ԹՈՒՐՔԱԳԵՏ. «ԱՖՐԻԿՅԱՆ ԵՐԿՐՆԵՐԻ ՄԻ ՔԱՆԻ ՆԱԽԱԳԱՀՆԵՐ ԳԱԼԻՊԻԼՈԼԻԻ ՃԱԿԱՏԱՐԱՄԱՐՏԻ 100- ԱՄՅԱԿԸ ՔՆԱԾ ԵՆ ՆՇԵ
Արխիվ 12-16ԹՈՒՐՔԱԳԵՏ. «ԱՖՐԻԿՅԱՆ ԵՐԿՐՆԵՐԻ ՄԻ ՔԱՆԻ
ՆԱԽԱԳԱՀՆԵՐ ԳԱԼԻՊԻԼՈԼԻԻ ՃԱԿԱՏԱՐԱՄԱՐՏԻ 100-
ԱՄՅԱԿԸ ՔՆԱԾ ԵՆ ՆՇԵԼ»
Ապրիլի 24-ին Թուրքիան տոնում էր Գալիպոլիի ճակատամարտի 100-ամյակը`փորձելով ստվերում թողնել Հայոց ցեղասպանության 100-ամյակը: «Իրավունքի» հետ զրույցում թուրքագետ Անդրանիկ Իսպիրյանը Գալիպոլիի ճակատամարտի 100-ամյակի տոնակատարությունը համարեց ձախողված ու զավեշտի վերածված միջոցառում. «Թուրքիան մինչ ապրիլի 24-ը հայտարարում էր, որ Գալիպոլիի ճակատամարտի տոնակատարությանը մասնակցելու է 21 երկիր, սակայն իրականում ներկա են եղել 15 երկրների ներկայացուցիչներ, որոնց մեջ կային նաեւ նախկին նախագահները: Լուրջ դեմքեր չկային այդ տոնակատարությանը` բացի Բրիտանիայի արքայազնից եւ եւս մեկ-երկու եվրոպական պետությունների ներկայացուցիչներից»:
Թուրքագետը Գալիպիոլիի միջոցառումները դիտել է ուղիղ եթերով եւ զավեշտալի կադրեր նկատել. «Բավական միապաղաղ, անհետաքրքրիր միջոցառում էր: Աֆրիկյան երկրների մի քանի նախագահներ անգամ քնած էին: Լուսանկարներն առայժմ չեմ կարողանում գտնել: Որեւէ լուրջ ներկայացում տեղի չունեցավ»:
Անդրանիկ Իսպիրյանը դժվարացավ ասել` Սլովենիայի նախագահն ու Ռումինիայի վարչապետն ներկա եղե՞լ են Գալիպոլիի ճակատամարտի 100-ամյակին նվիրված տոնակատարությանը, թե՞ ոչ: «Թուրքական մամուլում այդպես էլ հստակ ոչինչ չասվեց այդ մասին, բայց ընթացքում, կարծում եմ, հրապարակումներ կլինեն»,- եզրափակեց թուրքագետը:
ՍՈՆԱ ԴԱՎԹՅԱՆ
