինացիները ունեն հարազատական կապ»: Հատկապես ինչ նկատի ունի Ռուսլանան եւ, արդյոք նա ադրբեջանցիներին դասում է սլավոնների շարքին, կամ էլ ուկրաինացիներին` թյուրքերի, նա չճշտեց, սակայն ավելացրեց, որ այդ ազգերի միջեւ «ձեւավորվել է փոխադարձ սերն ու հիացմունքը»: Դժվար թե Ռուսլանայի այդ կարծիքը Ուկրաինայում կիսում են բոլորը, սակայն այն, որ որոշ ուկրաինուհիներ սեր ու հիացմունք են տածում ադրբեջանցիների նկատմամբ փաստ է:
Այս մասին, ի դեպ, ադրբեջանասեր երգչուհին տվել է հարցազրույց հենց Ադրբեջանում` vesti.az կայքին:
