Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՄՈՎՍԻՍՅԱՆԻՆ ԱՐԳԵԼԵԼ ԵՆ... ԽՈՍԵԼ

Արխիվ 12-16

ՄՈՎՍԻՍՅԱՆԻՆ ԱՐԳԵԼԵԼ ԵՆ... ԽՈՍԵԼ


Ֆուտբոլի Հայաստանի ազգային հավաքականի եւ Մոսկվայի "Սպարտակի" հարձակվող Յուրա Մովսիսյանը ՈՒԵՖԱ-ի կայքի հետ հարցազրույցում նշել է, որ մոսկովյան թիմն այս պահին չունի այնպիսի կազմ, որը կհավակնի չեմպիոնության:
"Սպարտակը" հարուստ պատմությունով եւ անունով թիմ է, որը միշտ պայքարում է չեմպիոնի կոչման համար, եւ հենց այդպես էլ պետք է լիներ: Բայց չեմպիոն դառնալու խնդիրը լուծելու համար անհրաժեշտ է ունենալ համապատասխան թիմ, ամեն դիրքում առնվազն երկու բարձրակարգ ֆուտբոլիստ պետք է լինի: Մրցաշրջանը երկար է, եւ ամեն ինչ կարող է պատահել, օրինակ` վնասվածք, իսկ փոխարինումը պետք է լինի համարժեք: Կարծում եմª հիմա մենք չենք կարողանա պայքարել ոսկե մեդալների համար, բայց հույս ունեմ, որ մոտ ապագայում կանենք դա",- նշել է Մովսիսյանը:
Ինչպես երեւում է` հայ ֆուտբոլիստին անհանգստացնող խնդիրներն այսքանով չեն ավարտվում, Մովսիսյանը անդրադարձել է նաեւ "Սպարտակի" նախկին գլխավոր մարզչինª Վալերի Կարպինին, նշելով, որ վերջինիս գլխավորությամբ մոսկովյան ակումբն ավելի վառ ֆուտբոլ էր ցուցադրում. "Կարպինի ժամանակ մեր խաղն ավելի դիտարժան էր: Այն ժամանակ խաղում էինք ավելի կոմբինացիոն, գեղեցիկ ֆուտբոլ: Կարպինը սպարտակցի է, եւ թիմը ցուցադրում էր սպարտակյան ֆուտբոլ: Յակինը փոխեց խաղաոճը. մարզիչը եվրոպացի է, ոճն էլ եվրոպական է, յուրաքանչյուր մասնագետ ունի իր ձեռագիրը: Կարպինի ժամանակ այլ խաղ էր: Նոր ստադիոնում արդեն զգացվում է սպարտակյան ոգին: Սա մեր տունն է, մեր խաղադաշտն է, այստեղ շատ են լինում մեր երկրպագուները, որոնք հանդիպումների ժամանակ անդադար աջակցում են",- Յուրա Մովսիսյանի խոսքն է փոխանցում ՈՒԵՖԱ-ի կայքը:
Բայց ինչպես երեւում էª "Սպարտակի" ղեկավարությանն ամենեւին էլ դուր չի եկել հայ ֆուտբոլիստի այդչափ անկեղծությունը, ինչի արդյունքում Մովսիսյանին արգելվել է շփվել լրատվամիջոցների հետ: Այս մասին պարզ դարձավ, երբ Ռուսաստանի առաջնության 25-րդ տուրիª Կազանի "Ռուբինի" նկատմամբ տոնած հաղթանակից հետո Մովսիսյանը հրաժարվեց զրուցել լրագրողների հետ. "Ես չեմ կարող խոսել: Հարցրեք "Սպարտակին", թե ինչու չեմ կարող պատասխանել հարցերի",- Յուրա Մովսիսյանի խոսքն է փոխանցում "Սպորտ Էքսպրեսը":
Փաստորեն այս տեսակ սահմանափակումները միայն հայկական ֆուտբոլում չէ, որ գործում են: Ենթադրելի է, որ մոսկովյան ակումբի գլխավոր մարզիչ Մուրատ Յակինը կարող է ավելի հաճախ Մովսիսյանին ցույց տալ պահեստայինների նստարանը, եթե հատկապես հաշվի առնենք, որ վերջին շրջանում Մովսիսյանի պայքարը առաջին հերթին հենց մեկնարկում տեղ գտնելու համար էր: Դժվար է պատկերացնել, որ Մովսիսյանին այդ տարբերակը կարող է բավարարել, իսկ նրա նոր պայմանագիրը թիմից հեռանալու հեռանկարները անհավանական է դարձնում:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ