Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

"ԲԱՔՈՒՆ ՀԱՍԿԱՑԵԼ Է, ՈՐ ԿԱՐՈՂ Է ՀԱՐՎԱԾ ՍՏԱՆԱԼ ՄԵԾ ՊԵՏՈՒԹՅՈՒՆՆԵՐԻՑ"

Արխիվ 12-16

"ԲԱՔՈՒՆ ՀԱՍԿԱՑԵԼ Է, ՈՐ ԿԱՐՈՂ Է ՀԱՐՎԱԾ ՍՏԱՆԱԼ ՄԵԾ ՊԵՏՈՒԹՅՈՒՆՆԵՐԻՑ"


Աշխատանքային այցով Փարիզում գտնվող Հայաստանի արտգործնախարար Էդվարդ Նալբանդյանն ապրիլի 29-ին հանդիպել է ԵԱՀԿ Մինսկի համանախագահների եւ ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ: Բայց ահա հայաստանյան վերլուծաբանները "Իրավունքի" հետ զրույցում փաստեցին, որ այս հանդիպումներից չունեն մեծ ակնկալիքներ: Այն պարզ պատճառով, որ Ադրբեջանը ղարաբաղյան հակամարտության խաղաղ կարգավորման հարցում, ի տարբերություն Հայաստանի, չի վարում կառուցողական քաղաքականություն:
Քաղաքագետ ԼԵՎՈՆ ՇԻՐԻՆՅԱՆԸ նշեց.
- Չեմ կարծում, որ այս հանդիպումը Ադրբեջանի ագրեսիվ քաղաքականության մեջ որեւէ բան փոխի: Նման հանդիպումները հակամարտության կառավարման նպատակ ունեն: Իմ կարծիքով, ղարաբաղյան խնդրի կարգավորումը, բացի Հայաստանից, ոչ մեկի շահերից չի բխում: Հարցի կարգավորման հարցում ոչ ոք արմատական քայլերի չի գնա, այսինքն` հարցը կմնա այնպես, ինչպես եղել է: Նույնիսկ Մինսկի խմբի համանախագահներն այնպես կանեն, որ բանակցություններն ընթանան նույն վիճակով, ինչպես տասնամյակներ առաջ էր: Նրանք ջերմաչափը դրած սպասում են, թե որ կողմը շատ առաջ կգնա, որպեսզի մի քիչ սաստեն: Ադրբեջանական կողմն այս եւ մյուս բանակցություններին ուշադրություն չի դարձնի, ու որ պահին հարմարեցնիª հարցը կմտցնի փակուղի: Շփման գծում, դժբախտաբար, նույն վիճակը կտիրի, քանի որ Ադրբեջանը հավատարիմ է ագեսորի իր կարգավիճակին:
Սակայն քաղաքագետ ՍՏԵՓԱՆ ԳՐԻԳՈՐՅԱՆԸ շատ ավելի լավատեսորեն շեշտեց.
- Ողջունում եմ մեր արտգործնախարարի`  ե՛ւ համանախագահների, ե՛ւ Ադրբեջանի արտգործնախարարի հետ հանդիպումը: Մեր որոշումն այն է, որ պատրաստ ենք վերսկսել բանակցությունները, որը երկար ժամանակ կարծես թե սառեցված է: Նախկին հանդիպումներն իրական բանակցություններ չէին, իսկ այսօր նպատակը հստակ է` վերսկել ղարաբաղյան հարցի խաղաղ կարգավորմանն ուղղված բանակցությունները: Այս հարցը արագ չի կարող լուծվել, բայց դրական արդյունքներ կարելի է սպասել: Հայոց ցեղասպանության 100-րդ տարելիցի հետ կապված` Թուրքիան աշխարհից ստացավ ուժեղ հարված, ինչը նկատելի դարձավ նաեւ Բաքվում: Այս երկու երկրների` մեզ դիմադրելու ջանքերն իրար խառնվեցին, որից, ըստ երեւույթին, Բաքուն մեծ դասեր կքաղի: Այսօր Բաքուն հասկացել է, որ կարող է հարված ստանալ մեծ ու փոքր պետություններից: Սա է պատճառը, որ, միգուցե, Ադրբեջանը հասկանա, որ մեծ հույսեր չի կարող կապել Թուրքիայի հետ եւ ստիպված կգնա բանակցությունների:
Եվ, վերջապես, ադրբեջանագետ ՍԱՐԳԻՍ ԱՍԱՏՐՅԱՆՆ ընգծեց.
- Անձամբ, այս հանդիպումներից մեծ ակնկալիքներ չունեմ` հաշվի առնելով Ադրբեջանի վերջին գործողությունները: Դրանք փաստում են, որ այդ երկիրը քայլեր չի կատարում խաղաղության համար: Այս պայմաններում դժվար է սպասել, որ համանախագահների եւ երկու երկրների արտգործնախարարների հանդիպումը ղարաբաղյան խնդրի կարգավորման համար կարող է բերել նոր տեղաշարժեր: Ինչ վերաբերում է սահմանային իրավիճակին, ապա բոլորի համար էլ հասկանալի է, որ ադրբեջանական կողմը ցանկացած պահի կարող է լարել այն:

Z-PR սոցհարցման կենտրոնը Երեւան քաղաքում 100 հոգու շրջանում կատարել է հարցում` պարզելու համար բնակիչների կարծիքը ղարաբաղյան հարցի կարգավորմանն ուղղված փարիզյան հանդիպումների վերաբերյալ:
1. Ադրբեջանը, ինչպես միշտ, էլի բանակցությունների ժամանակ կխոսի խաղաղությունից, բայց հաջորդ պահին էլ կշարունակի սահմաններին կրակել: Բան չի փոխվել- 72%:
2. Այս նոր հանդիպումը Փարիզում անմիջապես հաջորդեց Ֆրանսիայի նախագահի` Հայաստան, այստեղից էլª Ադրբեջան կատարած այցին: Իսկ դա հուշում է, որ կա որոշ ճնշում, եւ բանակցություններում ակտիվացում կարելի է սպասել, բայց ոչ վերջնական արդյունքների- 16%:
3. Ցեղասպանության հետ կապված` Թուրքիայի նկատմամբ ճնշումները Ադրբեջանը աչքի առաջ ունենալով, արդեն ստիպված է լուրջ զիջումների գնալ: Այսինքնª լուրջ տեղաշարժերի սպասելիքներ կան- 7%:
4. Դժվարանում է պատասխանել- 5%:

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ