Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ՄԵՆՔ ՈՒՆԵՆՔ ՈՒՂԵՂ, ՈՐԸ ԹՈՒՐՔԵՐԸ ՉՈՒՆԵՆ». ԳԵՐՄԱՆԵՐԵՆ ԵՐԳԻ ՊՐԵՄԻԵՐԱ` ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆԸ

Արխիվ 12-16

«ՄԵՆՔ ՈՒՆԵՆՔ ՈՒՂԵՂ, ՈՐԸ ԹՈՒՐՔԵՐԸ ՉՈՒՆԵՆ». ԳԵՐՄԱՆԵՐԵՆ ԵՐԳԻ ՊՐԵՄԻԵՐԱ` ՆՎԻՐՎԱԾ ՀԱՅՈՑ ՑԵՂԱՍՊԱՆՈՒԹՅԱՆԸ

 

Այսօր գերմանաբնակ հայազգի երգիչներ ՀԱՅԿ ԿԱՍՊԱՐՈՎՆ ու ռեփեր ԴԱՎԻԹԸ հանրության դատին են հանձնել իրենց նոր զուգերգի տեսահոլովակը` նվիրված Հայոց ցեղասպանության 100-րդ տարելիցին: Ի դեպ, երգը, որը կոչվում է «Հիշում ենք» («We Remember»), գերմաներեն ռեփ է` համեմված հայկական հնչյուններով: Տեսահոլովակի պրեմիերայի առթիվ «Իրավունքը» կապ հաստատեց եւ զրուցեց Հ. ԿԱՍՊԱՐՈՎԻ հետ:

- Ինչպե՞ս ծնվեց գաղափարը` Հայոց ցեղասպանության մասին երգել գերմաներեն:

- Երգի գաղափարը Դավիթին էր: Եվ քանի որ ապրիլի 21-ին միայն իմացա այս երգի մասին եւ լսեցի, մտահաղացում առաջացավ, որպեսզի որպես երկրորդ ձայն` հնչի իմ կատարմամբ «Դլե յամանը»: Համոզված եմ, որ գերմանացիներն էլ կլսեն այս երգը եւ այդ իսկ պատճառով որոշեցինք, որ հայկական շունչ նույնպես լինի երգում:

- Հայկ, Ձեզ հայրենիքում բոլորն են ճանաչում, իսկ ի՞նչ կպատմեք ռեփեր Դավիթի մասին:

- Դավիթն էլ հայտնի է Գերմանիայում եւ ունի իր լսարանը: Նրա մի շարք հայտնի երգերից, հատկապես ամենատարածվածը «Պարի քուրո» երգն է:

- Այնուամենայնիվ, բավական հետաքրքիր համադրություն է ստացվել` գերմաներեն ռեփն ու հայկական երգի ելեւէջները: Ձեր եւ Դավիթի համագործակցությունը կշարունակվի՞ այսպիսի նախագծերով:

- Չեմ բացառում, միգուցե նաեւ լինեն այլ համագործակցություններ Դավիթի հետ, բայց այս անգամ ոչ թե մեկ օրում կփորձենք աշխատել երգի վրա, այլ երկար ժամանակ: Բայց մոտ ժամանակներս ավելի շատ կենտրոնացած կլինեմ իմ անհատական ծրագրերի վրա:

- Մի քանի բառով կասե՞ք, թե ինչի մասին է երգի գերմաներեն հատվածը:

- Գերմաներենից թարգմանվում է մոտավորապես այսպես. «100 տարի է, որ մեր վերքերը բաց են: Միլիոնավոր մարդկանց գազանաբար սպանել են ու մինչ այսօր փորձում են չընդունել իրենց մեղքը: Աղոթում ենք` զոհվածների հիշատակի համար: Մեզ զենք հարկավոր չէ, իրենց հետ հաշվեհարդար լինելու համար: Մենք ունենք ուղեղ, որը թուրքերը չունեն»:

- Ի դեպ, վստահ եմ` տեղյակ եք, որ Գերմանիայի նախագահը բարձրաձայնեց Հայոց ցեղասպանության մասին: Ինչպիսի՞ տրամադրություններ են տիրում այս ամենի վերաբերյալ Գերմանիայում:

- Իհարկե, ուրախացանք բոլոր հայերս էլ, ովքեր բնակվում են Գերմանիայում, երբ այսօր լուրերով լսեցինք Գերմանիայի նախագահ Յոհակիմ Գաուկի ելույթը: Ավելին`այսօր գերմանական հեռուստաալիքների լուրերով Հայաստանն էին ցույց տալիս եւ մի տեսակ կարոտը խեղդում էր…

Նշենք, որ Հ. Կասպարովը զրույցի վերջում ընդգծեց, որ անպայման ապրիլի 25-ին մասնակցելու է Բեռլինում կայանալիք երթին` նվիրված Հայոց ցեղասպանության 100-րդ տարելիցին:



ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ