Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԷԼԻ ՊԱՏԱՍԽԱՆ ԿՏԱՆ "ՍԼԱՔԱՎԱՐՆԵՐԸ"

Արխիվ 12-16

ԷԼԻ ՊԱՏԱՍԽԱՆ ԿՏԱՆ "ՍԼԱՔԱՎԱՐՆԵՐԸ"

Կոտայքի մարզում տարածված բրուցելոզի վարակը թե քանի մարդու մոտ է հաստատվել, հետաքրքրվեցինք ՀՀ ԱՆ պետական հիգիենիկ հակահամաճարակային տեսչության գլխավոր մասնագետ, բժիշկ-համաճարակաբան ԼԻԱՆՆԱ ԹՈՐՈՍՅԱՆԻՑ, ով մասնավորապես նշեց.
- Կոտայքի մարզում 219 բնակչից կատարվել էր նմուշառում: Արդյունքում` բրուցելոզ է հայտնաբերվել 19-ի մոտ ¥երեկ հայտնի դարձավ, որ եւս 3 դեպք է հայտնաբերվել- Հեղ.¤: Նրանք Կոտայքի մարզի տարբեր համայնքներից են` Սոլակ, Բջնի եւ այլն: Այժմ կատարվում է բժշկական զննություն, որի արդյունքներից հետո հայտնի կդառնա, թե ում կհոսպիտալացնեն, եւ ով կստանա ամբուլատոր բուժօգնություն:
Այս պահին կոնկրետ Սոլակ համայնքի բնակիչներից վեցը հոսպիտալացված է. նրանք գտնվում են "Հրազդան" եւ Նորքի ինֆեկցիոն հիվանդանոցներում: Վիճակը բավարար է, առկա է դրական դինամիկա: Մեկ հոգի էլ ստանում է ամբուլատոր բուժօգնություն: Սակայն այսքանով չենք բավարարվում եւ հիվանդության կանխարգելման համար բնակչության մնացած մասը, ովքեր դեռ անալիզ չեն հանձնել, ընդգրկվում են հետազոտությունների մեջ:
Իսկ ահա Կապան քաղաքում տարածված բրուցելոզի վարակի հետ կապված երեկ ՀՀ քննչական կոմիտեից տեղեկացանք, որ արդեն հարուցվել է քրեական գործ` սանիտարահակահամաճարակային կանոնները խախտելու դեպքի առթիվ, որն առաջացրել է "Գյուղարտ" ՓԲ ընկերության 18 աշխատակիցների զանգվածային հիվանդացում: "Նյութերով բավարար փաստական տվյալներ են ձեռք բերվել, որ Կապանի "Գյուղարտ" ՓԲ  ընկերության առանձին աշխատակիցների կողմից խախտվել են սանիտարահակահամաճարակային կանոնները, որն առաջացրել է մարդկանց զանգվածային հիվանդացում",- հավելիցին ՔԿ լրատվական ծառայությունից:
Այսինքն ի՞նչ, ամբողջ մեղքը ընկերության այդ "առանձին աշխատակիցների" գլխի՞ն է կոտրվելու: Բայց նրանք այդ որտեղի՞ց պետք է բրուցելոզի վարակ "ճարեին", որ մի հատ էլ այն բերեին սպանդանոց ու "սանիտարահակահամաճարակային կանոնները" խախտելովª մյուսներին վարակեին: Իսկ ո՞ւ մնաց այն վարկածը, որ արդեն հիվանդ անասունն է բոլոր "ստուգումները" շրջանցելովª հասել սպանդանոց ու վարակի տարածման պատճառ դարձել: Կամª որտեղի՞ց է այդ անասունը բերվել, քանիսների՞ն է այնտեղ վարակել, այդ վարակվածներն էլ, իրենց հերթին, դեռ որտե՞ղ են հիմա վարակն իրենց հերթին տարածում...
Վերջում հիշեցնենք միայն, որ ըստ Պետռեգիստրիª Կապանի "Գյուղարտ" սպանդանոցի հիմնադիրներն են Մաքսիմ Հակոբյանի որդիները` Վահե եւ Արման Հակոբյանը:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ