ՕՏԱՐԱԶԳԻ ՑԵՂԱՍՊԱՆԱԳԵՏԸ ՍԽԱԼ Է ՀԱՄԱՐՈՒՄ ՄԵԾ ԲՐԻՏԱՆԻԱՅԻ ԴԻՐՔՈՐՈՇՈՒՄԸ ՀԱՅՈՑ ՑԵՂԱՍՊԱՆՈՒԹՅԱՆ ԽՆԴՐՈՒՄ
Արխիվ 12-16ՕՏԱՐԱԶԳԻ ՑԵՂԱՍՊԱՆԱԳԵՏԸ ՍԽԱԼ Է ՀԱՄԱՐՈՒՄ ՄԵԾ ԲՐԻՏԱՆԻԱՅԻ ԴԻՐՔՈՐՈՇՈՒՄԸ ՀԱՅՈՑ ՑԵՂԱՍՊԱՆՈՒԹՅԱՆ ԽՆԴՐՈՒՄ
Ցեղասպանությունների միջազգային փորձսգետ Բիլ Շաբասն այսօր «Ընդդեմ ցեղասպանության հանցագործության» միջազգային հասարակական-քաղաքական համաժողովում խոսելով հայոց ցեղասպանության մասին, ասաց, որ մինչ փորձագետ դառնալը կանխազգում էր, որ հայերի հետ սարսափելի բան է տեղի ունեցել: «Իմ հոր գրադարանում կար Ֆրանց Վերֆելի «Մուսա լեռան քառասուն օրը» վեպը, որը կարդալով ծանոթացել եմ` ինչ է տեղի ունեցել 1915 թ-ին»,- ասաց Շաբասը:
Մեկ այլ զեկուցող Մայլք Բոլանդերը ասաց, որ պետք է ոչ միայն ընդունել ցեղասպանությունը, այլեւ նախապես կանխել այն: Թուրքիան չի ընդունում Հայոց ցեղասպանությունը, քանի որ ընդունելուց հետո պիտի հատուցում իրականացներ:
Գերմանիան եւս դժվարություն ունեցավ ընդունելու հոլոքոստը, բայց դաշնակիցների կտրուկ ճնշումը ստիպեց Գերմանիային փոխել իր դիրքորոշումը:
Խոսելով Մեծ Բրիտանիայի թագավորության դիրքորոշման մասին` Մայլք Բոլանդերն ասաց, որ սխալ է Բրիտանիայի դիրքորոշումը, որը մինչ այժմ չի ընդունել Հայոց ցեղասպանությունը եւ կոչ է անում դատարաններին ուսումնասիրել այդ փաստերը:
ՍՈՆԱ ԴԱՎԹՅԱՆ
