"Հիմնադիր խորհրդարանը" փաստացի հրաժարվել է "100-ամյակն առանց ռեժիմի" կարգախոսից, եւ այսօրվա հանրահավաքի վերաբերյալ տարածած իրենց հայտարարությունը գրեթե ամբողջովին նվիրված է Հայոց ցեղասպանությանը, ու միայն ամենավերջում համեստորեն գրված է երկու բառ` որ պայքարելու են քաղբանտարկյալների ազատության համար` որպես "ռեժիմը հեռացնելու" առաջին քայլ:
Ըստ ներսի աղբյուրի` իրականում "Հիմնադիր խորհրդարանը" պատվիրել էր բավականին թանկ սոցհարցում` պարզելու, թե ինչպիսին կլինի ժողովրդի արձագանքը, եթե իրենք ապրիլի 24-ին սուր գործողություն անեն: Սոցիոլոգները նրանց տեղեկացրել են, որ, ամենայն հավանականությամբ, ժողովուրդն իրենց պարզապես տեղում ինքնադատաստանի կենթարկի: Այդ պատճառով գտել են իրենց բանաձեւը` հա՛մ փոքր հանրահավաք են անում, այսինքն` չեն հրաժարվում նախկինում ասածից, հա՛մ առաջադրում են այնպիսի պահանջ, որն իշխանությունը, միեւնույնն է, անելու էր առանց որեւէ պահանջի: