ՄԻԽԱՅԻԼ ՍԱԱԿԱՇՎԻԼԻ. ՛՛ՄԵՆՔ ՄՈՏԵՑԵԼ ԵՆՔ ԱՅՆ ԺԱՄԱՆԱԿԸ, ԵՐԲ ՎՐԱՍՏԱՆՈՒՄ ԼԻՆԻ ԱԴՐԲԵՋԱՆԱԿԱՆ ՆԱԽԱԳԱՀ՛՛
Արխիվ 12-16ՄԻԽԱՅԻԼ ՍԱԱԿԱՇՎԻԼԻ. ՛՛ՄԵՆՔ ՄՈՏԵՑԵԼ ԵՆՔ ԱՅՆ ԺԱՄԱՆԱԿԸ,
ԵՐԲ ՎՐԱՍՏԱՆՈՒՄ ԼԻՆԻ ԱԴՐԲԵՋԱՆԱԿԱՆ ՆԱԽԱԳԱՀ՛՛
Ադրբեջանական լրատվամիջոցներին, Vesti.Az, տված հարցազրույցում Վրաստանի նախկին նախագահ Միխայիլ Սաակաշվիլին պատասխանելով այն հարցին, թե արդյոք դուք Ձեզ Բաքվում անվտանգության մեջ եք գտնվում, չէ որ Ձեզ փնտրում է ինտերպոլը, պատասխանել է.
- Ես իմ հայրենիքում եմ, շատ եմ սիրում Ադրբեջանը, խոնարվում եմ Ձեր ժողովրդի առաջ...
Այնուհետեւ ադրբեջանական լրագրողը Սաակաշվիլուն ասում է, որ Վրաստանում Ադրբեջանցիների վիճակը լավ չէ, դրան ի պատասխան վրացի քաղաքական գործիչն ասում է.
- Այո համաձայն եմ: Վրաստանում ադրբեջանցիների խնդիրները պետք է լուծի ուժեղ պետությունը, որը պետք է ապահովի, որ ադրբեջանցիները իրենց չզգան երկրորդ սորտի քաղաքացիների դերում: Ես կարծում եմ, որ մենք մոտեցրել ենք այն ժամանակը, երբ Վրաստանում կլինիեն ադրբեջանական նախարարներ, գուցե եւ ադրբեջնական պետության ղեկավար կամ վարչապետ:
Փողկապների հայտնի կրծողը հերթական անգամ հանդես եկավ նաեւ հակահայկական ռեպերտուարով, մասնավորապես խոսեց <Ջավախքում անջատողականության վտանգի մասին>:
- Այնտեղ կան մի քանի անջատողական խմբեր, որոնք ցավոք սրտի դուրս են եկել բանտից, որտեղ նրանք դեռ պետք է երկար գտնվեին: Նրանք ակտիվ զինվում են, մատակարարվում են: Նրանք այսօր Վրաստանի կայունության համար վտանգ են ստեղծում եւ վաղը եւս ստեղծելու են, նրանցով ոչ ոք չի զբաղվում:
ԱՐՄԵՆՈՒՀԻ ՀԱԿՈԲՅԱՆ
