«ՀՈՎԻՎ ՏՂԱ ԷՐ»,-ԳՅՈՒՂԱՊԵՏԸ ԴԱՇՏԱՄԻՋՈՒՄ ՀԱՅՏՆԱԲԵՐՎԱԾ ՏՂԱՄԱՐԴՈՒ ՄԱՍԻՆ
Արխիվ 12-16«ՀՈՎԻՎ ՏՂԱ ԷՐ»,-ԳՅՈՒՂԱՊԵՏԸ ԴԱՇՏԱՄԻՋՈՒՄ
ՀԱՅՏՆԱԲԵՐՎԱԾ ՏՂԱՄԱՐԴՈՒ ՄԱՍԻՆ
ՀՀ քննչական կոմիտեի Արմավիրի մարզային քննչական վարչությունում հարուցվել է քրեական գործ՝ Մրգաշատ գյուղի բնակիչ Էդվարդ Մելիքյանի սպանության դեպքի առթիվ։ Այս մասին տեղեկացանք ՀՀ քնչական կոմիտեի լրատվական ծառայությունից: Հիշեցնենք, որ ապրիլի 29-ին՝ Մրգաշատի 53-ամյա բնակչից ահազանգ է ստացվել, որ Մրգաշատ գյուղից Հայկավան գյուղ տանող ճանապարհի հարակից դաշտամիջում հայտնաբերել է համագյուղացի Էդիկ Մելիքյանի դիակը: Թե ով էր 55-ամյա Էդիկ Մելիքյանը եւ ինչը կարող էր դեպքի պատճառը դառնալ, iravunk.com-ը փորձեց տեղեկանալ Մրգաշատի գյուղապետ պարոն Գալստյանից, ով մեզ հետ զրույցում մասնավորապես ասաց.
- Հովիվ տղա էր, իր ա համար խելոք անասուններին ու ոչխարներին տանում էր դաշտ հետ էր գալիս: Էդ օրն էլ առավոտ սովորականի պես գնացել էր անասուներին դաշտ տանելու ու իրիկունը չէր վերադարձել, հեռախոսն էլ անհասանելի էր: Տանեցիները խաբար էին արել ու առավոտվա կողմ էլ դիակը գտան գյուղ տանող ճանապարհին, չգիտեմ թշնամի էլ դժվար ունենար:
ԻԼՈՆԱ ԱԶԱՐՅԱՆ
