Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՆԿԱՐՉՈՒՀՈՒ ՀԱՅՏՆԱԲԵՐԱԾ ՀԱՅ-ՍԵՐԲԱԿԱՆ ՄՇԱԿՈՒՅԹՆԵՐԻ ՆԵՐԴԱՇՆԱԿՈՒԹՅՈՒՆԸ

Արխիվ 12-16

ՆԿԱՐՉՈՒՀՈՒ ՀԱՅՏՆԱԲԵՐԱԾ ՀԱՅ-ՍԵՐԲԱԿԱՆ ՄՇԱԿՈՒՅԹՆԵՐԻ ՆԵՐԴԱՇՆԱԿՈՒԹՅՈՒՆԸ

 

ՀՀ  մշակույթի նախարարության աջակցությամբ եւ Հայաստանում Սերբիայի Հանրապետության պատվո հյուպատոս Բաբկեն Սիմոնյանի նախաձեռնությամբ  Հովհաննես Շարամբեյանի անվան ժողովրդական ստեղծագործության կենտրոնում  բացվեց  սերբահայ գեղանկարիչ Անամարիա Վարդապետյանի ստեղծագործությունների ցուցահանդեսը:

«Կյանք» խորագրիրը կրող  ցուցահանդեսը  նվիրված է Հայոց ցեղասպանության 100րդ տարելիցին: Ներկայացված են   բնանկարներ, հայկական եւ սերբական մշակույթի հուշարձանները պատկերող նկարազարդումներ, ինչպես նաեւ հայ եւ սերբ արվեստագետների դիմանկարներ:

Սերբահայ նկարչուհին   իր՝  նոր սերտվող հայերենով ողջունեց ներկաներին: Պատմեց, որ  իր պապերը Արևմտյան Հայաստանից՝  Կարինից են եղել: Նրա  մայրը սերբ է, հայրը՝ հայ.«Իմ աշխատանքներում սերբական եւ հայկական մշակույթները ներդաշնակ լուծումներ են գտնում ,- նշեց Ա.ՎԱՐԴԱՊԵՏՅԱՆԸ,- բայց այս ցուցահանդեսը շատ կարևոր էր ինձ համար հատկապես Հայոց ցեղասպանության100-րդ տարելիցին ընդառաջ»:

Հայաստանի նկարիչների միության նախագահ ԿԱՐԵՆ ԱՂԱՄՅԱՆՆ ափսոսանք հայտնեց, որ գեղնկարիչը չի ապրում եւ ստեղծագործում Հայաստանում, բայց  վստահեցրեց  , որ  այս ցուցադրությունը մեծացնելու է կապը հայրենիքի հետ: Նա նշեց, որ հետագայում  Նկարիչների Միությունը  սիրով կհյուրընկլալի  սերբահայ հեղինակին ՝ իր ցուցադրություններով:

«Նման  ցուցադրությունները  փաստում են,  որ  հին  մորթվողի  հոգեբանությունը  մի կողմ  է դրվում,  Թուրքիան մոլորակի  թիվ մեկ մեղքի բեռնակիրն է, մենք  եղել եւ մնում ենք լույսի մշակույթի, գիտության, հարատևման  բեռնակիրը »,- նշեց ժողովրդական ստեղծագործության կենտրոնի տնօրեն ՀՈՎԻԿ ՀՈՎԵՅԱՆԸ:

Հայաստանում Սերբիայի  Հանրապետության պատվո հյուպատոս ԲԱԲԿԵՆ ՍԻՄՈՆՅԱՆՆ  էլ  նշեց, որ Սերբիայում  Հայոց ցեղասպանությունը ճանաչելու վերաբերյալ  նախագծի  մշակմանն առնչվող աշխատանքներ են իրականացվում:
Անամարիա Վարդապետյանը սերբիայի նկարիչների միության անդամ է, Բելգրադի արվեստի համալսարանի մագիստրոս եւ բարձրագույն մասնագիտական քոլեջի դասախոս: Անամարիա Վարդապետյանն արտերկրում եւ Սերբիայում մասնակցել է 32 անհատական եւ 80 խմբակային ցուցահանդեսի:

Նշենք, որ ցուցահանդեսը բաց է մինչեւ ապրիլի 25-ը :


ԶՎԱՐԹ ԽԱՉԱՏՐՅԱՆ

 

Հավանեցի՞ր հոդվածը, կիսվիր ընկերներիդ հետ