Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«Պանթուրքիստները նման են աշխարհի ամենավտանգավոր վիրուսին». Ալաքրամա Գումմատզոդա

Արխիվ 12-16

«Պանթուրքիստները նման են աշխարհի

ամենավտանգավոր վիրուսին». Ալաքրամա Գումմատզոդա

 


Թալիշների առաջնորդ, Թալաիշ-Մուղանյան հանրապետության նախագահ Ալաքրամա Գումմատզոդան Հայոց եղեռնի 100-րդ տարելիցի կապակցությամբ Թալիշստանի ազգային հեռուստատեսությամբ ցավակցական ուղերձ է հղել հայ ժողովրդին, որում մասնավորապես ասված է. «Հարազատ իմ ընկերներ Այսօր, մենք՝ թալիշներս ձեզ հետ միասին սգում և վշտակցում ենք ձեզ: Թող, որ Բարձրայլն այլևս թույլ չտա, որ նման ծանր փորձության ենթարկվեք:

1915 թ.-ի ապրիլի 24-ը հայոց ազգային օրացույցում վշալի օր է: Այդ ողբերգությունը ողջ մարդկության պատմության սև օրն է: Պատմությունը դեռևս իր գնահատականը չի տվել այն վայրագություններին, որոնք տեղի են ունեցել Հիտլերից առաջ: Ոչ մի ազգ նման ձևով չի կարող երկրի երեսից վերանալ, քանի որ ազգերը ստեղծվում են Աստծո կողմից: Հայերը որպես ժողովուրդ՝ գիտության, քաղաքականության և մշակույթի ոլորտներում աշխարհին տվել են անվանի գործիչներ: Օսմանյան պանթուքիստները ոչնչացնելով մեկ միլիոնից ավելի հայերի չկարողացան երկրի երեսից ջնջել հայ ժողովրդին: Եվ այսօր տեսնում ենք Հայաստանի Հանրապետություն դեմոկրատական պետությունը: Շայթանները չկարողացան հաղթել փառապանծ հայ ժողովրդին: Այն ժողովրդին, որը ձգտում է ազատության հնարավոր չէ կանգնեցնել, քանի որ այդ ազատությունը Աստծո կողմից է շնորհված: Մենք, թալիշներս ոչ թե պատմություններից ենք լսել այդ վայրագությունների մասին, այլ ներկայումս ամեն օր ենք բախվում նման երևույթների: Թալիշ ժողովուրդը այդ վշտագին օրը Ձեզ հետ է:

1993 թվականին, երբ մենք նույնպես ձգտում էինք ստեղծել մեր երկիրը, նույն պանթուրքիստերը, բայց այս անգամ արդեն Ադրբեջանի Հանրապետությունից նույն ձևով վարվեցին մեզ հետ: Մի քանի հազար մեր որդիների տանջեցին և ոչնչացրեցին ադրբեջանական ազգային անվտանգության ծառայության պատերի տակ: Թալիշները հիմա էլ շարունակում են ապրել իրենց հարազատ հողի վրա՝ ստրուկի կարգավիճակով: Պանթուրքիստները նման են աշխարհի ամենավտանգավոր վիրուսին, որոնք սատանայական կրքով են վերացնում իրենց հարևանությամբ ապրող ժողովուրդներին: Մենք, թալիշներս դիմում ենք բոլոր ազատասեր ժողովուրդներին և ասում ենք. մենք անիծում ենք նման վայրագությունները և անմարդկային արարքները: Աստված թող հայ ժողովրդին համբերություն տա և թող գա այն օրը, երբ կտոնենք հայ-թալիշական բարեկամությունը մեր հարազատ և Ադրբեջանական լծից ազատագրված Թալիշստանի փառապանծ մայրաքաղաք Լենքորանում: Թալիշ ժողովուրդը եղբայրական հայերի կողքին է: Կեցցե հայ-թալիշական բարեկամությունը, կեցցե հայ ժողովուրդը, կեցցե հզոր Հայաստանը, կեցցե մեր երազանքների Թալիշական անկախ հանրապետությունը»,- ասված է թալիշների առաջնորդի ուղերձում:



ԱՐՄԻՆԵ ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ