Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

"ԹՈՒՐՔԻԱՆ ՄԵԿ ՍԱՆՏԻՄԵՏՐ ԱՆԳԱՄ ԶԻՋՈՒՄՆԵՐԻ ՉԻ ԳՆԱ"

Արխիվ 12-16

"ԹՈՒՐՔԻԱՆ ՄԵԿ
ՍԱՆՏԻՄԵՏՐ ԱՆԳԱՄ ԶԻՋՈՒՄՆԵՐԻ ՉԻ ԳՆԱ"


Հայոց ցեղասպանության ճանաչմանն ուղղված Հայաստանի քաղաքական եւ դիվանագիտական ջանքերը տալիս են իրենց արդյունքները: Համենայնդեպսª այս օրերին Ցեղասպանության ճանաչումը մեծ թափ է հավաքել, եւ դա առաջ է քաշում այն հարցը, թե ինչպե՞ս կզարգանա այդ գործընթացը, եւ ի՞նչ արդյունքներ կլինեն ապրիլի 24-ից հետո: Հարցի պատասխանը "Իրավունքը" փորձեց ստանալ հայաստանյան որոշ վերլուծաբաններից:
Քաղաքագետ ՍԵՐԳԵՅ ՄԻՆԱՍՅԱՆԸ նշեց.
- Ցեղասպանության ճանաչման հետագա ակնկալիքների մասին կկարողանանք խոսել, երբ ակադեմիական, հասարակական ու քաղաքական դաշտում, հատկապեսª եվրոպական երկրներում պատմական փաստը հերթական անգամ  ճանաչվի:

Եթե Հայոց ցեղասպանության ճանաչումը շարունակվի նաեւ այլ երկրների կողմից, ապա արդեն կհասունանա կոնկրետ Թուրքիայի կողմից Ցեղասպանությունը ճանաչելու հարցը: Արդյոք տասնամյակնե՞ր կպահանջվեն դրա համար, չգիտեմ, բայց հասկանալի է, որ Ցեղասպանության 100-րդ տարելիցից հետո սա պետք է լինի բոլորիս գլխավոր նպատակը:
Քաղաքագետ ԼԵՎՈՆ ՇԻՐԻՆՅԱՆԸ փաստեց.
- Ասել եմ եւ կրկնում եմ, որ Թուրքիան Հայոց ցեղասպանության ճանաչման հարցում մեկ սանտիմետր անգամ զիջումների չի գնա: Իսկ այն, ինչ Թուրքիան անում է ցավակցական ուղերձներ հղելով, զուտ լարախաղացություն է: Եթե ապրիլի 24-ից հետո չունենանք մեծ ակնկալիքներ, չի նշանակում, որ պետք է վհատվենք: Ցեղասպանության ճանաչմանն ուղղված աշխատանքերը հարկավոր է բաժանել երկու մասի` ուշադիր հետեւել Թուրքիայի շուրջ միջազգային իրավիճակի զարգացման տրամաբանությանըª նոր աշխարհակարգի կերպափոխման գործընթացի մեջ եւ հետեւել ԱՄՆ-ի ճնշումներին Թուրքիայի վրա: Պետք է հաշվի առնել նաեւ, որ նեղ իրավիճակներում Թուրքիան միշտ էլ դաշնակիցներին թողել է եւ ուրիշների հետ "ամուսնացել": Անհրաժեշտ է, որ հայկական կողմն իր օրակարգը հստակեցնի, պահանջատիրությունը չթուլացնի եւ աշխատի թուրք այլախոհների հետ:
Փորձագետ ՀԱՅԿԱԶՈՒՆ ԱԼՎՐՑՅԱՆՆ ընդգծեց.
- Հայոց ցեղասպանության 100-րդ տարելիցին նվիրված միջոցառումները կավարտվեն եւ կտեսնենք, թե դրանց արդյունքում ինչ ունենք: Առայժմ սպասում ենք, թե Գերմանիայի նախագահը կօգտագործի՞ "ցեղասպանություն" բառը, թե` ոչ: Անշուշտ այս գործոնները հետագայում իրենց ազդեցությունը կունենան Ցեղասպանության ճանաչման հարցում, սակայն պետք չէ ակնկալել մեծ արդյունքներ:


Z-PR սոցհարցման կենտրոնը Երեւան քաղաքում 100 հոգու շրջանում կատարել է հարցում` պարզելու համար, թե ինչ ակնկալիքներ ունեն քաղաքացիները Հայոց ցեղասպանության ճանաչման հարցում` ապրիլի 24-ից հետո:
1. Սայլը տեղից կարծես թե շարժվում է, եթե Ցեղասպանության ճանաչմանն ուղղված գործընթացները նույն ոգեւորությամբ շարունակվեն, Թուրքիան ի վերջո կընդունի հայերի ցեղասպանության փաստը- 42%:
2. Քանի դեռ աշխարհի շատ երկրներ Ցեղասպանության ճանաչման հարցին մոտենում են Թուրքիայի հետ սեփական հարաբերությունների տեսանկյունից, ճանաչման գործընթացը համընդհանուր բնույթ չի ունենա- 40%:
3. Եթե մեզ հաջողվի հասնել գերտերությունների կողմից Ցեղասպանության ճանաչմանը, արդեն կարեւոր չի լինի Թուրքիայի եւ մյուս երկրների ընդունել-չընդունելը- 13%:
4. Դժվարանում է պատասխանել- 5%:

ԶՎԱՐԹ ԽԱՉԱՏՐՅԱՆ

 

Հավանեցի՞ր հոդվածը, կիսվիր ընկերներիդ հետ