Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՀԱՅ ՊԱՏԳԱՄԱՎՈՐՆ ԱՆՀԱՆԳՍՏԱՆՈ՞ՒՄ Է ԹՈՒՐՔԵՐԻ ՀԱՄԱՐ, ՈՐՈՆՔ ԱՐԵՎՄՏՅԱՆ ՀԱՅԱՍՏԱՆԸ ՀԱՅԿԱԿԱՆ ՏԱՐԱԾՔ ՉԵՆ ՀԱՄ

Արխիվ 12-16

ՀԱՅ ՊԱՏԳԱՄԱՎՈՐՆ ԱՆՀԱՆԳՍՏԱՆՈ՞ՒՄ Է ԹՈՒՐՔԵՐԻ

ՀԱՄԱՐ, ՈՐՈՆՔ ԱՐԵՎՄՏՅԱՆ ՀԱՅԱՍՏԱՆԸ ՀԱՅԿԱԿԱՆ

ՏԱՐԱԾՔ ՉԵՆ ՀԱՄԱՐՈՒՄ

 

Ինչպես արդեն տեղեկացրել է «Իրավունքը», թուրք պատգանավոր Ուֆուկ Ուրասն այսօր  լրագրողների հետ հանդիպման ժամանակ հայտարարում էր, որ ծպտյալ  հայերը Թուրքիայում որեւէ խնդիր չունեն  իրենց արմատներին վերադառնալու: Իրականությունը, սակայն, այն է, որ ծպտյալ հայերն իրենց արմատներին վերադառնալուց հետո հոգեբանական, քաղաքական խնդիրների առաջ են կանգնել: Անգամ աշխատանք գտնելն է իրենց համար դժվարանում: Էլ չենք խոսում այն մասին, որ ազգային փոքրամասնություններին Թուրքիայիում համարակալում են: Այսօր ասուլիսի ավարտից հետո «Իրավունքը» թուրք պատգամավորին պնդեց իր հարցադրումը`ասելով, որ հենց ծպտյալ հայերն են խոստովանում, որ իրենք խնդիրների առաջ են կանգնում, թուրք պատգամավորն անմիջապես փոխեց իր դիրքորոշումը: «Գիտեք, եթե հայերն այդպես են ասում, ուրեմն ճիշտ են ասում: Մենք մեծ քաղաքում ենք ապրում: Փոքր քաղաքում կարող է նման խնդիր լինել»,- ասաց պատգամավորը, ապա հիշեցրեց` Ֆեթիյե Չեթինի տատիկի մասին պատմող գիրքը մեծ պայթյուն էր:

- Բայց նման դեպքեր եզակի են: Ծպտյալ հայերը  համատարած  չեն կարողանում իրենց արմատներին վերադառնալ:

- Իրավացի եք: Հոգեբանական խնդիրներ կան, բայց ես հավատում եմ` ապագայում ավելի արագ կզարգանան այդ գործընթացները:

-«Ներողություն հայեր» ակցիայի մասնակիցների մեծ մասը  չի ցանկանում խոսել հայերին ֆինանսական ու տարածքային` Արեւմտյան Հայաստանի փոխհատուցման մասին: Դուք կարծում եք, որ հայերիս անհրաժեշտ է այդ դատարկ ներողությո՞ւնը:

- Այս շարժումը մենք ենք սկսել չորս տարի առաջ: Այդ շարժման ընթացքում ասվում էր, որ ընդունվելու են հայերի բոլոր պահանջները: Ինչ վերաբերում է հողերին, կարծում ենք ավելի շատ խոսելու ենք ընդհանուր բնակավայրի  ու ընդհանուր հայրենիքի մասին:

- Ո՞րն է այդ ընդհանուր հայրենիքը, եթե Արեւմտյան Հայաստանը պատկանում է  հայերին, որը փաստերով կարելի է ապացուցել:

- Բայց բնակչությունը ժամանակի հետ այնքան է փոխվել, որ  կարող ենք խոսել ընդհանուր հայրենիքի մասին:

Հ.Գ. Թուրք պատգամավորին ցանկանում ենք հիշեցնել` Արեւմտյան Հայաստանում  բնակչության կազմը փոփոխելը եւ հայերին այնտեղից վերացնելը եղել է օսմանյան կայսրության, ապա նաեւ  հանցագործ երիտթուրքերի նպատակը, որն աստիճանաբար նրանք կյանքի են կոչել: Իսկ թուրք պատգամավորի այս լղոզված հայտարարությունը, թե «Ներողությո՛ւն, հայե՛ր» ակցիայի  ներկայացուցիչները պատրաս ենք  հայերի բոլոր պահանջները կատարել, բայց Արեւմտյան Հայաստանը ընդհանուր հայրենիք է, ցույց է տալիս հետեւյալը` առաջին` Թուրքիան չի ցանկանում  Հայոց ցեղասպանության խնդիրը լիարժեքորեն ուսումնասիրել` հույս ունենալով հարցը փակել դատարկ ու անիմաստ ներողությունով:

Ի դեպ, մեր հարցերի ընթացքում մի տեսակ անհանգիստ էր ԲՀԿ գործարար պատգամավոր, Արեւմտահայոց  ազգային համագումարի խորհրդի անդամ Արագած Ախոյանը: Վերջինս կոչ էր անում «Իրավունք» թերթի լրագրողին  դիվանագիտորեն նայել Հայոց ցեղասպանության խնդրին,  հարցերն այլ կերպ ձեւակերպել ու  դուրս գալ զոհի կարգավիճակից: Պրն Ախոյան, լրագրողն իրավունք ունի ցանկացած հարց ուղղել այնպես, ինչպես ինքը ցանկանում է` կոռեկտության սահմաններում անշուշտ: Դիվանագիտությունն առաջին հերթին ԱԳՆ-ի եւ քաղաքական ու պետական այլ կառույցների գործն է: Ինչ վերաբերում է զոհի կարգավիճակից դուրս գալուն, ապա  ցեղասպանության չորրորդ սերունդը, որի ներկայացուցիչն է տողերիս հեղինակը, վաղուց արդեն  պահանջատիրության սկզբունքով է առաջնորդվում`հիշեցնելով մեր հարեւան պետությանը, որ չի հրաժարվելու իր պատմական հայրենիքից ու ֆինանսական միլիարդավոր փոխհատուցումից: Հիշում ենք եւ պահանջում:

 


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ