Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՍԱՀՄԱՆԱՄԵՐՁ Ն.ԿԱՐՄԻՐԱՂԲՅՈՒՐՈՒՄ ԲԱՑՎԵՑ ՀՈՒՇԱՐՁԱՆ`Ի ՀԻՇԱՏԱԿ ՑԵՂԱՍՊԱՆՈՒԹՅԱՆ ԱՆՄԵՂ ԶՈՀԵՐԻ

Արխիվ 12-16

ՍԱՀՄԱՆԱՄԵՐՁ Ն.ԿԱՐՄԻՐԱՂԲՅՈՒՐՈՒՄ ԲԱՑՎԵՑ ՀՈՒՇԱՐՁԱՆ`Ի ՀԻՇԱՏԱԿ ՑԵՂԱՍՊԱՆՈՒԹՅԱՆ ԱՆՄԵՂ ԶՈՀԵՐԻ


Ապրիլի 24-ին Տավուշի մարզի Ներքին Կարմիրաղբյուր գյուղում  յուրօրինակ ձեւով էին նախապատրաստվել Հայոց ցեղասպանության 100-րդ տարելիցին: Ի հիշատակ Ցեղասպանության անմեղ զոհերի` Ներքին Կարմիրաղբյուրի Շեն կոչվող տարածքում բացվեց հուշարձան: Կողք կողքի վեր խոյացող երեք խաչքարերը խորհրդանշում են հայերի վերածնունդը, Ներքին Կարմիրաղբյուրի բնակչների եւ ողջ հայության միասնականությունը: 11-րդ դարում Շենում եղել է խաչքար, որն այսօր գոյություն չունի, ուստի նոր խաչքարը քանդակել էին հին խաչքարի նմանությամբ. «Ամբողջ գյուղի ուղղությամբ ժամանակ առ ժամանակ թշնամին կրակ է արձակում: Խաչքարերի տեղադրման համար չենք ընտրել հատուկ վայր, այստեղին թշնամու դիրքերն ավելի մոտ են, քան գյուղին: Ի հեճուկս թշնամու`խաչքարերը տեղադրվել են հենց նրա դիրքերի դիմաց»,-«Իրավունքի» հետ զրույցում նշեց Ներքին Կարմիրաղբյուրի գյուղապետ ՄԱՆՎԵԼ ԿԱՄԵՆԴԱՏՅԱՆԸ: Ըստ նրա`Ներքին Կարմիրաղբյուրի բնակչները չեն խոսում, այլ միայն գործում են եւ իրենց գործով ցույց տալիս, թե ինչ է հայրենիքը եւ ինչպես են այն պահում ու պահպանում. «Մենք ունեցել ենք նենգ թշնամի եւ միշտ էլ ունենալու ենք: Այդ պատճառով պետք է մեր հզոր բանակի կողքին լինենք, միասնական , որպեսզի մեր անկոտրում կամքը ոչ ոք չկոտրի: Կյանքը սկսվում է հենց սահմանից»,-ավելացրեց Մ. Կամենդատյանը:

Հուշաքարի բացումից հետո` արդեն երեկոյան, Շենի բարցունքը կրկին մարդաշատ էր, գյուղի բնակիչներն այստեղ էին հավաքվել մասնակցելու երեկոյան մոմավառության, իսկ դպրոցի աշակերտները ողջ սահմանի երկայնքով բաց թողեցին 100 օդապարիկ`նվիրված Ցեղասպանության 100-րդ տարելիցին. «Այստեղ այսօր հավաքվել է  մեր գյուղի մատաղ սերունդը, որը ամենօրյա խաղաղության ու պատերազմի ականատեսն է: Ընդհամենը մի քանի կիլոմետր հեռավորության վրա գտնվող թշնամին թող տեսնի, թե այստեղ ինչքան երախաներ են հավաքված, որոնցից յուրաքանչյուրը սահմանապահ զինվոր է: Սահմանին ապրող երեխաները ծնվում են արդեն հայենասիրական ոգով, հերոսությունը ժառանգում են իրենց ծնողներից, մենք չունենք թույլ երեխաներ, նրանք բոլորը հերոսներ են»,- փաստեց «Իրավունքի» զրուցակիցը` Ն. Կարմիրաղբյուրի Լեւոն Ադամյանի անվան դպրոցի փոխտնօրեն ՆԱՌԱ ՊԱՊՅԱՆԸ: Նրա խոսքով` գյուղում բացի սգալուց նաեւ ուրախանում են եւ ժպտում`բոլորին ցույց տալու համար, որ հայ ազգը վերածնվել է:

Ն. Կարմիրաղբյուրի բնակիչները խաչքարի բացումից հետո այցելեցին նաեւ Արցախյան ազատամարտի զոհերին նվիրված պուրակ եւ ծաղիկներ դրեցին անմահ հերոսների հիշատակին նվիրված հուշարքարին:


 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ԶՎԱՐԹ ԽԱՉԱՏՐՅԱՆ


Հավանեցի՞ր հոդվածը, կիսվիր ընկերներիդ հետ