Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԻՆՉՈ՞Ւ ՎՐԱՍՏԱՆԸ ՉԻ ԿԱՐՈՂԱՆՈՒՄ ՔԱՂԱՔԱԿԱՆ ԽԻԶԱԽՈՒԹՅՈՒՆ ԴՐՍԵՎՈՐԵԼ

Արխիվ 12-16

ԻՆՉՈ՞Ւ ՎՐԱՍՏԱՆԸ ՉԻ ԿԱՐՈՂԱՆՈՒՄ ՔԱՂԱՔԱԿԱՆ ԽԻԶԱԽՈՒԹՅՈՒՆ ԴՐՍԵՎՈՐԵԼ

 

Հիմա, երբ անգամ Եվրոպան է բացել աչքերն ու հոգեւոր, քաղաքական, հասարակական ամենաբարձր մակարդակներով բարձրաձայնում է պատմական ճշմարտության մասին` նշելով, որ 1915 թվականին 1,5 միլիոն հայերի կոտորածը ցեղասպանություն էր, էլ ավելի անտրամաբանական է դառնում մեր որոշ դաշնակից ու հարեւան երկրների անտարբերությունը համազգային ցավի նկատմամբ: Այս հանատեքստում նշենք, որ ԵՏՄ գործընկեր պետություններից Բելառուսն ու Ղազախստանը Հայոց ցեղասպանության 100-րդ տարելիցի միջոցառումներին չեն մասնակցի երկրի առաջին դեմքերով, իսկ Հայոց ցեղասպանությունն առ այսօր չճանաչած հարեւան Վրաստանն ընդհանրապես լուռ է այս հարցում: Հենց այս ամենի շուրջ էլ «Իրավունքը» զրուցեց ԱԺ ՀՀԿ խմբակցության պատգամավոր, ԱԺ Արտաքին հարաբերությունների մշտական հանձնաժողովի անդամ ՇԻՐԱԿ ԹՈՐՈՍՅԱՆԻ հետ:

– Ըստ Ձեզ, Հայոց ցեղասպանության ճանաչման ուղղությամբ ի՞նչ կարող ենք այս պահին ակնկալել հարեւան Վրաստանից, երբ ողջ աշխարհն է այսօր բարձրաձայնում Ցեղասպանության մասին:

– Վրաստանն առանձնահատուկ հարաբերություններ ունի տարածաշրջանում, նաեւ ջերմ հարաբերություններ ունի Հայաստանի հետ, եւ բավական խորը տնտեսական ու քաղաքական հարաբերություններ Ադրբեջանի եւ Թուրքիայի հետ: Հատկապես Սահակաշվիլու կառավարման տարիներին Վրաստանը շատ մեծ ծավալով տնտեսական առումով ընկավ թուրք-ադրբեջանական տանդեմի տնտեսական ազդեցության տակ: Այս տեսանկյունից Վրաստանը խնդիր ունի, եւ պետք է ինչ-որ տեղ ըմբռնումով մոտենալ Վրաստանի վարքագծին` Ցեղասպանության հարցում նրանց դիրքորոշման հետ կապված: Վրաստանում Ադրբեջանը եւ Թուրքիան հսկայական ներդրումներ են կատարել իրենց համար եւ այդ հսկայական տնտեսական ազդեցությունը, բնականաբար, վերածվում է քաղաքական ազդեցության: Իշխանություններն իհարկե փորձ անում են թուլացնել թուրք-ադրբեջանական տանդեմի տնտեսական ազդեցությունը Վրաստանում, բայց դա մի օրվա գործ չէ: Եվ բնական է, որ այդ տեսանկյունից Վրաստանը Հայոց ցեղասպանության ճանաչման հարցում գործուն քայլեր անելու դեպքում լուրջ խնդիրներ կունենա Թուրքիայի եւ Ադրբեջանի հետ, որը շատ մեծ բարդություններ կառաջացնի իրենց համար: Իհարկե, շատ ցանկալի կլիներ, որ Վրաստանը կարողանար քաղաքական խիզախություն դրսեւորել եւ ճանաչել Հայոց ցեղասպանությունը, բայց քաղաքականության մեջ «խիզախություն» կամ այլ տերմիններ կիրառելը պրակտիկ չեն, կան իրական, գլոբալ շահեր, եւ այդ շահերն է սպասարկում յուրաքանչյուր երկրի վարած քաղաքականությունը:

– Բայց այսօր անգամ Թուրքիայի հին բարեկամ Գերմանիան է ճշմարտությունը վեր դասում իր երկրի շահերից եւ ապրիլի 24-ին գերմանական Բունդեսթագը պաշտոնապես պատրաստվում է ճանաչել Հայոց ցեղասպանությունը:

– Համաձայն եմ, թեպետ դեռ ոչինչ չի ասել Գերմանիան, բայց մենք ակնկալում ենք, որ կասի: Բայց եկեք չմոռանանք, որ Գերմանիան 85 միլիոնանոց գերհզոր պետություն է եւ Եվրամիության առաջատար երկիրն է: Հետեւաբար, Գերմանիային ավելի հեշտ է հաղթահարել քաղաքական կաշկանդվածությունները, քան Վրաստանի նման երկրին:

– Իսկ ի՞նչ կասեք մեր ԵՏՄ գործընկերոջ` Բելառուսի մասին, որի նախագահը ապրիլի 24-ին նախընտրեց ոչ թե լինել դաշնակից Հայաստանում, այլ հենց Եվրամիության ճանապարհն ընտրած Վրաստանում:

– Յուրաքանչյուր պետություն իր քաղաքականությունն ու իր քաղաքական վարքագիծն ինքն է որոշում` ելնելով իր շահերից, իր առջեւ դրված հեռանկարային խնդիրներից, դրանց լուծումներից: Ես` որպես ԵՏՄ անդամ երկրի քաղաքացի, շատ կցանկանայի, որ ԵՏՄ երկրները մեծ ուշադրություն դարձնեին այս կարեւոր խնդրին` Հայոց ցեղասպանության ճանաչմանը: Եթե Ղազախստանի պարագայում հասկանալի է, որ չեն մասնակցում Ցեղասպանության 100-րդ տարելիցին նվիրված հիշատակի միջոցառումներին` նախագահական ընտրությունների պատճառով, ապա Բելառուսի պարագայում, դա նրանց քաղաքական որոշումն է: Բայց պետք է նշենք, որ ԵՏՄ-ի հիմնադիր, առաջատար եւ շարժիչ ուժ ունեցող երկիրը` Ռուսաստանը, իր ողջ հզորությամբ եւ ամենաբարձր ներկայացվածությամբ մասնակից է լինելու 100-ամյա տարելիցի միջոցառումներին Հայաստանում:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ