ԱՇԽԱՐՀԱՀՌՉԱԿ ԵՐԱԺԻՇՏՆԵՐԸ ԿԲԱՐՁՐԱՁԱՅՆԵՆ ՀԱՅՈՑ ՑԵՂԱՍՊԱՆՈՒԹՅԱՆ ՄԱՍԻՆ
Արխիվ 12-16ԱՇԽԱՐՀԱՀՌՉԱԿ ԵՐԱԺԻՇՏՆԵՐԸ ԿԲԱՐՁՐԱՁԱՅՆԵՆ ՀԱՅՈՑ ՑԵՂԱՍՊԱՆՈՒԹՅԱՆ ՄԱՍԻՆ
16-րդ անգամ անցկացվող «Երեւանյան հեռանկարներ» փառատոնն այս տարի մեկնարկեց ապրիլի 2-ին` փառատոնի բարեկամ, աշխարհահռչակ դաշնակահար Եվգենի Կիսինի մենահամերգով:
«Երեւանյան հեռանկարներ» միջազգային փառատոնի տնօրենՍոնա Հովհաննիսյանի հավաստմամբ, ապրիլ ամիսը շատ խիտ եւ հագեցած է մեծանուն երաժիշտների Հայաստան այցերով: Հատկանշական է որ կատարողները հենց ապրիլ ամսին են գալիս իրենց խոնարհումն ու հարգանքը մատուցելու Հայոց ցեղասպանության զոհերի հիշատակին:
Ապրիլի 27-ին, ժամը 19:30-ին Ալ. Սպենդիարյանի անվանօպերայի եւ բալետի ազգային ակադեմիական թատրոնում հանդես կգա հայկական արմատներով օպերային հանրահայտ, աշխարհահռչակ սոպրանո ՝Մարիա Գուլեգինան Հայաստանի պետական ֆիլհարմոնիկ նվագախմբի մասնակցությամբ, դիրիժոր՝ Էդուարդ Թոփչյան: (Ծրագրում՝ Ջուզեպպե Վերդի, Ջակոմո Պուչինի և ՈՒմբերտո Ջիորդանո) :
Իսկ ահա ապրիլի 29-ին ՝ լեգենդար «Քրոնոս» քառյակը կժամանի Երևան: Մասնագետների գնահատմամբ, այն իրենից ներկայացնում է այլ ուղղություն եւ որակ՝ լարային քառյակների համաշխարհային պատմության մեջ: «Քրոնոսը» ցանկալի հյուր է աշխարհի ցանկացած փառատոնի համար, եւհատկանշական է, որ այն իր վերաբերմունքն է արտահայտելու Ցեղասպանության առիթով՝ «Քրոնոսը» նոր գործ է պատվիրել հայկական ծագմամբ ամերիկացի կոմպոզիտոր Մարի Կույոմջյանին: Այդ ստեղծագործության համաշխարհային պրեմիերան տեղի կունենա «Երեւանյան հեռանկարներ» փառատոնի շրջանակներում: «Հուզիչ է, որ մեծանուն երաժիշտներն ապրիլին կլինեն մեր երկրում եւ իրենց խոնարհումը կբերեն Հայոց ցեղասպանության զոհերի հիշատակին»,-փաստում է «Երեւանյանհեռանկարների» տնօրենը:
ԶՎԱՐԹ ԽԱՉԱՏՐՅԱՆ
