Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԵԹԵ ՀԱՆՐԱՔՎԵՈՎ «ԱՅՈ» ՉԱՍԵՆ ՀԱՄԱՅՆՔՆԵՐԻ ԽՈՇՈՐԱՑՄԱՆԸ, ԿԱՐՈՂ ԵՆ ՀԱՇՎԻ ՉԱՌՆԵԼ ՀԱՆՐԱՔՎԵԻ ԱՐԴՅՈՒՆՔՆԵՐԸ»

Արխիվ 12-16

«ԵԹԵ  ՀԱՆՐԱՔՎԵՈՎ «ԱՅՈ» ՉԱՍԵՆ ՀԱՄԱՅՆՔՆԵՐԻ ԽՈՇՈՐԱՑՄԱՆԸ, ԿԱՐՈՂ ԵՆ ՀԱՇՎԻ ՉԱՌՆԵԼ ՀԱՆՐԱՔՎԵԻ ԱՐԴՅՈՒՆՔՆԵՐԸ»

 

Մայիսի 17-ին  մի քանի համայնքներում տեղի է ունենալու համայնքների խոշորացման  վերաբերյալ տեղական հանրաքվեներ:  «Իրավունքը» ՀՀԿ պատգամավոր,  տարածքային  կառավարման եւ  տեղական ինքնակառավարման հարցերի մշտական հանձնաժողովի  նախագահի տեղակալ Արայիկ Հովհաննիսյանից պարզեց` արդյոք գյուղացիները պարզեց` ինչ  են, ի վերջո, շահելու գյուղացիները  համայքների խոշորացումից, քանի որ  ոչ բոլոր համայնքների բնակիչներին  է պարզ այս ծրագրի էությունը: «Բավական մեծ աշխատանք կատարվել է, բայց դեռ աշխատանք կա արվելու»,- ասաց հանձնաժողովի նախագահի տեղակալը:

Համայնքների խոշորացման ծրագրի էությունը  համայնքների բնակիչներին բացատրելու համար պետք  է իրազեկման աշխատանքներ տանել:  Այդ նպատակով հանձնաժողովի անդամները հանդիպումներ են ունենալու համայնքների ներկայացուցիչների հետ: «Իմ  կարծիքով համայնքների խոշորացումը չի կարող ինքնանպատակ լինել:   Համայնքների խոշորացումը պետք է  բերի  ՏԻՄ համակարգի արդյունավետ  գործունեության»,- կարծում է Արայիկ Հովհաննիսյանը:

Ինչ է շահելու գյուղացին համայնքների խոշորացումից` հարցի պատասխանը, ըստ մեր զրուցակցի, բավական տարողունակ է. «Որպեսզի գյուղացին հասկանա`ինչ  է լինելու վաղը, պետք է բավական մանրամասն   իրազեկման աշխատանքներ տանել, որպեսզի բնակիչը հասկանա `ինչպիսին է լինելու իր վաղվա օրը»:

Անդրադառնալով այն լուրերին, թե համայնքների խոշորացման ծրագիրը արվում է արտագաղթի ցավալի պատկերը ստվերելու նպատակով,  պրն Հովհաննիսյանը չհամաձայնեց մեր հարցադրմանը. «Հանրաքվեն  երեք տարբեր փնջերում է լինելու  եւ փորձնական բնույթ է կրելու: Հանրաքվեի արդյունքները որոշիչ են լինելու: Բայց եթե անգամ հանրաքվեով  բավարար քանակությամբ  «այո» չլինի   համայնքների խոշորացման համար, մեր սահմանադրության ու օրենսդրության համաձայն`կարող են հաշվի չառնել  հանրաքվեի արդյունքները»:

Գյուղացիները,  Արայիկ Հովհաննիսյանի խոսքով, համախմբվելով մեկ համայնքի  մեջ,  լայն հնարավորություն կունենան  օգտագործելու իրենց ռեսուրսները:

Ինչ վերաբերում է ԲՀԿ պատգամավոր Լյովա Խաչատրյանի այն պնդմանը, թե  համայնքների խոշորացման ծրագիրն իրականացվում է հավանաբար ինչ-որ դրամաշնորհի դիմաց,  դրամաշնորհ յուրացնելու խնդիր չկա:

Ի դեպ, համայնքների խոշորացման ծրագիրը Հայաստանում իրականացնելու համար  հաշվի է առնվել միջազգային երկրների փորձը, որը ցույց  է տալիս` համայնքների խոշորացման ծրագիրը բավական երկարատեւ ու բարդ գործընթաց է:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ