Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ՍԱ ԻՍԿԱՊԵՍ ՑԵՂԱՍՊԱՆՈՒԹՅՈՒՆԸ ՎԵՐԱՊՐԱԾՆԵՐԻ ԵՐԿԻՐ Է»

Արխիվ 12-16

«ՍԱ ԻՍԿԱՊԵՍ ՑԵՂԱՍՊԱՆՈՒԹՅՈՒՆԸ

ՎԵՐԱՊՐԱԾՆԵՐԻ ԵՐԿԻՐ Է»



Օրերս «Մոսկվա» կինոթատրոնում կայացավ ռեժիսոր Արամ Շահբազյանի «Փրկության քարտեզ» խաղարկային- փաստավավերագրական լիամետրաժ ֆիլմի պրեմիերան: Ֆիլմը փաստագրություն է` կառուցված բացառապես իրական փաստերի վրա, որի հերոսները պատմությանը հայտնի հումանիստ եվրոպացի 5 կանայք են` Քարեն Եփփե (Դանիա), միսիոներուհիներ` Մարիա Յակոբսեն (Դանիա), Բոդիլ Բյորն (Նորվեգիա), Ալմա Յուհանսոն (Շվեդիա), Հեդվիգ Բյուլ (Էստոնիա):

Մարդիկ, ովքեր ականատես են եղել Հայոց ցեղասպանության արհավիրքների ու խեղված բազում մարդկային կյանքերի: Հայոց ցեղասպանության այս իրական ականատեսները մազապուրծ եղած հայ երեխաների ու կանանց  ապաստարանների հիմնադիրներն են: Օտար կանանց դրամատիկ հանդիպումն անծանոթ ու խոշտանգված մի ժողովրդի հետ նրանց համար դարձավ ճակատագրական, առավել եւս նորվեգուհի Բոդիլ Բյորնի համար, քանի որ նա հայրենիք վերադարձավ 2-ամյա Ռաֆայել Սաֆարյանի հետ, ով դարձավ նրա միակ ժառանգը: Հայոց ցեղասպանության 100-րդ տարելիցին ընդառաջ, ողջ հայ ժողովրդի անունից որպես երախտագիտության տուրք, ֆիլմը նվիրվում է մեծ հումանիստների հիշատակին:



«...ԱՅԴՊԵՍ ՍԿՍԵՑԻ ՈՒՍՈՒՄՆԱՍԻՐԵԼ ՀԱՅՈՑ ՑԵՂԱՍՊԱՆՈՒԹՅՈՒՆԸ»



Ֆիլմը վարում է ֆինն պատմաբան, ցեղասպանագետ Սվանտե Լունդգրենը, ով ֆիլմի հերոսուհիների ճանապարհը գծում է մի նոր քարտեզով` «Փրկության քարտեզ»-ով: «Իրավունքի» բացառիկ զրույցում ՍՎԱՆՏԵ ԼՈՒՆԴԳՐԵՆԸ պատմեց, թե ինչպես սկսեց ուսումնասիրել Հայոց ցեղասպանությունն ու հայ ժողովրդի հետ Եղեռնը վերապրած 5 միսիոներուհիների ճակատագիրը:
- Իմ նախնական ուսումնասիրության թեման հրեագիտությունն էր, ես երկու գիրք եմ գրել Հոլոքոստի ողջակեզի մասին: Դրանից հետո իմ հետաքրքրությունները ընդլայնվեցին Մերձավոր Արեւելքի քրիստոնյա ժողովուրդների նկատմամբ, հատկապես` ասորիների եւ հայերի: Հոլոքոստի մասին 2 գիրք գրելուց հետո արդեն ինչ-որ բան գիտեի ցեղասպանության մասին: Այդ պատճառով որոշեցի գրել հայ եւ ասորական ցեղասպանությունների մասին, կարող ենք ասել օսմանյան ցեղասպանություն` ընդդեմ քրիստոնյաների: Այդպես սկսեցի ուսումնասիրել Հայոց ցեղասպանությունը:


«ԱՇԽԱՏԵՑԻՆ ՀԱՅԵՐԻ ՀԵՏ` ԻՐԵՆՑ ՄԱՇԿԻ ՎՐԱ ԶԳԱԼՈՎ
ՑԵՂԱՍՊԱՆՈՒԹՅԱՆ ՓՈՐՁԱՌՈՒԹՅՈՒՆԸ»


-Հինգ միսիոներուհիների ճակատագիրն ուսումնասիրելով ու նրանց միջոցով Հայոց ցեղասպանությունը ֆիլմի տեսքով ներկայացնելն ի՞նչ ազդեցություն են թողել Ձեզ վրա:
- Կարծում եմ` նրանք հերոսուհիներ են, բացառիկ անհատականություններ: Ամբողջ կյանքը նվիրեցին այդ գործին ու տասնամյակներ աշխատեցին հայերի հետ` իրենց մաշկի վրա զգալով Ցեղասպանության փորձառությունը: Չէ՞ որ կարող էին վերադառնալ եւ ապրել այն բարգավաճ երկրներում, որտեղից իրենք եկել էին, սակայն բոլորը որոշեցին վերադառնալ հայերի մեջ: Այս անգամ ոչ թե Թուրքիա, այլ Լիբանան, Սիրիա, Հունաստան եւ աշխատել հայերի հետ: Դա նշանակում է, որ իրենց գործին այդ ծայրահեղ նվիրվածությունն ունեին: Իսկապես հիացած եմ այս կանանցով, այդ միսիոներները հերոսներ էին, միգուցե անգամ` սրբուհիներ:



«ԱՌԱՋԻՆ ԱՆԳԱՄ ՉԷԻ ԾԻԾԵՌՆԱԿԱԲԵՐԴՈՒՄ»


-Ֆիլմի կադրերից պարզ դարձավ, որ այցելել եք նաեւ Ծիծեռնակաբերդ:
- Ես 7 տարի առաջ էլ ապրիլի 24-ին այստեղ էի, այնպես որ առաջին անգամը չէի լինում Ծիծեռնակաբերդում: Այդ օրը ինձ համար հուզիչ փորձառություն էր` տեսնել այդքան մարդկանց զանգվածներ, որոնք ուշ երեկոյան գնում էին դեպի հուշահամալիր: Սա իսկապես Ցեղասպանություն վերապրածների երկիր է, անգամ եթե դա 2-րդ, 3-րդ, 4-րդ կամ էլ 5-րդ սերունդն է:

ԼԻԼԻԹ ԵՂԻԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ