Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՏԱՆ ՊԱՅՄԱՆՆԵՐՈՒՄ ԱՏԱՄՆԱՔԱՐԵՐ ՉԵ՛Ն ՀԵՌԱՑՆՈՒՄ

Արխիվ 12-16

ՏԱՆ ՊԱՅՄԱՆՆԵՐՈՒՄ ԱՏԱՄՆԱՔԱՐԵՐ ՉԵ՛Ն ՀԵՌԱՑՆՈՒՄ


- Հարգելի բժիշկ, կարդացել եմ, որ թեյը, սուրճը, կարմիր գինին ու ծխախոտը նպաստում են ատամնափառի` հետագայում ատամնաքարերի առաջացմանը: Ինձ նաեւ հետաքրքիր է` որքան հաճախ կարելի է հեռացնել ատամնաքարերը, հնարավո՞ր է արդյոք տան պայմաններում. ասում են` արդյունավետ միջոց է կերակրի աղը, սոդան:


Հարցին պատասխանել է թիվ 2 բուժմիավորման ատամնաբուժական բաժանմունքի վարիչ ԱՐՄԵՆ ԿՈՏԻԿՅԱՆԸ.


-Այո՛, թեյը, սուրճը, կարմիր գինին ու ծխախոտը նպաստում են ատամնափառի` հետագայում ատամնաքարերի առաջացմանը: Ատամնաքարեր կարող են նաեւ առաջանալ բերանի խոռոչի հիգիենայի կանոնները չպահպանելու, միայն փափուկ սննդի օգտագործման, ծնոտի միայն մի կողմով ծամելու դեպքերում:


Ատամնաքարեր կարող են առաջնալ նաեւ օրթոպեդիկ եւ օրթոդոնտիկ կառույցների` կամրջի, բրեկետի առկայության, ինչպես նաեւ օրգանիզմի նյութափոխանակության խանգարումների (հիմնականում աղային) ժամանակ:
Հարկ է նշել, որ ատամնաքարերը ըստ տեղակայման լինում են` վերլնդային եւ ստորլնդային (ենթալնդային):
Ատամնաքարերի պրոֆեսիոնալ մաքրումը կատարում են միմիայն ատամնաբուժական կլինիկաներում: Այս գործողությունն իրականացնում է բժիշկ-ատամնաբույժը: Արդյունավետ չեն, այսպես ասած, ժողովրդական կամ տնական միջոցները. կերակրի աղը, սոդան…
Ի դեպ, նախկինում միայն մեկ մեթոդ է կիրառվել` մեխանիկականը (ստոմատոլոգիական գործիքների օգնությամբ), որը հնարավորություն չէր տալիս ամբողջությամբ հեռացնել ատամնաքարերն ու ատամնափառը: Բացի այդ, բավական ցավոտ եւ տրավմատիկ միջամտություն է եղել: Ժամանակակից կլինիկաներում այսօր օգտագործում են ուլտրաձայնային, Air-Flow սարքերը, որոնց օգնությամբ անցավ հեռացվում են ատամնաքարերն ու ատամնափառը:
Հարգելի նամակագիր, հիշե՛ք, որ անուշադրության մատնված ատամնափառը հետագայում վերածվում է ատամնաքարերի, որոնց հիմքում մանրէներն են (ուտելիքի մնացորդների արդյունքն է), կարող են կարիեսի պատճառ դառնալ, առաջացնել լնդաբորբ (գինգիվիտ): Վերջինս չբուժելու դեպքում` հարգեղձաբորբ (պարադոնտիտ), որը հետագայում կնպաստի ատամների կորստին:
Ուստի` խորհուրդ է տրվում տարեկան մեկ անգամ պարտադիր այցելել բժիշկ-ատամնաբույժի եւ կատարել պրոֆեսիոնալ մաքրում: Անհրաժեշտության դեպքում ատամնաքարերը կարելի է հեռացնել նաեւ վեց ամիսը մեկ:

ՎԼԱԴ ՄՈՒՐԱԴՅԱՆ

 

Հավանեցի՞ր հոդվածը, կիսվիր ընկերներիդ հետ