ԱՇԽԱՐՀԻ ԱՌԱՋՆՈՒԹՅԱՆ ԲՐՈՆԶԸ ԲԱՎԱՐԱՐ ԱՐԴՅՈՒՆՔ ՉԷ
Արխիվ 12-16ԱՇԽԱՐՀԻ ԱՌԱՋՆՈՒԹՅԱՆ ԲՐՈՆԶԸ ԲԱՎԱՐԱՐ ԱՐԴՅՈՒՆՔ ՉԷ
Ծաղկաձորում ավարտված շախմատի աշխարհի թիմային առաջնության չեմպիոնի կոչումը նվաճեց Չինաստանի հավաքականը: Ապրիլի 28-ին անցկացվող վերջինª 9-րդ տուրի շրջանակներում երկրորդ տեղում գտնվող ուկրաինացիները արագ ոչ-ոքի խաղացին Հունգարիայի ընտրանու դեմª 12 միավորով պահպանելով նույն դիրքը եւ Չինաստանի ընտրանուն մատուցելով հաղթողի տիտղոսը: Ինչ վերաբերում է առաջնությունը խիստ անհաջող սկսած Հայաստանի հավաքականին, ապա ընթացքում կարողացան կայունացնել խաղը: 7-րդ տուրում հայ շախմատիստները 2.5:1.5 հաշվով հաղթեցին Ռուսաստանի թիմինª վեջինիս վերջնականապես զրկելով չեմպիոնի տիտղոսը պաշտպանելու հնարավորությունից. մեր թիմին կարեւոր եւ հաղթական միավորը բերեց Գաբրիել Սարգսյանը, ով սպիտակներով 61-րդ քայլում հաղթեց Սերգեյ Կարյակինին: 8-րդ տուրում Հայաստանի հավաքականը նույն հաշվով հաղթեց Հնդկաստանի թիմինª այս անգամ արդեն Գուջարատի Վիդիտի նկատմամբ Հրանտ Մելքումյանի հաղթանակի հաշվին: Եվ ահա առաջնության վերջին տուրում Հայաստանի ընտրանու մրցակիցը 8 տուրերում 7 պարտություն կրած եգիպտացիներն էին, որոնց չհաղթելն առնվազն տարօրինակ կլիներ: Այսպիսովª թեեւ սկզբնական ձախողված ելույթներին, մեր հավաքականը ի վերջո տեղ գտավ երրորդ հորիզոնականում: Բայց ասել, թե անգամ աշխարհի առաջնության բրոնզե մեդալը մեզ համար հաջողություն էր, սխալ կլիներ: Համենայնդեպսª ունենալով այսպիսի թիմ, որը մշտապես տարբեր մրցաշարերում հավակնում է հաղթողի կոչման, երրորդ հորիզոնականը չի կարելի համարել լավ արդյունք: Առավել անհաջող կարելի է համարել շախմատի կանանց հավաքականի ելույթները Չինաստանի Չենդու քաղաքում անցկացված աշխարհի թիմային առաջնությունում: Վերջինª 9-րդ տուրում Հայաստանի ընտրանին պարտություն կրեց Հնդկաստանի թիմիցª թիմային 7 միավորով զբաղեցնելով 7-րդ տեղըª զիջելով չեմպիոնի տիտղոսը նվաճած Վրաստանի ընտրանուն 10 միավորով: Երկրորդ տեղը 15 միավորով գրավեց Ռուսաստանի ընտրանին, իսկ լավագույն եռյակը 11 միավորով եզրափակեց Չինաստանի հավաքականը:
ՔՐԻՍՏԻՆԵ ՊԵՏՐՈՍՅԱՆ
Հավանեցի՞ր հոդվածը, կիսվիր ընկերներիդ հետ
