ԶԱՐՄԱՆՔ
Արխիվ 12-16
Ինչքան էլ ԷՐԴՈՂԱՆԸ, կներեք արտահայտության համար, պատռում է իր հետույքը, իր ակնկալած արդյունքին չի հասնում: Զարմանալիորեն, Ստրասբուրգում որոշ թուրք պատվիրակներ ԵԽԽՎ մեր պատվիրակության կանանցից ընդունել են անմոռուկներ: Սակայն մեծագույն տհաճ անակնկալը Էրդողանին մատուցել են Թուրքիայի այն քաղաքացիները, ովքեր ակտիվորեն օգտվում են համացանցից: Ըստ տեղեկատվական անվտանգության փորձագետ Սամվել Մարտիրոսյանի անցկացրած ուսումնասիրության. "Թուրքական Թվիթերում հենց հիմա ամենատարածված հեշթեգը #ErmenilerdenOEzuerDiliyorum, ինչը կշանակէ` Ես ներողություն եմ խնդրում հայերից": Դե ինչ, վատ չէ, վատ չէ, սակայն թուրքերը թող հույս չունենան, որ նույնիսկ պետական մակարդակով ասված ներողությունով կարող են պրծնել:
Մենք ենք, Ավստրիան եւ Ամերիկան,- այդ խոսքին ճշտորեն համապատասխան` ԱՎՍՏՐԻԱՅԻ խորհրդարանի կողմից Հայոց ցեղասպանության մասին հայտարարության ընդունումից հետո, որտեղ ապրիլի 22-ին գումարված 25-րդ նստաշրջանի 68-րդ լիագումար նիստի ընթացքում, ճանաչեց եւ դատապարտեց Օսմանյան կայսրությունում տեղի ունեցած Հայոց ցեղասպանությունը: Ու դա զարմանալիորեն առիթ դարձավ թուրքական հերթական հիսթերիայի` Ավստրիայում Թուրքիայի դեսպան Հասան Գեգյուշը կանչվել է Անկարա: Զարմանալի խալխ են այդ թուրքերը` ղզիկ ու հիսթերիկ, չեն կարողանում արժանապատվորեն ընդունել սեփական ձախողումները: Բայց, ախր, որտեղից արժանապատվություն մի քոչվոր ցեղին, որը "հազար տարում մարդակերից դարձավ մարդասպան, եւ երկար է մինչեւ մարդ նրա ճամփան":
Իսկ 100-ամյակի կապակցությամբ լրիվ "գժական" իրեն դրսեւորեց Սպիտակ տան մամուլի քարտուղարի տեղակալ ԷՐԻԿ ՇՈՒԼՑԸ: "Մենք մտադիր ենք օգտվել տարելիցի առիթից, որպեսզի ուշադրություն դարձնենք 1915 թվականի ահավոր իրադարձությունների վրա, եւ կոչ անել ամբողջությամբ, ազնվորեն եւ արդարությամբ ճանաչել փաստերը, ինչը, մեր կարծիքով, համապատասխանում է բոլոր կողմերի շահերին",- ասել է Շուլցը` ճշտելով, որ նկատի ունի Թուրքիան, Հայաստանը եւ ԱՄՆ-ը:
Իսկ մեր երկրում զարմանալիորեն տգեղ իրենց պահեցին ԼԵՎՈՆ ՏԵՐ-ՊԵՏՐՈՍՅԱՆԸ եւ ՌՈԲԵՐՏ ՔՈՉԱՐՅԱՆԸ: Դե, վաղուց սովոր ենք, որ ապրիլի 24-ի նախօրեին ԼՏՊ-ի առողջական վիճակը վատանում է, սակայն տարօրինակ է Ռոբերտ Սեդրակիչի կողմից նրա օրինակին հետեւելը: Ինչպես հայտնում են ՀՀ երկրորդ նախագահի գրասենյակից, Ռոբերտ Քոչայանը ապրիլի 24-ին չի կարողանա մասնակցել Ցեղասպանության 100-ամյա տարելիցի միջոցառումներին, քանի որ օրերս երկրորդ նախագահին վիրահատել են: Զարմանալի է, մի՞թե անհասկանալի հոգեվիճակից ելնելով` պարտադիր էր պլանային վիրահատությունը նշանակել հենց այն պահին, որը հնարավորություն է ստեղծում չգալ Ծիծեռնակաբերդ: Ախր, գրողը տանի, ապրիլի 24-ին ՀՀ բոլոր նախագահների պարտավորությունն է այդտեղ լինել:
Իսկ ահա GOOGLE որոնողական համակարգը այսօր Հայաստանում ունի այսպիսի տեսք, իսկ մնացյալ աշխարհում, այդ թվում Թուրքիայում, պարզապես առանց նկարի է: Զարմանալիորեն GOOGLE-ից ստացանք այն, ինչը չէին կարողանում ստանալ հրեաները իրենց Հոլոքոստի օրվա համար:
Զարմացած է
ՀՈՎՀԱՆՆԵՍ ԳԱԼԱՋՅԱՆԸ
Հավանեցի՞ր հոդվածը, կիսվիր ընկերներիդ հետ
