Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՆԱԽԱԳԱՀԸ ՀԱՆԴԻՊՈՒՄ Է ՈՒՆԵՑԵԼ ԵԽ ԳԼԽԱՎՈՐ ՔԱՐՏՈՒՂԱՐ ԹՈՐԲՅՈՐՆ ՅԱԳԼԱՆԴԻ ՀԵՏ

Արխիվ 12-16

ՆԱԽԱԳԱՀԸ ՀԱՆԴԻՊՈՒՄ Է ՈՒՆԵՑԵԼ ԵԽ ԳԼԽԱՎՈՐ ՔԱՐՏՈՒՂԱՐ ԹՈՐԲՅՈՐՆ ՅԱԳԼԱՆԴԻ ՀԵՏ

 

Նախագահ Սերժ Սարգսյանը «Ընդդեմ ցեղասպանության հանցագործության» հասարակական-քաղաքական գլոբալ ֆորումի շրջանակներում այսօր հանդիպում է ունեցել Եվրոպայի խորհրդի գլխավոր քարտուղար Թորբյորն Յագլանդի հետ:

Նախագահը շնորհակալություն է հայտնել պարոն Յագլանդին՝ հրավերն ընդունելու և գլոբալ ֆորումին մասնակցելու համար: Սերժ Սարգսյանը բարձր է գնահատել Թորբյորն Յագլանդի՝ որպես համաեվրոպական կարևորագույն կառույցի գլխավոր քարտուղարի, մասնակցությունը և ներդրումը ֆորումի աշխատանքներին, որը, Նախագահի համոզմամբ, վերահաստատում է ԵԽ դերը մարդու հիմնարար իրավունքների պաշտպանության գործում:

Հանրապետության Նախագահը հանդիպման առիթով ևս մեկ անգամ հաջողություն է մաղթել Թորբյորն Յագլանդին ԵԽ գլխավոր քարտուղարի երկրորդ մանդատի իրականացման գործում՝ նշելով, որ նա իր առաջին մանդատից սկսած բավական լուրջ և խորքային բարեփոխումներ է ձեռնարկել, որոնց հիմնական նպատակը ԵԽ դերի բարձրացումն է՝ որպես համաեվրոպական մարդու իրավունքների պաշտպան կազմակերպություն, ինչպես նաև Մարդու իրավունքների եվրոպական դատարանի արդյունավետության բարձրացումը: Սերժ Սարգսյանը վստահեցրել է, որ Հայաստանը պատրաստ է շարունակել իր աջակցությունը ԵԽ գլխավոր քարտուղարի կողմից ձեռնարկված ԵԽ բարեփոխումների գործընթացին:

Հանդիպմանը զրուցակիցներն անդրադարձել են Հայոց ցեղասպանության 100-րդ տարելիցին և դրա խորհրդին, այդ կապակցությամբ անցկացվող միջոցառումներին, որոնց թվում նաև՝ «Ընդդեմ ցեղասպանություն հանցագործության» գլոբալ ֆորումին:

Զրուցակիցներն անդրադարձել են նաև միջազգային արդի խնդիրներին, Հայաստան-Թուրքիա հարաբերություններին, տարածաշրջանի մարտահրավերներին, ԼՂ հիմնախնդրի խաղաղ կարգավորման բանակցային գործընթացին: ԵԽ գլխավոր քարտուղարն ընդգծել է, որ ԵԽ-ն ԼՂ հիմնախնդրի խաղաղ կարգավորման բանակցային գործընթացում ամբողջությամբ աջակցում է ԵԱՀԿ Մինսկի խմբի ջանքերին, համանախագահների գործունությանը և խաղաղության հասնելու համար կարևորում է հակամարտող կողմերի միջև երկխոսությունը:

Թորբյորն Յագլանդը շնորհակալություն է հայտնել ՀՀ Նախագահին՝ երևանյան գլոբալ ֆորումին հրավիրելու համար, նշելով, որ իր համար մեծ պատիվ է մասնակցել այս կարևոր ֆորումին և ելույթ ունենալ:

Հավանեցի՞ր հոդվածը, կիսվիր ընկերներիդ հետ