«ԺԱՌԱՆԳՈՒԹՅԱՆ» ՊԱՏԳԱՄԱՎՈՐ. «ՀԱՅԱՍՏԱՆԸ ԳԵՐԵԶՄԱՆՈՑԻ ՉԻ ՎԵՐԱԾՎԻ»
Արխիվ 12-16«ԺԱՌԱՆԳՈՒԹՅԱՆ» ՊԱՏԳԱՄԱՎՈՐ. «ՀԱՅԱՍՏԱՆԸ
ԳԵՐԵԶՄԱՆՈՑԻ ՉԻ ՎԵՐԱԾՎԻ»
Այսօր խորհրդարանը քննարկեց գերեզմանատների ու դիահերձարանների մասին օրենում փոփոխություններ եւ լրացումներ անելու նախագիծը երկրորդ ընթերցմամբ ընդունելու մասին: Խնդրի մասին «Իրավունքը» զրուցեց «Ժառանգության» խմբակցության քարտուղար Թեւան Պողոսյանի հետ` պարզելու օրենքի այս նախագծով կոռուպցիոն ռիսկերը նվազեցվո՞ւմ են, թե՞ ոչ, քանզի հաճախ ենք լսում` ինչպես են մեր քաղաքացիները որեւէ համայնքում գերեզմանատարածք ստանալու համար գումարներ վճարում ինչ-որ անհատների:
Պատգամավորի խոսքով` օրենքի լրամշակված տարբերակում քաղաքացիներն ազատվում են ինչ-որ մարդկանց գումարներ վճարելուց, բացի այդ` հնարավորություն կլինի մաքուր պահել գերեզմանատարածքները, բարեկարգել դրանք: «Օրենքի լրամշակված տարբերակով Հայաստանը չի վերածվի գերեզմանոցի, գերեզմանատարածքներն էլ չեն ընդլայնվի»,- մանրամասնեց պատգամավորը:
Օրենսդիր մարմնի ներկայացուցիչն առաջարկում է գերեզմանատարածք վերցնող քաղաքացու հետ պայմանագիր կնքել ոչ թե 15 տարով, ինչպես գրված է օրենքի այս տարբերայում, այլ 100-տարով, քանի որ հնարավոր են դեպքեր, երբ քաղաքացին հայրենիք է վերադառնում, օրինակ, 20 տարուց հետո: «Առայժմ առաջարկս չի ընդունվել: Տեսնենք, պայքար է գնալու»,- ասաց պրն Պողոսյանը:
ՍՈՆԱ ԴԱՎԹՅԱՆ
