Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՍԵԶՈՆԱՅԻՆ ԱԼԵՐԳԻԱՆԵՐԸ ՆՊԱՍՏՈՒՄ ԵՆ ԱՇԽԱՏՈՒՆԱԿՈՒԹՅԱՆ ԱՆԿՄԱՆՆ ՈՒ ԳՑՈՒՄ ԵՆ ԿՅԱՆՔԻ ՈՐԱԿԸ

Արխիվ 12-16

ՍԵԶՈՆԱՅԻՆ ԱԼԵՐԳԻԱՆԵՐԸ ՆՊԱՍՏՈՒՄ ԵՆ ԱՇԽԱՏՈՒՆԱԿՈՒԹՅԱՆ
ԱՆԿՄԱՆՆ ՈՒ ԳՑՈՒՄ ԵՆ ԿՅԱՆՔԻ ՈՐԱԿԸ


- Որդիս ունի սեզոնային ալերգիա: Իր մոտ այն արտահայտվում է քթահոսությամբ եւ փռշտոցներով: Այդ շրջանում նա նաեւ դյուրագրգիռ է, լարված: Ինչո՞վ է դա պայմանավորված:

 

Հարցին պատասխանել է Մ. Հերացու անվան ԵՊԲՀ-ի կլինիկական ալերգոլոգիայի ամբիոնի ավագ դասախոս, բ.գ.թ. ԱՐՍԵՆ ԳԱԲՐԻԵԼՅԱՆԸ.

- Սեզոնային ալերգիաները բավականին տարածված են ամբողջ աշխարհում, որոնք նպաստում են աշխատունակության անկմանն ու գցում են կյանքի որակը, ինչը բերում է սթրեսների, նյարդային վիճակների, իսկ երեխաների մոտ նաեւ ուշադրության եւ ուսման մեջ առաջադիմության անկմանը:


Սեզոնային ալերգիաները ներառում են ալերգիկ ռինիտը, ալերգիկ շաղկապենաբորբը, բրոնխային ասթման:  
Ծաղկափոշիների նկատմամբ ալերգիան հաճախ ընթանում է պոլինոզի տեսքով: Լատիներեն պոլեն նշանակում է ծաղկափոշի: Պոլինոզը արտահայտվում է շնչառական ուղիների, աչքերի լորձաթաղանթների ալերգիկ բորբոքումներով: Առանձնացնում ենք հիվանդության սրացման երեք շրջան.
- գարնանային սրացում, որը պայմանավորված է ծառերի ծաղկման հետ (կեչի, լաստենի, պնդուկենի, բարդի, հաճարենի, կաղնի, սոսի)
- գարուն-ամառային սրացում, որը պայմանավորված է մոլախոտերի եւ հացազգիների վեգետացիայի հետ (ոզնախոտ, մարգագետնային կնյուն, ոլոռնախոտ, մարգագետնային դաշտավլուկ, մարգագետնային շուղախոտ),
- ամառ-աշնանային սրացում, որը պայմանավորված է խոտերի եւ հացազգիների վեգետացիայի հետ (եղինջ, օշինդր, խատուտիկ, եզնալեզու, գարի, վարսակ, աշորա, ցորեն):
Պոլինոզը կլինիկորեն արտահայտվում է փռշտոցով` հատկապես առավոտյան ժամերին, քթահոսությունով, աչքերի կարմրածությամբ, արցունքահոսությամբ, լորձաթաղանթներում քորի զգացողությունով: Այն կարող է բերել բրոնխիալ ասթմայի սրացմանը: Հազվադեպ լինում են նաեւ մաշկային ախտահարումներ:
Վերոնշյալ ալերգենների նկատմամբ զգայունությունը կարելի է որոշել մաշկային թեստերի միջոցով:
Նման խնդիրներ ունեցող հիվանդներին սովորաբար խորհուրդ է տրվում համապատասխան սրացման շրջանում հնարավորինս քիչ գտնվել բնության գրկում, տանը փակ պահել պատուհանները: Հնարավորության դեպքում այդ շրջանում փոխել բնակության վայրը, հատկապես օգտակար են ծովափնյա շրջանները:
Շատ կարեւոր է սեզոնային ալերգիան վերահսկել, քանի որ կարող են զարգանալ անցանկալի բարդություններ` մասնավորապես ալերգիկ ռինիտը կարող է վերածվել բրոնխիալ ասթմայի:
Գոյություն ունեն արդյունավետ միջոցներ` մասնավորապես հակահիստամինային դեղերը, տեղային կորտիկոստերոիդները, որոնց նշանակումը պետք է արվի համապատասխան հետազոտություններից հետո, բժիշկ ալերգոլոգի կողմից:

ՎԼԱԴ ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ