Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԵՐԵԿ ԱՍՈՒՄ ԷԻՆ, ՈՐ ՎԱՂՎԱ ՕՐԸ ԵՐԻՏԱՍԱՐԴՆԵՐԻՆՆ Է, ԱՅՍՕՐ ԱՐԴԵՆ ԵԿԵԼ Է ԱՅԴ ՎԱՂԸ» (ՊՐԵՄԻԵՐԱ)

Արխիվ 12-16

«ԵՐԵԿ ԱՍՈՒՄ ԷԻՆ, ՈՐ ՎԱՂՎԱ ՕՐԸ ԵՐԻՏԱՍԱՐԴՆԵՐԻՆՆ Է, ԱՅՍՕՐ ԱՐԴԵՆ ԵԿԵԼ Է ԱՅԴ ՎԱՂԸ» (ՊՐԵՄԻԵՐԱ)

 

Էլ ով, եթե ոչ ուսանողները չպիտի ողջ աշխարհում հնչեցնեն Ցեղասպանությունից անգամ 100 տարի անց ձայնը հայի` ասելով` «Հիշում ենք ու պահանջում»: Հենց ասվածի վառ ապացույցն էլ ուսանողական միացյալ ուժերով ստեղծված «Ձայնը հայի» վերնագրով երգն է ու երգի հիման վրա նկարահանված տեսահոլովակը: Հայոց ցեղասպանության 100-րդ տարելիցին նվիրված վերոնշյալ նոր երգի ու տեսահոլովակի մասին էլ «Իրավունքը» զրուցեց երգի խոսքի եւ երաժշտության հեղինակ, տեսահոլովակի ռեժիսոր ՍՈՒՐԵՆ ԵՂԻԱԶԱՐՅԱՆԻ  հետ, ով նախեւառաջ, համեստաբար նշեց.

- Ես երաժշտությամբ զբաղվում եմ սիրողական մակարդակով, թեպետ, նվագում եմ համալսարանի` իմ իսկ կողմից ստեղծված  «Carpe diem» ջազ-բենդում, որտեղ պրոֆեսիոնալներ են: Առհասարակ երաժշտության մեջ բավականին կարճ ժամանակ է, ինչ գործունեություն եմ ծավալում, եւ «Ձայնը հայի» երգի տեսահոլովակը իմ առաջին ռեժիսորական աշխատանքն էր:

- Սուրեն, իսկ ինչպե՞ս ծնվեց այսպիսի երգ ստեղծելու գաղափարը:

- Երգն իմ նախաձեռնությունն էր, որն ընդգրկվեց ՀՊՄՀ ուսանողական խորհրդի` Հայոց ցեղասպանության 100-րդ տարելիցին նվիրված միջոցառումների շարքում: Սկզբում ստեղծվեց երաժշտությունը, հետո երգի տեքստը, իսկ վերջում Վարդան Գալստյանը կատարեց գործիքավորումը: Այնուհետեւ, փուլ առ փուլ ստացանք այն, ինչ այսօր հանձնել ենք հանրության դատին:

- Ովքե՞ր են երգի կատարողները:

- Երգիչները, ինչպես եւ տեսահոլովակի ողջ թիմը` օպերատոր, մոնտաժող, Հայկական պետական մանկավարժական համալսարանի ուսանողներն են (օպ.` Հայկ Մանուկյան, մոնտաժ.`Աղվան Ասոյան), ովքեր ներկայացնում են տարբեր ֆակուլտետներ: Ի դեպ, երգիչներից ոչ բոլորն ունեն երաժշտական լուրջ կրթություն` հանձինս ինձ: Ես հոգեբան եմ ու նույնիսկ նոտա չգիտեմ:

-Որքա՞ն ժամանակ տեւեց երգի պատրաստման, տեսահոլովակի նկարահանման աշխատանքները:

- Երգը ստեղծվել է բավականին կարճ ժամանակահատվածում, աշխատանքային ընթացքը տեւել է մոտ երկու շաբաթ: Իսկ տեսահոլովակը նկարահանվել եւ մոնտաժվել է երկու-երեք օրում:

- Երգը կոչվում է «Ձայն հայի», ըստ Ձեզ, ուսանողների ձայնը ավելի՞ հասանելի կլինի աշխարհին:

- Երեկ ասում էին, որ վաղվա օրը երիտասարդներինն է, այսօր արդեն եկել է այդ վաղը: Կարծում եմ` փոփոխություններ քաղաքական հարթակից զատ կարող է անել միայն երիտասարդն` անկախ սոցիալական կարգավիճակից` լինի ուսանող, թե` ոչ:

- Ի դեպ, եթե օբյեկտիվ լինենք, չենք կարող չասել, որ վերջին օրերին Հայոց ցեղասպանությանը նվիրված բազմաթիվ նոր տեսահոլովակներին ու երգերին, որոնք հայտնի երգիչ-երգչուհիներ են կատարում, Ձեր երգը չզիջեց, ավելին` այն առնվազն լավագույնների շարքում է:

- Երգն ու նրա հաջողությունը միայն ինձ վերագրելը ճիշտ չեմ համարում, որովհետեւ, ինչպես տեսնում եք, տասնյակ մարդիկ են աշխատել, երգել տեսահոլովակում: Հավաստիացնում եմ Ձեզ, որ մոտ այդքանն էլ կադրից դուրս են մնացել, բայց իրենց ներդրումն այս կամ այն կերպ կատարել են երգի ստեղծման մեջ: Իսկ նման գնահատականի համար, իհարկե, ուրախ եմ, որովհետեւ, եթե նույնիսկ մեկը հավանի ու մեկից ավել անգամ դիտի տեսահոլովակը կամ լսի երգը, ուրեմն` մեր աշխատանքը զուր չէր, ու կարողացել ենք հասցնել թեկուզ մեկին մեր խոսքը:



 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ