Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՎԵՐՋԱՊԵՍ ԿԼԻՆԻ՞ ՀԱՄԱՆԵՐՈՒՄ

Արխիվ 12-16

ՎԵՐՋԱՊԵՍ ԿԼԻՆԻ՞ ՀԱՄԱՆԵՐՈՒՄ


Բավական երկար ժամանակ շրջանառվում էր խոսակցություններ այն մասին, որ Ցեղասպանության հարյուրամյակի կապակցությամբ Հայաստանում համաներում է հայտարարվելու: 100-ամյակն անցավ եւ հիմա էլ այդ խոսակցությունները սկսել են կապվել մայիսի 9-ի հետ: Ի վերջոª համաներում կհայտարարվի՞. հարցի պատասխանը փորձեցինք ստանալ ՀՀ արդարադատության նախարար ՀՈՎՀԱՆՆԵՍ ՄԱՆՈՒԿՅԱՆԻՑ:
-Պարոն նախարար, ըստ Ձեզ, կլինի՞ համաներում, ե՞րբ եւ ո՞ր հոդվածներով դատապարտվածների վրա այն կանդրադառնա:
- Ես հոգնել եմ արդեն "համաներում կլինի՞, թե ոչ" հարցից. այն արդեն ինձ հիշեցնում է Կիկոսի մահը: Երբ համաներման մասին պաշտոնական ինչ-որ տեղեկատվություն լինի, այդ ժամանակ կխոսենք: Հիմա, համենայնդեպսª այս վայրկյանի դրությամբ, նման բան չկա: Առայժմ երկրի նախագահը` Սերժ Սարգսյանը, համաներման մասին հանձնարարություն չի տվել: Սակայն դա դեռ չի նշանակում, որ մինչեւ մայիսի 5-ը, երբ կայանալու է ԱԺ արտահերթ նիստը, նման հանձնարարություն չի լինի: Ամեն դեպքում, ես այդ հարցի հասցեատերը չեմ. հանրապետության նախագահն է որոշում այդ հարցը:
- Արդյո՞ք արդարադատության նախարարը չի՞ կարող նման միջնորդությամբ կամ նախագծով դիմել նախագահին:
- Ո՛չ, արդարադատության նախարարը նման իրավասություն չունի: Դա նախագահի իրավասությունն է: Ինչպես կորոշի նախագահը, այդպես էլ կլինի: Ավելինª համաներման մասին նախապես հնարավոր չէ հայտարարել, քանի որ այն կանխատեսման դաշտում չէ: Համաներման առանձնահատկությունն այն է, որ այլ որոշումների եւ իրավական ակտերի նման բազմաթիվ հասկանալի պատճառներով դրա ընդունման պրոցեսը հրապարակային չէ: Համաներման գործընթացը մինչեւ վերջին պահը, երբ նման որոշում է կայացվում, եւ երկրի նախագահը դիմում է խորհրդարանին, տեղի է ունենում փակ պայմաններում. այդպիսին է համաներման համաշխարհային պրակտիկան: Իսկ ինչ վերաբերում է նրան, թե առաջիկա օրերին համաներում կլինի, թե ոչ, կարծում եմ` այս պահին ոչ ոք չի կարող ասել: Բացի, կրկնում եմ, նախագահից, ով ունի նման որոշում կայացնելու իրավասություն: Եվ եթե նման որոշում լինի, բնականաբար, հասարակությանն անմիջապես կտեղեկացվի այդ մասին:
- Մի շարք իրավապաշտպաններ նշում են, որ իրականում Հայաստանում ավելի շատ են համաներումներ լինում, քան աշխարհի բազմաթիվ այլ երկրներում: Այդպե՞ս է:
- Ես նույնպես այն կարծիքին եմ, որ Հայաստանում առավել հաճախ են լինում համաներումներ, քան այլ երկրներում: Բայց աշխարհում, իհարկե, համաներման տարաբնույթ պրակտիկա է կիրառվում: Կան երկրներ, որոնք ակտիվ  կիրառում են համաներումը, կան երկրներ, որոնք ավելի շատ շեշտը դնում են պայմանական վաղաժամկետ ազատման ինստիտուտի վրա, որն ավելի կոնկրետ անհատականացման էլեմենտներ է պարունակում եւ կոնկրետ մարդուն է վերաբերում: Այսինքնª հաշվի է առնվում, թե ինչպես է դատապարտյալը պատիժը կրում, արդյոք նա ուղղվելու, վերադաստիարակվելու ճանապարհին է կանգնած, նրա հետագա վերասոցիալիզացիան արդյունավետ կլինի, թե ոչ: Այնպես որª  որեւէ մեկը չի կարող պնդել, որ այս մոդելն է ավելի ճիշտ կամ այն մյուսը: Որպես իրավաբան ավելի կարեւոր եմ գնահատում պայմանական վաղաժամկետ ինստիտուտի ակտիվ եւ արդյունավետ գործարկումը երկրում, քանի որ, ի տարբերություն համաներման, պայմանական վաղաժամկետի պարագայում գործ ունենք անհատական մոտեցման հետ: Սա ավելի արդյունավետ եւ արդար լուծում է: Մոտ ժամանակներս նախաձեռնություն ենք ներկայացնելու` այս ինստիտուտը վերափոխելու ուղղությամբ: Մենք պետք է փորձենք օրենսդրական այնպիսի լուծումներ գտնել, որպեսզի արդյունավետորեն ռեանիմացնենք այդ ինստիտուտը եւ այն իր նպատակներին ծառայեցնենք:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ