ԸՆԴԴԻՄՈՒԹՅԱՆԸ ՍՏՈՒԳԵԼՈՒ ԸՆԴԴԻՄԱԴԻՐ ԼԵՎՈՆ ԶՈՒՐԱԲՅԱՆԻ ՓՈՐՁԸ ՁԱԽՈՂՎԵՑ
Արխիվ 12-16ԸՆԴԴԻՄՈՒԹՅԱՆԸ ՍՏՈՒԳԵԼՈՒ ԸՆԴԴԻՄԱԴԻՐ ԼԵՎՈՆ ԶՈՒՐԱԲՅԱՆԻ ՓՈՐՁԸ ՁԱԽՈՂՎԵՑ
«Իրավունքն» արդեն ներկայացրել է ընդդիմադիր ՕԵԿ-ի, ԲՀԿ-ի արձագանքը ՀԱԿ խմբակցության ղեկավար Լեւոն Զուրաբյանի` ընդդիմությանը ստուգելու նոր «թեստի» մասին: Տեղեկացնենք, որ վերոնշյալ քաղաքական ուժերը համաձայն չեն ՀԱԿ խմբակցության ղեկավարի այս նորամուծության հետ:
Հիշեցնենք` ՀԱԿ խմբակցության ղեկավար Լեւոն Զուրաբյանն ընդդիմությանը ստուգելու նոր եղանակ է առաջ քաշել, ըստ որի` սահմանադրական բարեփոխումների տապալումը վերածել Սերժ Սարգսյանին անվստահություն հայտնելու հանրաքվեի եւ դրանով տարանջատել ընդդիմադիր քաղաքական ուժերին` հասկանալու, թե ով է վտանգ ներկայացում Սերժ Սարգսյանի համար:
ՀՅԴ խմբակցության պատգամավոր Արծվիկ Մինասյանը եւս «Իրավունքի» հետ զրույցում չհամաձայնեց Լեւոն Զուրաբյանի այդ տեսակետին: «Դա Լեւոն Զուրաբյանի կարծիքն է: Եթե նրանք դեմ են պառլամենտական հանրապետությանը, դա չի նշանակում` իրենք ճիշտ են»,- հակիրճ պատասխանեց դաշնակցական պատգամավորը:
Փաստորեն, կարելի է ասել, որ ընդդիմությանը ստուգելու ընդդիմադիրի փորձը ձախողվեց:
ՍՈՆԱ ԴԱՎԹՅԱՆ
