ԹԱՐԳՄԱՆՉԱՑ ԵԿԵՂԵՑՈՒ ՎԵՐԿԱՆԳՆՄԱՆ ԱՇԽԱՏԱՆՔԵՐԻ ՏԱՐԵԿԱՆ ՖԻՆԱՆՍԱՎՈՐՈՒՄԸ ԿԱՎԵԼԱՆԱ
Արխիվ 12-16ԹԱՐԳՄԱՆՉԱՑ ԵԿԵՂԵՑՈՒ ՎԵՐԿԱՆԳՆՄԱՆ ԱՇԽԱՏԱՆՔԵՐԻ ՏԱՐԵԿԱՆ ՖԻՆԱՆՍԱՎՈՐՈՒՄԸ ԿԱՎԵԼԱՆԱ
2012 թվականին սկսվել է ՀՀ Արմավիրի մարզի Այգեշատ համայնքում գտնվող Թարգմանչաց եկեղեցու վերականգնման աշխատանքերը: 7-րդ դարում կառուցված եկեղեցին ամբողջովին ավերված է, պահպանվել է միայն արեւելյան աբսիդը, հյուսիս արեւելյան սենյակը եւ հարավ արեւելյան սենյակի մի մասը: Վերկանգնման աշխատանքների հետ զուգահեռ, եկեղեցու տարածքում համարակալվել են բոլոր հուշարձանապատկան բեկորները: Այս տարի նախատեսված է քանդել եւ վերաշարել մեծ զանգվածի վնասված եւ սրբատաշ երեսապատերը, փոշեզրկել եւ համարակալել հուշարձանապատկան բեկորները: Եկեղեցու վերականգնամն աշխատանքի հեղինակներն են Աշոտ Մանասյանը եւ Սուրեն Սարոյանը, շինարար`Ալբերտ Անանյանը:
ՀՀ Արմավիրի մարզ կատարած աշխատանքային այցելության ընթացքում ՀՀ մշակույթի նախարար ՀԱՍՄԻԿ ՊՈՂՈՍՅԱՆԸ ծանոթանալով Թարգմանչաց եկեղեցու վերականգողական աշխատանքերի ընթացին հայտնեց իր գոհունակությունը`վերկանգնողական աշխատանքերի նախագծի համար.
«Ճարտարապետի ներկայացրած վերկանգնողական աշխատանքերի նախագիծն իմ կարծիքով բավականին գրագետ է եւ հիմնավորված: Առաջին հերթին բավարարված եմ նախագծով: Այստեղ խնդիրն այն է, որ 2012 թվականին Գրատպության 500-ամյակի առիթով մեկնարկած վերկանգնողական աշխատանքերը մենք պետք է կարողանանք հնարավորինս շուտ ավարտել: Ինչը ենթադրւմ է, որ պետք է փորձենք ավելացնել ծրագրի տարեկան ֆինանսավորումը`վերջնական արդյունքը տեսնելու համար: Կարծում եմ, այս խնդիրը կփորձենք շատ արագ լուծել: Ընդհանուր առամամբ աշխատքների ընթացքով ես բավարարված եմ, որովհետեւ տեսանք, որ մասնագետները շատ լուրջ մոտեցումներ են ցուցաբերել հուշարձանի վերականգնման համար »,-նշեց Հասմիկ Պողոսյանը:
Եկեղեցին վերականգնող շինարար Ալբերտ Անանյանի խոսքով`վերկանգնողական աշխատանքների ընթացքում փորձում են հին քարերի գույներին հավատարիմ մնալ, այդ պատճառով էլ աշխատանքերի համար օգտագործում են հին քարերի 65-70 տոկոսը.«Սա յուրահատուկ նախագիծ է, որտեղ ամեն ինչ արվել է մանրակրկտորեն: Միակ խնդիրը քարերի մեծ բեկորներն են, որոնք 34 տոննա են, դրանք տեղափոխելու համար մեզ անհրաժեշտ է 60 տոնանոց կռունկ»,-շեշտեց Ա. Անանյանը:
ԶՎԱՐԹ ԽԱՉԱՏՐՅԱՆ
